ជូន​មិត្ត​ទៅ​ដេក​ក្នុង​បន្ទប់ទឹក មានឱកាស​លួច​ម៉ូតូ​ដោយ​សុវត្ថិភាព​

, , Leave a comment

​រាជធានី​ភ្នំពេញ ៖ បុរស​ម្នា​ក់បាន​ដេក​លង់លក់​នៅក្នុង​បន្ទប់ទឹក ក្នុង​ខារ៉ាអូខេ​មួយកន្លែង​ខណៈដែល​មិត្តភក្តិ​ដាក់​ថ្នាំ​សណ្តំ​យក​ម៉ូតូ ។ ហេតុការណ៍​នេះ​បង្កឱ្យមាន​ការភ្ញាក់ផ្អើល កាលពី​វេលា​ម៉ោង​១២ និង​១០​នាទី​អធ្រាត្រ ឈានចូល​ថ្ងៃទី​៨ តុលា ២០១៣ នៅ​ហាង​ខារ៉ាអូខេ​មួយកន្លែង ស្ថិតនៅ​តាមផ្លូវ​លេខ​២០០៨ ភូមិ​ត្រពាំង​ល្វា សង្កាត់​កា​កាប ខណ្ឌ​ពោធិ៍​សែន​ជ័យ​។​

 

​បុរស​ដែល​ត្រូវ​ថ្នាំ​សណ្តំ​ឈ្មោះ កែវ ផេ​ត អាយុ​២៥​ឆ្នាំ ជា​អ្នករត់ម៉ូតូឌុប ស្នាក់នៅ​ជម្ពូ​វ័ន សង្កាត់​ចោមចៅ ខណ្ឌ​ពោធិ៍​សែន​ជ័យ មាន​ស្រុកកំណើត​នៅ​ភូមិ​រលួស ឃុំ​ប្រ​ធាតុ ស្រុក​កំពង់ត្របែក ខេត្តព្រៃវែង ។​

 

​ប្រភពព័ត៌មាន​បានឱ្យ​ដឹងថា មុនពេល​កើតហេតុ​ជនសង្ស័យ ជា​មិត្តភក្តិ​ដែល​ធ្លាប់​ធ្វើការ​សំណង់​ជាមួយគ្នា ហើយ​បែក​គ្នា​យូរ​មកហើយ​នោះ បាន​ត្រឡប់​មកពី​ខេត្ត​ព្រះសីហនុ ហើយ​ទូរស័ព្ទ​ហៅ​ជនរងគ្រោះ ទៅ​ផឹកស៊ី​នៅ​ហាង​មួយកន្លែង ជិត​ស្តុ​ប​ផ្សារ​ដី​ហុយ​មាន​គ្នា​ទាំងអស់​៤​នាក់ ។ លុះ​ពេល​ផឹកស៊ី​ស្រវឹង ហើយ​ជនសង្ស័យ​បាន​ធានា​ចេញ​លុយ​នាំទៅ​ច្រៀង​ខារ៉ាអូខេ តាមផ្លូវ​២០០៤​បន្តទៀត ប៉ុន្តែ​ទៅ​តែ​៣​នាក់​ទេ ដោយ​មិត្តភក្តិ​ម្នាក់​សុំ​ទៅផ្ទះ​មុន​។​

 

​ប្រភព​ខាងលើ​បាន​បន្តទៀតថា ខណៈពេល​ទៅដល់​ហាង​ខារ៉ាអូខេ ផឹកស៊ី​ស្រវឹង​ជោកជាំ​ហើយ ជនសង្ស័យ​បាន​បបួល​ជនរងគ្រោះ​ទៅ​បត់ជើងតូច​ក្នុង​បន្ទប់ទឹក​ទាំង​២​នាក់ ដោយ​បាត់​យូរពេក​មិនឃើញ​ត្រឡប់មកវិញ មិត្តភក្តិ​ម្នាក់​ដែល​អង្គុយចាំ​យូរពេក​បាន​ដើរទៅ​មើល​ស្រាប់តែ​ឃើញ​ជនរងគ្រោះ ដេក​សន្លប់​ក្នុង​បន្ទប់ទឹក ហើយ​ក្នុង​កាបូប​លុយ​សល់​តែ​លុយ​៥​ពាន់​រៀល​ប៉ុណ្ណោះ ទើប​ភ្ញាក់ផ្អើល​ដឹងថា ជនសង្ស័យ​ដាក់​ថ្នាំ​សណ្តំ យក​ម៉ូតូ​ទៅ​បាត់ ហើយក៏​ទូរស័ព្ទ​ហៅ​មិត្តភក្តិ ដែល​ត្រឡប់ទៅផ្ទះ​មុន​មកជួយ​ដឹក​ជនរងគ្រោះ​ទៅ​មន្ទីរពេទ្យ​ព្រះកុសុមៈ​។​

1-5477

​ក្រោយពី​ដឹក​ជនរងគ្រោះ​ទៅ​សង្គ្រោះ​នៅ​មន្ទីរពេទ្យ​ហើយ មិត្តភក្តិ​របស់​ជនរ​ង​គ្រោះ​បាន​រាយការណ៍​ជូន​សមត្ថកិច្ច ដើម្បី​ធ្វើការ​ឃាត់ខ្លួន​ជនសង្ស័យ ។ ម៉ូតូ​ដែល​ជនសង្ស័យ​លួច​យកទៅ​ម៉ាក​ឌ្រី​ម​សេ​១២៥ ស៊េរី​២០០៨ ឡើង​តែម ២០១០ ពណ៌​ខ្មៅ ពាក់​ស្លាក​លេខ​ស្វាយរៀង​1B-0249៕

 

Leave a Reply

(*) Required, Your email will not be published