លោក កើត រ៉ាស៊ី ប៉ូលីសអន្ដោប្រវេសន៍ ច្រក​អន្ដរជាតិ​ត្រពាំង​ផ្លុ​ង ​គៀប​ជំរិត​ប្រជា​ពលរដ្ឋ​ឆ្លង​ដែន​

, , Leave a comment

ខេត្ត​កំពង់​ចាម ៖ មន្ដ្រីនគរបាល​អន្ដោប្រវេសន៍ ច្រក​អន្ដរជាតិ​ត្រពាំង​ផ្លុ​ង ស្ថិត​ក្នុងស្រុក​ពញាក្រែក ខេត្ដ​កំពង់ចាម ក្រោម​ការដឹកនាំ​របស់​លោក ​កើតរ៉ាស៊ី​ ទទួលរង​ការចោទប្រកាន់​ពី​ប្រជាពលរដ្ឋ​ថា​បាន​បង្ខំ​ឱ្យ​ពួកគាត់​បង់ប្រាក់ ចំនួន ១៥​ដុល្លារ​អាមេរិក​សម្រាប់​អ្នក ដែល​គ្មាន​​លិខិតឆ្លងដែន​ហើយ មានធុរៈ ត្រូវធ្វើ​ដំណើរ​ទៅកាន់ ប្រទេស​វៀតណាម​ដើម្បី​ព្យាបាល ជំងឺ និង​ពេល​ត្រឡប់មកវិញ​ក៏ ត្រូវ​បង់ប្រាក់​ចំនួន​១៥​ដុល្លារ​ដែរ ។​ពោលគឺ​សម្រាប់​ប្រជាពលរដ្ឋ ដែល​គ្មាន​លិខិត​ត្រូវ​ចំណាយ ប្រាក់​ក្នុង​ម្នាក់ៗ​ចំនួន​៣០​ដុល្លារ ទាំង​ទៅ​ទាំង​មក ។ ដោយឡែក សម្រាប់​អ្នក​ដែលមាន​លិខិត​ឆ្លង ដែន​ហើយ​ត្រូវ​បង់​ទៅមក​១៥ ដុល្លារ ដែរ​មិនដឹងថា ការបង់ប្រាក់ របៀបនេះ​ជាគោលការណ៍​របស់​ថ្នាក់លើ ឬក៏​ត្រូវ​បង់​ចូល​ជា​ថវិកាជាតិ​ប៉ុន្មាន​នោះទេ ។ ប្រជា​ពល រដ្ឋ​បាន​ឲ្យ​ដឹងថា នគរបាល​អន្តោប្រវេសន៍​ច្រក​ត្រពាំង​ផ្លុ​ង​បាន​រក្សាទុក ក្រុម​អ្នក​គួ​ក​ជេ​ឲ្យ​នៅ​លាយឡំ​ជា មួយ​ដើម្បី​ឲ្យ​ក្រុម​អ្នក​គួ​ក​ជេ ទាំងនោះ ជួយ​រត់ការ​ឯកសារ និង​ជា​អ្នក ប្រមូល​លុយ​យកទៅឱ្យ​មន្ដ្រី​នគរ បាល​អន្ដោប្រវេសន៍​រប​ស់លោក កើត រ៉ាស៊ី នៅពេល​មាន​អ្នក ដំណើរ​ឆ្លងកាត់ ឬ​ក្រុមហ៊ុន​ដឹក ជញ្ជូន​អ្នកដំណើរ​ពឹង​អាស្រ័យ​ឱ្យ ជួយ​សម្រួល​បែបបទ​កុំឱ្យ​យឺតយូរ ។ សម្រាប់​ការបំពេញ​សាលា កប​ត្រ​ឆ្លងដែន​ក៏មាន​ការតម្រូវ ឱ្យ​បង់​សេវា​ថ្លៃ​ទឹកប៊ិច​ក្រៅ​ផ្លូវ ការ​ផងដែរ គឺ​លោក កើត រ៉ាស៊ី មិនដែល​ខ្វល់​ពី​ការព្រមាន​របស់ អង្គភាព​ប្រឆាំង​អំពើពុករលួយ របស់លោក ឱម យ៉ិនទៀង ម្ដង ណា​ឡើយ ។​

 

​តាមរបៀប​នេះ​លោក កើត រ៉ាស៊ី ប្រធាន​នគរ បាល​អន្ដោប្រវេសន៍​ប្រចាំ​ច្រក​ព្រំ ដែន​អន្ដរជាតិ ត្រញំងផ្លុង​-​ស្មាច់ នៃ​ខេត្ដ​កំពង់ចាម ត្រូវបាន​គេ មើលឃើញថា កំពុង​សុខ​ស្រួល ក្នុងការ​ប្រមូល​លុយ​ពី​ប្រជា​ពល រដ្ឋ​ខ្មែរ​ពេលធ្វើ​ដំណើរ​ទៅ​ប្រទេស វៀតណាម​យ៉ាង​កាក់កប​បំផុត ផ្ទុយ​ពី​គោលការណ៍​ថ្នាក់លើ ព្រមទាំង​បាន​ឃុបឃិត​ឱ្យមាន​ការហូរ ចូល​ទំនិញគេចពន្ធ​ខុសច្បាប់​យ៉ាង គំហុក ផងដែរ​ជាមួយ​លោក​វូ​វណ្ណា​ជា​មេ​គយ​ច្រក​ដែល​ធ្វើ​ឲ្យ លោក កើត រ៉ាស៊ី មានលទ្ធភាព​ខ្ពស់​ក្នុងការ​ការពារ​និង​អភិ វឌ្ឍន៍​មុខតំណែង​គ្មាន​ទីបញ្ចប់ ដោយសារ​គាត់​មាន​លុយ និង មាន​ការជួយជ្រោមជ្រែង​ពីសា​ច់ ញាតិ​របស់គាត់​ដែល​សំបូរ​អំណាច នៅ​ថ្នាក់លើ ។​

 

​ជាគោលការណ៍​ថ្នាក់លើ​មិន បាន​តម្រូវឱ្យ​មន្ដ្រីនគរបាល​អន្ដោប្រវេសន៍​ប្រចាំ​ច្រកទ្វារព្រំដែន ណាមួយ​គាប​ជំរិត​ឱ្យ​ប្រជា​ពល រដ្ឋ​ខ្មែរ​បង់ប្រាក់​សម្រាប់​ការធ្វើ ដំណើរ​ចាក​ចេញពី​ប្រទេស​កម្ពុជា នោះទេ ប៉ុន្ដែ​លោក កើត រ៉ាស៊ី មិន​យក​ចិ​ត្ដ ទុកដាក់​អនុវត្ដ​ន៍​តាម​បទបញ្ជា របស់​ថ្នាក់លើ​ឡើយ ។​ប្រជាពលរដ្ឋ​និយាយថា​លោក កើត រ៉ាស៊ី បានផ្ដល់​ឱ កាស​ឱ្យ​មន្ដ្រី​ជំនិត​របស់គាត់​ឈ្មោះ ជៀម ដា​រា ប្រធាន​បែបបទ​ច្រក ទ្វារ​ត្រញំងផ្លុង ធ្វើ​ព្យុះភ្លៀង​គ្រប់ បែបយ៉ាង ក្នុងការ​គាបសង្កត់ ជំរិត​យកលុយ​ពី​ប្រជាពលរដ្ឋ និង​ភ្ញៀវ​បរទេស ។​

 

​ក្រៅពី​ការ​ប្រ​ព្រឹ​ត្ដ​អំពើពុករលួយ​លើ​ការ​គាប​ជំរិត​អ្នកដំណើរ​ឆ្លងកាត់​ព្រំដែន ក៏ដូចជា​ការយក​សេវា​មិន​ប្រក្រតី នោះ មន្ត្រីប៉ូលិស​របស់លោក កើត រ៉ាស៊ី ក៏មាន​ជាប់​ពាក់ព័ន្ធ​ជា មួយ​ការយក​ប្រាក់​ក្រៅផ្លូវការ​ពី រថយន្ដ​ដែល​ដឹកទំនិញ​ឆ្លងកាត់ ច្រកព្រំដែន ដោយ​គ្មាន​វិកយបត្រ ហើយ​ក្នុងនោះ​សកម្មភាព​ដឹកជញ្ជូន​ទំនិញ មួយចំនួន​ដោយ​ជ្រក​ក្រោម​រូប ភាព​ទំនិញ​វិនិយោគ ដែល​ពន្ធ អាករ​ជា​បន្ទុក​របស់​រដ្ឋ តែ​ធាតុ ពិត​គឺជា​ប្រភេទ​ទំនិញ​ខុសច្បាប់​ដែល​អាច ឆ្លងកាត់​ច្រកព្រំដែន ត្រញំងផ្លុង បាន​រលូន​ល្អ​បែបនេះ គេ​ជឿជាក់ថា នគរបាល​អន្ដោ ប្រវេសន៍​របស់លោក កើត រ៉ាស៊ី ក៏​អាច​ទទួលបាន​ផលប្រយោជន៍ ផងដែរ ។​ ​សូម​បញ្ជាក់ដែរថា​កាលពីដើមឆ្នាំ​២០១៣​គេ​ឃើញ​មាន​ម​ន្រី​ជាន់ខ្ពស់​នៃ​អគ្គស្នងការ​នគរបាល​ជាតិ​ចុះទៅពិនិត្យ​ដែរ​តែ​គ្មានអ្វី​ប្រែប្រួល​នោះឡើយ​៕​

13

 

Leave a Reply

(*) Required, Your email will not be published