គន្លឹះ​មួយ​ចំនួន​ក្នុងការ​កែខៃ​​បបូរមាត់​របស់​អ្នកឲ្យ​មាន​ពណ៌​ស៊ី​ជំ​ពូរ ហើយ​សិច​ស៊ី​

, , Leave a comment

​បបូរមាត់​ធ្វើ​ឲ្យ​អ្នក​អាច​បង្កើន​សម្រស់​អ្នកតា​មរយៈ​ស្នាមញញឹម​ដ៏​ស្រស់ស្អាត​ផងដែរ ។ ពេលដែល​បបូរមាត់​អ្នកមាន​ពណ៌​ស៊ី​ជំ​ពូរ ស្នាមញញឹម​របស់​អ្នក​ក៏​កាន់តែ​ទាក់ទាញ​ផងដែរ​។ ប៉ុន្តែ​មាន​មនុស្ស​ជាច្រើន​ដែល​មិនមាន​បបូរមាត់​ពណ៌​ស៊ី​ជំ​ពូរ ហើយ​ថែមទាំង​មាន​ពណ៌​ស្រអាប់​ស្រគាំ ឬ​ស្លេក ដែល​មិនមាន​ភាព​ទាក់ទាញ​ទាល់តែសោះ​។ បបូរមាត់​ខ្មៅ និង​ស្រអាប់​អាច​បណ្តាល​ឲ្យ​សម្រស់​អ្នក​ថយចុះ​មួយកម្រិត ។ មាន​មូលហេតុ​ជាច្រើន​យ៉ាង​ដែល​បណ្តាល​ឲ្យ​បបូរមាត់​ពណ៌​ស្រអាប់​ដូចជា ជីវិត​មមាញឹក​ពេក កង្វះ​ការថែទាំ​សុខភាព និង​សម្រស់ ការផ្លាស់ប្តូរ​អាកាសធាតុ ជំងឺ ការប្រើ​ថ្នាំជក់ ការជក់បារី ប្រើប្រាស់​ផលិតផល​សម្រស់​ដូចជា​ក្រែ​ម​ដែល​គ្មាន​គុណភាព មិន​ជូត​ក្រែ​ម​ចេញពី​មាត់​នាពេល​យប់ កង្វះ​ឈាម​ក្នុង​បបូរមាត់ ស្ត្រេ​ស​ពេក ត្រូវ​ពន្លឺព្រះអាទិត្យ​យូរពេក ជាដើម​។​ល​។ ប៉ុន្តែ​បញ្ហា​ទាំងអស់នេះ អ្នក​មិនគួរ​មាន​កង្វល់​ឡើយ ព្រោះ​វា​អាច​កែខៃ​បាន​ដោយ​វិធី​ងាយៗ ស្រួល​សាមញ្ញ​តែមាន​ប្រសិទ្ធិភាព​ខ្ពស់​ដូចជា ៖

eyebrow

១.​ដុស​បបូរមាត់​អ្នក​ស្រាលៗ ជាមួយ​ច្រាស​ដុសធ្មេញ​បន្ទាប់ពី​ដុសធ្មេញ​រួច​រៀងរាល់​យប់ ។ ធ្វើ​យ៉ាងនេះ​អាចជួយ​កម្ចាត់​ចេញ​នូវ​ស្រទាប់​ស្បែក​ដែល​ស្ងួត និង​ប្រេះ​បាន​។

 

២.​អ្នក​ត្រូវ​ម៉ាស្សា​បបូរមាត់​ជា​រៀងរាល់ថ្ងៃ ដោយ​លាយ​ទឹកក្រូច​ឆ្មា ជាមួយ​ប្រេង​អាល់​ម៉ុ​ន រួច​យកមក​ម៉ាស្សា​លើ​បបូរមាត់​ជា​រៀងរាល់​យប់​មុន​ចូល​គេង ។ សូលុយស្យុង​នេះ​ជួយផ្តល់​ជាតិ​សំណើម ដល់​បបូរមាត់ ហើយ​អ្នកនឹង​ចាប់ផ្តើម​ចាប់អារម្មណ៍​ថា​ភាព​ស្រអាប់​នឹងត្រូវ​បាន​បំបាត់​បន្តិច​ម្តង​។

 

៣.​ត្រូវ​ជូត​សំអាត​គ្រឿងសម្អាង សំខាន់​ក្រែ​ម ចេញពី​មាត់​មុនពេល​ចូល​គេង​។ ដើម្បី​ជូត​សម្អាត អ្នក​អាច​ប្រើ​សំឡី​ត្បារ​ត្រចៀក ដាក់​ប្រេង​អូ​លីវ​បន្តិច ហើយ​ជូត​សម្អាត​លើ​បបូរមាត់​។  
៤.​ត្រដុស​បបូរមាត់​ជាមួយនឹង​ស្ករស ដើម្បី​ខាត់​ស្បែក​បបូរមាត់​ជំ​រុះ​ស្បែ​កចាស់ៗ​ចោល ឲ្យ​មាន​ពណ៌​ក្រហម​ស៊ី​ជំ​ពូរ​ស្រស់​ធម្មជាតិ​។

 

៥.​ប្រើ​ក្រែ​ម​លាប​កុំ​ឲ្យ​ប្រេះ​មាត់​។ ក្រែ​ម​ប្រភេទ​នេះ​គ្មាន​ពណ៌​ឡើយ ហើយ​វា​មាន​តួនាទី​ផ្តល់​សំណើម​ដល់​បបូរមាត់​ក្នុង​រយៈពេល​យូរ​។

 

៦.​គ្រាប់​ផ្លែ​ទទឹម ក៏​អាចជួយ​បន្ថយ​ភាព​ស្រអាប់​បបូរមាត់​បានដែ​រ ហើយ​ធ្វើ​ឲ្យ​មាត់​ពណ៌​ស្រស់ស្អាត​។ យក​គ្រាប់​ទទឹម​ច្របាច់​ជាមួយនឹង​គ្រី​ម​ទឹកដោះគោ ហើយ​លាប​លើ​មាត់​។ មាត់​នឹងមាន​ពណ៌​ក្រហម និង​ពេញ​។ អ្នក​អាច​ប្រើ​វិធី​នេះ​ដោយ​ពុំ​ចាំបាច់​បារម្ភ​ពី​ភាព​ប៉ះពាល់​ឡើយ​។

 

៧.​ចិត​ត្រសក់​យក​មួយ​ចំនិត​ស្តើង ហើយ​បិទ​លើ​បបូរមាត់​រៀងរាល់​ពេល​ដែល​អ្នក​ទំនេរ ។ ទឹក​ត្រសក់​ជួយ​ឲ្យ​មាន​ភាព​ស្រស់ស្រាយ នឹង​ភ្លឺរលោង​លើ​បបូរមាត់​។

 

៨.​ស្រទាប់​ផ្កាកូឡាប លាយ​ជាមួយ​ទឹកដោះគោ និង​ទឹកឃ្មុំ ២ ទៅ ៣ ដំណក់ ជួយ​បន្ថែម​ភាព​ក្រហម​ស្រទុំ​ដល់​បបូរមាត់​អ្នក​បាន​។​

 

៩.​ជ្រលក់​សំឡី​ត្បារ​ត្រចៀក នឹង​ទឹក​ការ៉ុត ហើយ​ជូត​ថើ​រៗ​លើ​បបូរមាត់​។ វិធី​នេះ​អ្នក​អាចជួយ​បន្ថែម​ពណ៌ ដល់​បបូរមាត់ និង​ជួយផ្តល់​ជាតិ​សំនើម​ទៀតផង​។

 

១០.​លើក​ក្រោយពេល​អ្នក​បរិភោគ​ផ្លែក្រូច អ្នក​គួរ​ទុក​សម្បក​ក្រូច​ខ្លះ ព្រោះ​វា​មាន​ប្រយោជន៍​ក្នុងការ​ព្យាបាល​មាត់​ស្រអាប់​បាន​៕

 

Leave a Reply

(*) Required, Your email will not be published