ក្មេងស្ទាវ​ពីរ​ក្រុម បើក​ទីលាន​បាញ់ប្រហារ កាប់​ចាក់ ផ្អើល​ប្រជាពលរដ្ឋ​ទាំង​ព្រឹក

, , Leave a comment

​រាជធានី​ភ្នំពេញ ៖ ឆាកប្រយុទ្ធ​លាយឡំ​ជាមួយនឹង​ស្នូរ​កាំភ្លើង​បាន​លាន់ឮ​រំពង បង្ក​បាន​ភ្ញាក់ផ្អើល​របស់​ប្រជាពលរដ្ឋ​ដែល​នៅក្បែរ​កន្លែងកើតហេតុ ខណៈដែល​ក្រុមក្មេងស្ទាវ​ពីរ​ក្រុម​មាន​ទំនាស់​គ្នា ។ ហេតុការណ៍​បាញ់បោះ​សេរី​មួយ​នេះ​បាន​កើតឡើង​នៅ​ម៉ោង​ប្រមាណ ១០ ព្រឹក​ថ្ងៃទី​០១ ខែតុលា ឆ្នាំ​២០១៣ នៅលើ​នៅលើ​កំណាត់​ផ្លូវជាតិ​លេខ​៤ ជិត​សាលាក្ដី​ខ្មែរក្រហម តាម​បណ្ដោយ​ផ្លូវជាតិ​លេខ​៤ មុខ​សាលាក្ដី​ខ្មែរក្រហម ស្ថិតក្នុង​សង្កាត់​ចោមចៅ ខណ្ឌ​ពោធិ៍​សែន​ជ័យ ។​

  2 grouo (2)

​ប្រភពពី​សាក្សី​ដែល​បានឃើញ​ហេតុការណ៍​បាន​និយាយថា  មុនពេល​កើតហេតុ​យុវជន​ទាំងពីរ​ក្រុម​មានទំនាស់​ពាក្យសម្ដី​គ្នា រួច​គប់​ដុំថ្ម​ដាក់គ្នា​នៅខាងមុខ​វិទ្យាល័យ​ជម្ពូ​វ័​ន្ត ហើយ​ក៏បាន​ប្រដេញ​បាញ់​ជាច្រើន​គ្រាប់ រ​ហួត​ដល់​ជិត​សាលាក្ដី រួមទាំង​ការកាប់​បណ្ដាល​ឲ្យ​រងរបួស​៣​នាក់ ។ ជនរងគ្រោះ​ទាំង ៣ នាក់​មានឈ្មោះ ១-​តុ​ប ប៊ុន​ធី អាយុ ១៨ ឆ្នាំ ជា​សិស្ស​វិទ្យាល័យ​ព្រែក​ឯង ស្នាក់នៅ​ភូមិ​ជ្រោយ​អំពិល សង្កាត់​ក្បាលកោះ ខណ្ឌ​ពោធិ៍​សែន​ជ័យ ត្រូវ ៣ គ្រាប់ រងរបួស ចំ​កំប៉េះគូថ​ទាំងសងខាង ២- សុខ ផល្លា អាយុ ១៨ ឆ្នាំ សិស្ស​វិទ្យាល័យ​ជ័យវរ្ម័ន ស្នាក់នៅ​ភូមិ​ទួល​ត្នោត ឃុំ​គគី ស្រុក​កៀនស្វាយ ខេត្តកណ្ដាល ត្រូវ ២ គ្រាប់​រងរបួស​គល់ភ្លៅ​សងខាង  និង​៣-​ហេង តុលា រងរបួស​ជាច្រើន​កាំបិត ។  ជនរងគ្រោះ​ចំនួន​២​នាក់ ដែល​ត្រូវ​គ្រាប់កាំភ្លើង ត្រូវបាន​ដឹកបញ្ជូន ទៅកាន់​មន្ទីរពេទ្យ​លោកសង្ឃ ។

2 grouo

​តាម​ការរៀបរាប់​ពី​ភាគី​រងគ្រោះ​បាន​និយាយថា ក្រុម​ខ្លួន​ដែលមាន​គ្នា​ជិត​២០​នាក់ (​ស្រី​២​នាក់​) មាន​គម្រោង​ទៅ​ដើរលេង​នៅ​រមណី​ដ្ឋា​ន​អំពែ​ភ្នំ មកដល់​ចំណុច​មុខ​សាលា​ជម្ពូ​វ័​ន្ត ក៏​ជួប​និង​យុវជន​មួយក្រុម​ទៀត ដែលមាន​គ្នីគ្នា​ប្រមាណ ១០ នាក់ ប្រដាប់​ដោយ​ដាវ​សា​ម៉ូ​រ៉ៃ និង​កាំភ្លើង​ពេលនោះ​ក៏មាន​ទំនាស់​ពាក្យសម្ដី​គ្នា ក៏​កើតជា​រឿង​កាប់​ចាក់​បាញ់ប្រហារ​តែម្ដង ។​

2 grouo (1)

​ក្រោយ​កើតហេតុ​កម្លាំង​សមត្ថកិច្ច​បាន​ចុះទៅ​ជួយ​អន្ដរាគមន៍ រីឯភាគីខាង​មាន​កំាភ្លើងបានរត់គេចខ្លួន​ដោយសុវត្ថិភាព ។ នៅពេលនេះ​សមត្ថកិច្ចកំពុងសួរនំា និងតាមចាប់ខ្លួន​​​ភាគីដែល​រត់គេច ដើម្បី​ដោះស្រាយ​តាមផ្លូវ​ច្បាប់​។ ៕

 

Leave a Reply

(*) Required, Your email will not be published