ប្រាក់ខែ​ចាយ​មិន​គ្រប់ បែកគំនិត​លួច​ម៉ូតូ ជាប់​ខ្នោះ​សមត្ថកិច្ច​

, , Leave a comment

​ខេត្តសៀមរាប ៖ បុរស​ម្នាក់​ត្រូវបាន​សមត្ថកិច្ច​ឃាត់ខ្លួន បន្ទាប់​ជននេះ​បាន​លួច​ម៉ូតូ​ពេល​ជនរងគ្រោះ​ចត​ទុកចោល​នៅមុខ​តូប​លក់​ចាប់ហួយ​មួយកន្លែង ។ ហេតុការណ៍​បានធ្វើឱ្យ​មានការ​ភ្ញាក់ផ្អើល​កាល​ទាំង​កណ្តាល​អា​ធ្រា​ត្រ កាលពី​ម៉ោង ១ រំលងអធ្រាត្រ​ឈានចូល ថ្ងៃទី​២៤ ខែ កញ្ញា ឆ្នាំ ២០១៣ ស្ថិតនៅ​ចំណុច​ក្រុមទី​១៣ ភូមិ​ទក្សិណ​ខាងត្បូង សង្កាត់​គោកចក ក្រុង​សៀមរាប ខេត្តសៀមរាប ។​

 

​ប្រភពពី​សមត្ថកិច្ច​មូល​ដ្ឋា​ន​បានឱ្យដឹងថា ជនសង្ស័យ​ឈ្មោះ​ពុម្ព សុភ័ក្ត្រ អាយុ ២៧ ឆ្នាំ ជា​គ្រូបង្ហាត់​នគរបាល​នៅ​ការិយាល័យ​បណ្តុះបណ្តាល​វិទ្យា​វិ​ក្រិត​ការ​នៃស្នងការដ្ឋាន​នគរបាល​ខេត្តពោធិ៍សាត់ មាន​ស្រុកកំណើត​នៅ​ភូមិពាល​ញែក​ ២ ឃុំ​ផ្ទះ​ព្រៃ ស្រុក​សំពៅ​មាស ខេត្តពោធិ៍សាត់​ ។​

 

​ប្រភព​ដដែល​បាន​ឲ្យ​ដឹង​ទៀតថា មុនពេល​កើតហេតុ​ជនសង្ស័យ​បានធ្វើ​សកម្មភាព​លួច​ម៉ូតូ​មួយគ្រឿង ដែល​ម្ចាស់​គេ​ទុកចោល​នៅខាងមុខ​តូប​លក់​ចាប់​ហ៊ួ​យ​។ ដោយ​ទទួលបាន​ពាក្យបណ្តឹង​ពី​ជនរងគ្រោះ​ភ្លាមៗ​នោះ​កម្លាំង​សមត្ថកិច្ច​នគរបាល​ប៉ុស្តិ៍​គោកចក បាន​សហការ​ជាមួយ​នគរបាល​ការិយាល័យ​ព្រហ្មទណ្ឌ​កម្រិត​ស្រាល​នៃ​ស្នងការដ្ឋាន​នគរបាល​ខេត្តសៀមរាប ចាប់​ឃាត់ខ្លួន​បាន​ជន សង្ស័យ​បានតែ​ម្តង​។

db23d972-0081-438c-bcec-7027acab5378

​បច្ចុប្បន្ន​ជនសង្ស័យ​ត្រូវ​សមត្ថកិច្ច​ប៉ុស្តិ៍នគរបាល​គោកចក កសាង​សំណុំរឿង បញ្ជូនទៅ​ការិយាល័យ​នគរបាល​ព្រហ្មទណ្ឌ​កម្រិត​ស្រាល ដើម្បី​ចាត់ការ​បន្តទៅ​តាមផ្លូវ​ច្បាប់ ។ ចំណែក​ម៉ូតូ​ត្រូវប្រគល់​ទៅឱ្យ​ម្ចាស់​ដើម​វិញ​៕

 

Leave a Reply

(*) Required, Your email will not be published