ស្លាប់​ម្នាក់ និង​របួសធ្ងន់​ស្រាល ៣ ក្នុង​គ្រោះថ្នាក់​ចរាចរណ៍​បណ្តាល​មកពី​ក្រុមនិស្សិត​ស្ទាវ​

, , Leave a comment

​រាជធានី​ភ្នំពេញ ៖ យ៉ាងហោចណាស់​បុរស​ម្នាក់​បាន​ស្លាប់​ភ្លាម​នៅនឹងកន្លែង និង ៣ នាក់​ផ្សេងទៀត​រងរបួស​ធ្ងន់ និង​ស្រាល ខណៈដែល​និស្សិត​នៃ​សាកលវិទ្យាល័យ​ភូមិន្ទ​កសិកម្ម​ចំការ​ដូង​បាន​ជិះ​ម៉ូតូ​លឿន​ដេញ​ប្រជែង​គ្នា ហើយ​បាន​ជ្រុល​ទៅបុក​អ្នកជិះ​ម៉ូតូ​សង់​ការ៉េ​ពេញទំហឹង ។ ហេតុការណ៍​គ្រោះថ្នាក់​ចរាចរ​នេះ​បាន​កើតឡើង​នៅវេលា​ម៉ោង​៧​និង​៥៥​នាទី​ព្រឹក ថ្ងៃទី​៨ ខែតុលា ឆ្នាំ​២០១៣ នៅ​ចំណុច​ផ្លូវ​កសិកម្ម​ចំការ​ដូង ភូមិ​ខ្វា សង្កាត់​-​ខណ្ឌដង្កោ​។

 p1110725

​ប្រភពពី​សាក្សី​នៅ​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ និស្សិត​កសិកម្ម​ចំការ​ដូង​២​នាក់​ជិះ​ម៉ូតូ​មួយគ្រឿង​ម៉ាក​សេ​១២៥ ស៊េរី​ឆ្នាំ​២០១២ ពណ៌​ខ្មៅ ពាក់​ស្លាក់​លេខ​ក្រចេះ 1A-9536 ធ្វើដំណើរ​ពី​លិចទៅ​កើត​ក្នុង​ល្បឿន​លឿន ដោយ​មុនដំបូង​ជែង​ម៉ូ តូ​មួយគ្រឿង ម៉ាក​ហុងដា ស៊េរី​៩៦ ជា​និស្សិត ជិះ​ម្នាក់ឯង​មិន​ផុត ក៏​ប៉ះ​ដៃចង្កូត​បណ្តាល​ឲ្យ​ដួល ហើយ​គាប់​ជួន​ក៏ មាន​ម៉ូតូ​សង់​ការ៉េ​មួយគ្រឿង​ជិះ​ម្នាក់ឯង ដែល​ធ្វើដំណើរ​បញ្ច្រាសទិស​គ្នា ក៏​បុក​ពេញទំហឹង​តែម្តង បណ្តាល​ឲ្យ​ដួល បោក​ក្បាល​សន្លប់​អ្នកជិះ​ម៉ូតូ​សង់​ការ៉េ​នោះ ដែល​ដំបូង​ស្មានថា​មិន​អី​ទេ ក្រោយមក​ក្រុម រថយន្ត​សង្គ្រោះ​មកដល់​ព្យាយាម​ជួយ​អស់ពី​លទ្ធភាព​ដែរ តែ​ហួសពេល​ទៅហើយ​។​

p1110721

​ជនរងគ្រោះ​ដែល​ស្លាប់​ក្នុង​ឧបទ្ទវហេតុ​ខាងលើនេះ​មានឈ្មោះ ហ៊ុយ ពិសិដ្ឋ ភេទ​ប្រុស អាយុ​២៣​ឆ្នាំ មុខរបរ​លក់ដូរ មាន​ទីលំនៅ​សង្កាត់​បឹង​សាឡាង ខណ្ឌទួលគោក​។ ជិះ​ម៉ូតូ​ម៉ាក់​សង់​ការ៉េ​ពណ៌​ក្រហម គ្មាន​ស្លាក​លេខ ។ ចំណែក​ជនបង្ក​ហេតុ​មានឈ្មោះ គាត ពិសិដ្ឋ ភេទ​ប្រុស អាយុ​១៨​ឆ្នាំ​(​ជា​អ្នក​ឌុប​) និស្សិត​កសិកម្ម​ចំការ​ដូង មាន​ទីលំនៅ​សង្កាត់​បឹង​សាឡាង ខណ្ឌទួលគោក និង​ម្នាក់ទៀត​មានឈ្មោះ ម៉ៅ ប៊ុនធឿន ភេទ​ប្រុស អាយុ​១៧​ឆ្នាំ និស្សិត​កសិកម្ម​ចំការ​ដូង មាន​ទីលំនៅ​ភូមិ​ព្រែក​ប្រសព្វ​កណ្តាល ឃុំ​ព្រែក​ប្រសព្វ ស្រុក​ព្រែក​ប្រសព្វ ខេត្តក្រចេះ (​ជិះ​ពីក្រោយ​)  ចំណែក​ជនរងគ្រោះ​ម្នាក់ទៀត​មានឈ្មោះ បុ​ត រដ្ឋា ភេទ​ប្រុស អាយុ​២៣​ឆ្នាំ ជា​និស្សិត​កសិកម្ម​ចំការ​ដូង​ដូចគ្នា មាន​ទីលំនៅ​សង្កាត់​ស្ទឹងមានជ័យ ខណ្ឌ​មាន ជ័យ​រាជធានី​ភ្នំពេញ ជិះ​ម៉ូតូ​សង់​ស៊េរី​៩៨​ចាស់​ពណ៌​ខ្មៅ​ពាក់​ស្លាក​លេខ ឍ​-5144 ភព​1 ធ្វើដំណើរ​ពី​លិចទៅ​កើត​។​

p1110718

​ក្រោយពេល​កើតហេតុ​សមត្ថកិច្ច​ចុះទៅ​វាស់វែង និង​យក​ម៉ូតូ​ទៅ​រក្សា​នៅ​អធិការដ្ឋាន ដើម្បី​ដោះស្រាយ​តាមច្បាប់ ។ ចំណែក​សាកសព​ជនរងគ្រោះ​សមត្ថកិច្ច​រង់ចាំ​ក្រុមគ្រួសារ​មក​ទទួលយក​ទៅធ្វើ​បុណ្យ​តាម​ប្រពៃណី​៕

 

Leave a Reply

(*) Required, Your email will not be published