រថយន្ត​ដឹក​ប្រេង​ក្រុមហ៊ុន សូគីម៉ិច បុក​ម៉ូតូ​គុប​ពីក្រោយ​ស្លាប់​បុរស​ម្នាក់ និង​របួស​ក្មេងស្រី អាយុ​៣​ឆ្នាំ​ម្នាក់

, , Leave a comment

​រាជធានី​ភ្នំពេញ ៖ យ៉ាងហោចណាស់​បុរស​ម្នាក់​បាន​ស្លាប់​យ៉ាង​អាណោចអាធ័ម​ក្នុង​ថ្លុកឈាម រីឯ​ក្មេងស្រី​ម្នាក់​អាយុ ៣ ឆ្នាំ ទទួល​របួសធ្ងន់​ដឹកយក​ទៅ​សង្គ្រោះ​នៅ​មន្ទីរពេទ្យបង្អែក​ព្រែក​ព្នៅ ។ ហេតុការណ៍​គ្រោះថ្នាក់​ចរាចរណ៍​ដែល​រន្ធត់​មួយ​នេះ កាលពី​វេលា​ម៉ោង ២​និង​១៥​នាទី រសៀល​ថ្ងៃទី​២៨ ខែកញ្ញា ឆ្នាំ​២០១៣ ស្ថិតនៅ​ខាងកើត​ស្ពាន​ព្រែ​ព្នៅ ក្នុងភូមិ​ព្រែក តា​រ័ត្ន សង្កាត់​ព្រែក​តាសេក ខណ្ឌឫស្សីកែវ​។​

DSC00049

​សមត្ថកិច្ច​មូលដ្ឋាន​បាន​ឲ្យ​ដឹងថា មុនពេល​កើតហេតុ រថយន្ត​បង្ក​ម៉ាក​ហ៊ីយ៉ាន់ដាយ ពាក់​ស្លាក​ភ្នំពេញ 3B-1204 បានធ្វើ​ដំណើរ​ចុះ​ពីលើ​ស្ពាន​ព្រែក​ព្នៅ លុះដល់​ចំណុច​រង្វង់​មូល​ទី​២ បាន​បុក​ម៉ូតូ​គុប ពណ៌​ទឹកប៊ិច ពាក់​ស្លាក​លេខ ភ្នំពេញ 1S-3785 ពីក្រោយ បណ្តាល​ឲ្យ​អ្នកបើក​ម៉ូតូ​ឈ្មោះ នឿន មនោ អាយុ ២៥​ឆ្នាំ មុខរបរ​កម្មករ​រោងចក្រ​ស្លាប់ ភ្លាមៗ​នៅ​កន្លែងកើតហេតុ ។ រីឯ​ក្មេងស្រី​ម្នាក់​អាយុ ៣​ឆ្នាំ ដែល​គេ​មិនទាន់​ដឹងថា ត្រូវ​យ៉ាងម៉េច​ជាមួយ​ជនរងគ្រោះ ដែល​ស្លាប់​នោះ រងរបួស​ធ្ងន់ ត្រូវបាន​ដឹកបញ្ជូន​ទៅកាន់​មន្ទីរពេទ្យ​ព្រែក​ព្នៅ​។​

 DSC00079

​ក្រោយ​កើតហេតុ អ្នកបើករថយន្ត​បង្ក​បាន​រត់​គេចខ្លួនបាត់ បន្សល់ទុក​រថយន្ត​នៅ​កន្លែងកើតហេតុ ហើយ​ត្រូវបាន សមត្ថកិច្ច​យកទៅ​រក្សាទុក ដើម្បី​ធ្វើការ​ដោះស្រាយ​បន្តទៀត ៕

3(34)

 

Leave a Reply

(*) Required, Your email will not be published