របួស​ម្នាក់ ខណៈដែល​ជិះ​ម៉ូតូ​វ៉ា​មិន​ផុត​

, , Leave a comment

​រាជធានី​ភ្នំពេញ ៖ យ៉ាងហោចណាស់​យុវជន​ម្នាក់​ត្រូវ​រងរបួស​ធ្ងន់ធ្ងរ ខណៈដែល​រូបគេ​កំពុង​ជិះ​ម៉ូតូ​មួយគ្រឿង​ម៉ាក​ហុងដា​សេ​១២៥ ពណ៌​ខ្មៅ យ៉ាង​លឿន​ហើយ​វ៉ា​រថយន្ដ​មួយគ្រឿង ទៀត​ម៉ាក​កាមរី​ហាយ​ប្រ៊ី​ដ ពណ៌​ស ដោយ​រថយន្ដ​ខាងលើ​បាន​ស៊ីញ៉ូ​បត់​ឆ្វេង ដៃ​ក៏​ជ្រុល​ចង្កូត​ទៅ​ប៉ះ​កញ្ចក់​មើល​ក្រោយ​រថយន្ដ​ខាងឆ្វេង​បណ្ដាលឱ្យ ដួល​រងរបួស​ធ្ងន់​តែម្ដង ។ ហេតុការណ៍​នេះ​បាន​កើតឡើង​កាលពី​វេលា ម៉ោង​៤​រសៀល​ថ្ងៃទី​៨ ខែកញ្ញា ឆ្នាំ​២០១៣​នៅ​ចំណុច​មុខ​សាលាបឋមសិក្សា​ភូមិ​៦ ស្ថិត​តាម​បណ្ដោយ​ផ្លូវ លេខ​២៧១ ក្នុង​សង្កាត់​ទំនប់ទឹក ខណ្ឌចំការមន ។

 

​ប្រភព​នៅ​កន្លែងកើតហេតុ​បានឱ្យដឹងថា មុនពេល​កើតហេតុ​គេ​ឃើញ​យុវជន​ម្នាក់​មិន​ស្គាល់ឈ្មោះ ជិះ​ម៉ូតូ​មួយគ្រឿង​ម៉ាក​ហុងដា​សេ​១២៥ ពណ៌​ខ្មៅ ពាក់​ស្លាក​លេខ​ភ្នំពេញ​1AM-0871 ធ្វើដំណើរ​តាម​បណ្ដោយ​ផ្លូវ​លេខ ២៧១​ក្នុងទិសដៅ​ពី​ជើង​ទៅ​ត្បូង ។ លុះ​មកដល់​ចំណុចកើតហេតុ​យុវជន​រូបនេះ​បាន​បើក​ម៉ូតូ​យ៉ាង​លឿន ព្យាយាម​វ៉ា​រថយន្ដ​មួយគ្រឿង ម៉ាក​កាមរី​ហាយ​ប្រ៊ី​ដ ពណ៌ ខ្មៅ​គ្មាន​ស្លាក​លេខ​ដែល​បើកបរ​ក្នុង​ទិស ដៅ​ស្របគ្នា ក៏​ជ្រុល​ចង្កូត​ទៅ​ប៉ះ​កញ្ចក់​មើល​ក្រោយ​រថយន្ដ​ខាងឆ្វេង​បណ្ដាលឱ្យ​ដួល​រងរបួស​ធ្ងន់ ។

photo-1(53)

​ក្រោយពេល​កើតហេតុ​សមត្ថកិច្ច​មូល​ដ្ឋា​ន​បាន​ចុះមក​អន្ដរាគមន៍ ធ្វើការ​វាស់វែង​អូស​យក​ម៉ូតូ​និង​រថយន្ដ​ទៅ​រក្សាទុក​នៅ​អធិការដ្ឋាន​នគរបាល​ខណ្ឌចំការមន​រង់ចាំ​ដោះស្រាយ​នាពេល​ក្រោយ ។ ​ចំណែក​ជនរងគ្រោះ​ត្រូវ​រថយន្ដ​សាមុយ​មក​ដឹក​ទៅ​មន្ទីរពេទ្យ​ភ្លាមៗ​៕

 

Leave a Reply

(*) Required, Your email will not be published