បុរស​ម្នាក់ ត្រូវ​រថយន្ត​ធុន​ធំ បើក​បុក និង​កិន ស្លាប់​យ៉ាង​អាណោចអាធ័ម​

, , Leave a comment

​រាជធានី​ភ្នំពេញ ៖ បុរស​ម្នាក់​បាន​ដេកស្លាប់​ក្នុង​ថ្លុកឈាម​យ៉ាង​អាណោចអាធ័ម ខណៈដែល​រូបគាត់​ចេញពី​ធ្វើការ​នៅ​រោងចក្រ​ហើយ​ដើរ​ឆ្លងថ្នល់​សំ​ដៅ​ទៅ​ផ្ទះជួល ក៏ត្រូវ​រថយន្ត​បើក​បុក និង​កិន​បែកក្បាល​ខ្ទេច ។ ហេតុការណ៍​គ្រោះថ្នាក់​ចរាចរណ៍​ដ៏​រន្ធត់​មួយ​នេះ បាន​កើតឡើង​កាលពី​វេលា​ម៉ោង ៦ និង ១០​នាទី ល្ងាច​ថ្ងៃទី​០៩ តុលា ២០១៣ នៅតាម​បណ្តោយ​ផ្លូវជាតិ​លេខ​៤ ចំណុច​ខាងកើត​សាលាក្តី​ខ្មែរក្រហម ស្ថិតក្នុង​ភូមិ​អង្គ សង្កាត់​ចោមចៅ ខណ្ឌ​ពោធិ៍​សែន​ជ័យ​។

gg (2)

​ប្រភពពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​ជនរងគ្រោះ​បានចេញ​ពី​ធ្វើការ​នៅ​រោងចក្រ​ហើយ​ដើរ​ឆ្លងថ្នល់​សំដៅទៅ​ផ្ទះជួល ។ លុះដល់​ចំណុចកើតហេតុ​ស្រាប់​តែមាន​រថយន្ត​ធុន​ធំ​ម៉ាក​នី​ស្សាន់​ឌី​សែ​ល មួយគ្រឿង ពណ៌​លឿង ពាក់​ស្លាក​លេខ ភ្នំពេញ 3A-9547 បើកបរ​យ៉ាង​លឿន តាម​បណ្តោយ​ផ្លូច​ជាតិ​លេខ ៤ ក៏បាន​ទៅបុក​ជនរងគ្រោះ​ឲ្យ​ដួល ហើយ​កិន​តែម្តង​បណ្តាល​ឲ្យ​បែកក្បាល​ស្លាប់​យ៉ាង​អាណោចអាធ័ម​បំផុត​។​ ​បុរសរងគ្រោះ​មានឈ្មោះ សុខ វិ​ទ្ធី អាយុ ២៨​ឆ្នាំ មាន​ស្រុកកំណើត​នៅ​ភូមិ​អូរ​សា​ងាំ ឃុំ​ពុទ្ធ​ស ស្រុក​ស្វាយជ្រំ ខេត្តស្វាយរៀង មុខរបរ​ជា​កម្មករ​រោងចក្រ​កាត់ដេរ យ៉ុង ដាវី ស្នាក់នៅ​ផ្ទះជួល​នៅក្បែរ​កន្លែងកើតហេតុ​។

gg (1)

​ក្រោយ​បង្កហេតុ រថយន្ត​ខាងលើ​បាន​បើក​រត់​ប្រមាណ​ជា ៥០០​ម៉ែត្រ ទើបត្រូវ​សមត្ថកិច្ច​ប៉ុស្តិ៍​កន្ទោក ដែល​ដើរល្បាត​តាម​មូលដ្ឋាន​ចាប់បាន ចំណែក​អ្នកបើកបរ​រត់គេចខ្លួន​បាត់​។​ ​ចំណែក​សព​ជនរងគ្រោះ​ត្រូវបាន​ក្រុមគ្រួសារ​ដឹកយក​ទៅធ្វើ​បុណ្យ​តាម ប្រពៃណី​នៅ​ស្រុកកំណើត​៕

 

Leave a Reply

(*) Required, Your email will not be published