ឃាត់ខ្លួន​ស្ត្រី​ម្នាក់​ពាក់ព័ន្ធ​បទល្មើស​ជំរិត​ទារលុយ​តាម​ប្រព័ន្ធ​ទូរស័ព្ទ​

, , Leave a comment

​ខេត្តកំពង់ធំ ៖ ស្ត្រី​ម្នាក់​ត្រូវបាន​សមត្ថកិច្ច​កងរាជអាវុធហត្ថ​ខេត្តកំពង់ធំ​ធ្វើការ​ឃាត់ខ្លួន​កាលពី​ព្រឹក​ថ្ងៃទី​១៨ ខែ កញ្ញា ឆ្នាំ ២០១៣ នៅមុខ​សណ្ឋាគារ អរុណ​រៈ ស្ថិតនៅ​ក្នុងភូមិ​លេខ​៧ សង្កាត់​កំពង់ធំ ក្រុង​ស្ទឹងសែន ខេត្តកំពង់ធំ ពាក់ព័ន្ធ​បទល្មើស​ជំរិត​ទារលុយ​តាម​ប្រព័ន្ធ​ទូរស័ព្ទ​។​

 

​យោងតាម​របាយការណ៍​របស់​សមត្ថកិច្ច​បាន​ឲ្យ​ដឹងថា ស្ត្រីជន​សង្ស័យ​ឈ្មោះ ជា លាង​ហៀ​ប អាយុ ២៤ ឆ្នាំ រស់នៅ​ភូមិ​ដា ឃុំ​ដា ស្រុក​មេមត់ ខេត្តកំពង់ចាម ។ ចំណែក​ជនរងគ្រោះ​ជាម​ន្ត្រី​រាជការ​ម្នាក់​បម្រើការ​នៅក្នុង​ខេត្តកំពង់ធំ​។​

woman-iligal

​នៅមុខ​សមត្ថកិច្ច​ជនសង្ស័យ​បាន​ឆ្លើយ​សារភាពថា នាង​មិនដែល​ស្គាល់មុខ​ជនរងគ្រោះ​ទេ​តែ​លឺ​ល្បី​ថា ជនរងគ្រោះ​ជា​អ្នកមាន​ជីវភាព​ធូរធារ​ហើយក៏​បាន​ព្យាយាម​រក​លេខ ទូរស័ព្ទ ដោយសារ​សួរ​អ្នកជិតខាង​អ្នកលក់​បាយ​លុះ​បាន​ហើយ​ក៏បាន​ទូរស័ព្ទ​ជំរិត ទារលុយ​៥០០០​ដុល្លារ ដោយ​អះអាងថា​ខ្លួន​មាន​ជីវភាព​ក្រីក្រ​ដើម្បី​យកលុយ​មក​ទិញ​ទំនិញ​លក់ ដូរ​តែ​ជនរងគ្រោះ​មិនបាន​ឲ្យ​ដោយសារតែ​ពុំ​មានការ​ទំនាក់ និង​គ្នា​ក្រោយមក​នាង​បាន​គំរាមថា បើក​មិន​ឲ្យ​លុយ​ទេ​នឹង​ទំលាយ​រឿង​អាថ​កំបាំង​ឲ្យ​ប្រពន្ធ​កូន​ដឹង និង​បំបែកបំបាក់​ក្រុមគ្រួសារ​របស់​ជនរងគ្រោះ​តែ​ការទារលុយ​នេះ ត្រូវបាន​តថ្លៃ​គ្នា​រហូត​ធ្លាក់​មក​នៅ​៥០០​ដុល្លារ លុះ​មកដល់​ថ្ងៃទី​១៨ ខែកញ្ញា ឆ្នាំ​២០១៣ ក៏​ត្រូវបាន​ឃាត់ខ្លួន​តែម្តង​៕

 

Leave a Reply

(*) Required, Your email will not be published