ព្រួត​វាយ​មន្ត្រី​កងរាជអាវុធហត្ថ​ខណ្ឌ​ប្ញ​ស្សី​កែវ​ម្នាក់ បណ្តាល​របួសធ្ងន់ ចាប់បាន​ពីរ​នាក់ រត់​រួច​ពី​នាក់​

, , Leave a comment

​រាជធានី​ភ្នំពេញ ៖ ក្មេង​ទំនើង​ពីរ​នាក់​ក្នុងចំណោម​បក្ខពួក ៤ នាក់ ត្រូវបាន​សមត្ថកិច្ច​ចាប់​ឃាត់ខ្លួន បន្ទាប់​ពួកគេ​ព្រួត​វាយ​មន្ត្រី​កងរាជអាវុធហត្ថ​ខណ្ឌ​ប្ញ​ស្សី​កែវ​ម្នាក់ ខណៈ​ល្បាត​ក្នុង​មូលដ្ឋាន​តែម្នាក់ឯង​បណ្តាលឱ្យ​របួសធ្ងន់ រួច​រត់គេច កាលពី​វេលា​ម៉ោង​១ និង ៣០ នាទី​រំលងអធ្រាត្រ​ឈានចូល​ថ្ងៃទី​២៩ ខែកញ្ញា ឆ្នាំ ២០១៣ ស្ថិតនៅ​ជិត​ក្លឹប​ហ៊ី​ប​ហប សង្កាត់​ទួល​សង្កែ ខណ្ឌ​ប្ញ​ស្សី​កែវ​។​

02+2 (1)

​សមត្ថកិច្ច​បានឱ្យដឹង​ថា មុនពេល​កើតហេតុ​យុវជន​មួយក្រុម​មាន​គ្នា​៤​នាក់​ទើបនឹង​ចេញពី​រាំ​នៅ ក្លឹប​ហ៊ី​ប​ហប​បាននាំគ្នា​ទៅ​ពួន​នៅ​កៀន​រថយន្ត​មួយគ្រឿង​ដែល​ចត​នៅ ចិញ្ចើមផ្លូវ​ដើម្បី​រង់ចាំ​វាយ​ប៉ូលិស និង​កងរាជអាវុធហត្ថ មិនដឹង​មាន​គំនុំ​រឿង​អី​ទេ ខណៈពេល​មន្ត្រី​កងរាជអាវុធហត្ថ​ឈ្មោះ​យ៉ុម សុ​យ៉ាន់ ជិះ​ម៉ូតូ​ដើរល្បាត​ក្នុង​មូលដ្ឋាន​ប្រទះឃើញ​យុវជន​ទាំង​៤​នាក់​ពួន​នៅ កៀន​រថយន្ត​គួរឱ្យ​សង្ស័យ​ក៏បាន​ឈប់​ម៉ូតូ​ចូលទៅ​អើតមើល ហើយ​លើក​វិទ្យុទាក់ទង​ហៅ​សមត្ថកិច្ច​មកជួយ​អន្តរាគមន៍ ស្រាប់តែ​ជន​ទាំង​៤​នាក់​ប្រដាប់​ដោយ​ដំបង​ប្រវែង​១​ម៉ែត្រ​ព្រួត​គ្នា​វាយ សមត្ថកិច្ច​បែក​មួកសុវត្ថិភាព​រង​របួសធ្ងន់​តែម្តង​។​

02+2

​ក្រោយ​កើតហេតុ​ជនរងគ្រោះ​ត្រូវបាន​បញ្ជូនទៅ ព្យាបាល​នៅ​មន្ទីរពេទ្យ ចំណែក​ជនបង្ក​ដែល​ឃាត់ខ្លួន​ត្រូវ​សមត្ថកិច្ច​បញ្ជូនទៅ​មូលដ្ឋាន​កង​រាជ អាវុធហត្ថ​ខណ្ឌ​ប្ញ​ស្សី​កែវ​ដើម្បី​កសាង​សំណុំរឿង និង​ស្រាវជ្រាវ​រក​ជនបង្ក​២​នាក់​ទៀត​ដែល​រត់គេចខ្លួន​មក​ផ្តន្ទាទោស តាមច្បាប់​៕

 

Leave a Reply

(*) Required, Your email will not be published