ឆក់​ទូរស័ព្ទដៃ​ពី​ស្ត្រី​ម្នា​ក់បាន ភ័យ​ជិះ​ម៉ូតូ​ទៅបុក​ចិញ្ចើមផ្លូវ​ដួល ជាប់​ខ្នោះ​ប៉ូលិស​

, , Leave a comment

​រាជធានី​ភ្នំពេញ ៖ ជនសង្ស័យ​ពីរ​នាក់​ត្រូវ​សមត្ថកិច្ច​ប៉ុស្តិ៍​សង្កាត់​បឹង​ព្រលិត​ចាប់បាន ខណៈដែល​ជន​ទាំងនេះ សកម្មភាព​ឆក់​ទូរស័ព្ទដៃ​ពី​ស្ត្រី​ម្នាក់ ហើយ​ព្យាយាម​ជិះ​ម៉ូតូ​គេច រួច​ជ្រុល​ទៅបុក​ចិញ្ចើមផ្លូវ​ដួល ។ ហេតុ​អកុសល​នេះ​បាន​កើតឡើង កាលពី​វេលា​ម៉ោង ១១ និង ១០ នាទី​ព្រឹក​ថ្ងៃទី ១១ ខែ កញ្ញា ឆ្នាំ ២០១៣ នៅក្រោយ​ស្ថានទូត​អាល្លឺម៉ង់ ក្នុង​សង្កាត់​បឹង​ព្រលិត ខណ្ឌ ៧ មករា​។

 

​ប្រភពពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​ជនសង្ស័យ​ទាំងពីរ​បាន​ជិះ​ម៉ូតូ​ម៉ាក​ហុងដា​ឌ្រី​ម C125 ទៅ​ក្បែរ​នារី​រង​ដែល​កំពុងនិយាយ​ទូរស័ព្ទ ហើយ​បាន​ឆក់ និង​ជិះ​រត់គេច ។ ភ្លាមៗ​នោះ​ជនរងគ្រោះ​បាន​ស្រែក​ឆោឡោ​ថា ចោរៗ ធ្វើ​ឲ្យ​ចោរ​ស្ទើរភ្លើង​ភ័យ​ស្លន់ស្លោរ ជិះ​ម៉ូតូ​គេច ក៏​ជ្រុល​ទៅបុក​ចិញ្ចើម​ថ្ម​ល់​ដួល ហើយ​ប្រជាពលរដ្ឋ​ដែល​បានឃើញ​ហេតុការណ៍ រួម​នឹង​សមត្ថកិច្ច​បាននាំគ្នា​ស្ទាក់​ចាប់​បាន​។​

 

​ប្រភពពី​សមត្ថកិច្ច​បា​ន​ឲ្យ​ដឹងថា ជនសង្ស័យ​ដែល​ត្រូវ​ចាប់ខ្លួន​១-​ឈ្មោះ​ហង្ស ភក្តី អាយុ​២១​ឆ្នាំ ស្នាក់នៅ​ផ្ទះជួល​សង្កាត់​ស្ទឹងមានជ័យ ខណ្ឌមានជ័យ ២-​ឈ្មោះ​អឿន ណាន អាយុ​១៧​ឆ្នាំ រស់នៅ​ផ្ទះជួល​ម្តុំ​វត្ត​គោក​បញ្ជាន់ ក្នុងភូមិ​ត្រពាំង​ថ្លឹង សង្កាត់​ចោមចៅ ខណ្ឌ​ពោធិ៍​សែន​ជ័យ ។ ចំណែក​ស្ត្រី​ម្ចាស់​ទូរស័ព្ទ​ឈ្មោះ​ចែម ច​ន្នី អាយុ​២៣​ឆ្នាំ ជាជាង​កាត់ដេរ​នៅ​ប៉ា​រ៉ា​ឌី ស្នាក់នៅ​ម្តុំ​ស្ថានទូត​បារាំង សង្កាត់​ស្រះចក ខណ្ឌដូនពេញ ។​

a2be8107-3cde-49b4-beec-f4d96b1c2d9e

​បច្ចុប្បន្ន​ជនសង្ស័យ​បាន​ឃុំខ្លួន​បណ្តោះអាសន្ន​នៅ​អធិការដ្ឋាន​នគរបាល ហើយ​សមត្ថកិច្ច​បានក​សាង​សំណុំរឿង ដើម្បី​ចាត់ការ​បន្ត​៕

 

Leave a Reply

(*) Required, Your email will not be published