ស្រវឹង​បើករថយន្ត​រេ​ចង្កូត​ទៅបុក​បង្គោល​ភ្លើង បណ្តាលឱ្យ​រងរបួស​បែ​ក​ក្បាល​ហូរឈាម​ស្រោច​ពេញ​ផ្ទៃមុខ​

, , Leave a comment

​ខេត្ត​ព្រះសីហនុ ៖  បុរស​ជនជាតិ​អ៊ុយ​គ្រែ​ន​ម្នាក់​បាន​រងរបួស​បែក​ក្បាល​ហូរឈាម ស្រោច​ខ្លួន ខណៈដែល​បុរស​នេះ​បាន​បើករថយន្ត​ក្នុងស្ថានភាព​​ស្រ​វឹ​ងស្រា ។ ​ហេតុការណ៍​គ្រោះថ្នាក់​ចរាចរណ៍​មួយ​នេះ​បាន​កើតឡើង​កាលពី​វេលា​ម៉ោង ១២ និង ១០​នាទី យប់​រំលង​អា​ធ្រា​ត្រ​ឈានចូល​ថ្ងៃទី​១៣ កញ្ញា ២០១៣ ស្ថិតនៅ​ចំណុច​មុខ​ប៉ុស្តិ៍​ទេសចរណ៍​ឆ្នេរ​អូរ​ឈើទាល ស្ថិតក្នុង​ក្រុមទី​១៤ ភូមិ​៤ សង្កាត់​លេខ​៤ ក្រុងព្រះសីហនុ ខេត្ត​ព្រះសីហនុ  ។​

598

​ប្រភពពី​កន្លែងកើតហេតុ​បាន​ឲ្យ​ប​ដឹងថា មុនពេល​កើតហេតុ​គេ​បានឃើញ​រថយន្ត​ម៉ាក​ទី​កូ ពណ៌​ក្រហម ពាក់​ស្លាក​លេខ ភ្នំពេញ 2H-6313 បាន​បើក​ចេញពី​កន្លែង​ផឹកស៊ី​មួយកន្លែង ។ លុះ​មកដល់​ចំណុចកើតហេតុ​បាន​រេ​ចង្កូត​ទៅបុក​បង្គោល​ភ្លើង​រង​ការខូចខាត  និង​បណ្តាលឱ្យ​រងរបួស​បែក​ក្បាល​ផ្នែក​ខាងឆ្វេង​ហូរឈាម​ពេញ​ផ្ទៃមុខ​។ ជនបរទេស​ដែល​រងរបួស​ខាងលើ​មានឈ្មោះ KOPITCH  JOHANN ជនជាតិ​អ៊ុយ​គ្រែ​ន អាយុ ៦៤​ឆ្នាំ កាន់​លិខិតឆ្លងដែន​លេខ P5588810​។​

598_2

​ក្រោយពេល​កើតហេតុ​កម្លាំង​សមត្ថកិច្ច​ចរាចរណ៍​បាន​ទៅដល់​កន្លែងកើតហេតុ​នាំ​មនុស្ស និង​រថយន្ត ទៅកាន់​ការិយាល័យ​ចរាចរណ៍​ខេត្ត រង់ចាំ​ការដោះស្រាយ​ទៅតាម​ផ្លូវច្បាប់ ៕

 

Leave a Reply

(*) Required, Your email will not be published