យក​កាំភ្លើង​កែច្នៃ​បាញ់​ទា ម្ចាស់​ឃើញ​ទាន់​នាំគ្នា​ចាប់​ប្រគល់​ឲ្យ​សមត្ថកិច្ច

, , Leave a comment

​ខេត្តតាកែវ ៖ ​បុរស​ម្នាក់​ត្រូវ ប្រជាពលរដ្ឋ​ចាប់ខ្លួន ប្រគល់​ឲ្យ​សមត្ថកិច្ច ខណៈដែល​រូបគេ​បាន​យក​កាំភ្លើង​កែច្នៃ​បាញ់​ទា​កាឡាប៉ា​ងាប់​២​ក្បាល ហើយ​ម្ចាស់​ឃើញ​ទាន់​ក៏​ស្រែក​ឆោឡោឡើង​ផ្អើល​ដល់​ប្រជាពលរដ្ឋ​រស់ នៅក្បែរនោះ​នាំគ្នា​ដេញ​បាច់ និង​ស្វាគមន៍​ម្នាក់​មួយ​ដៃ មួយ​ជើង ទើប​ប្រគល់​ឲ្យ​សមត្ថកិច្ច ។ ហេតុការណ៍​នេះ បាន​កើតឡើង​កាលពី​វេលា​ម៉ោង ៤​រសៀល ថ្ងៃទី​៧ កញ្ញា ២០១៣ ស្ថិតនៅ​ភូមិ​ព្រៃ​បេង ឃុំ​ព្រៃ​ផ្តៅ ស្រុក​ព្រៃកប្បាស ខេត្តតាកែវ ។​

 

​ប្រភពពី​សមត្ថកិច្ច​បា​ន​ឲ្យ​ដឹងថា ជនសង្ស័យ​មានឈ្មោះ  នួន វ​ណ្ណី ហៅ តឹក អាយុ​២៤​ឆ្នាំ រស់នៅ​ភូមិ​ព្រៃ​ផ្តៅ​ខាងត្បូង ឃុំ​ព្រៃ​ផ្តៅ ស្រុក​ព្រៃកប្បាស ចំណែក​ម្ចាស់​ទា​ឈ្មោះ តឿ លី​ម៉ា ភេទ​ស្រី អាយុ ៤២ ឆ្នាំ រស់នៅ​ភូមិ​-​ឃុំ​ខាងលើ​។ មុនពេល​កើតហេតុ​ជនសង្ស័យ​បាន​លប​ក្បែរ​របង​ផ្ទះ​ស្ត្រី​ឈ្មោះ តឿ លី​ម៉ា រួច​បាន​យក​កាំភ្លើង​ដែល​ខ្លួន​ច្នៃ​ទុក​បាញ់​សត្វ​មក​បាញ់​ទា​កាឡាប៉ា ងាប់​២​ក្បាល ពេលនោះ​ម្ចាស់​ឃើញ​ទាន់​ក៏​ស្រែក​ឆោឡោឡើង​ផ្អើល​ដល់​ប្រជាពលរដ្ឋ​រស់​នៅក្បែរនោះ​នាំគ្នា​ដេញ​ព័ទ្ធចាប់​បាន​នឹង​នាំគ្នា​វាយ ស្រាប់តែ​ប៉ូលិស​ប៉ុស្តិ៍​ទៅដល់​ក៏​នាំ​ជនសង្ស័យ​ទៅកាន់​ស្នងការដ្ឋាន​ប៉ូលិស​ស្រុក តែ​ពេល​នាំទៅ​ប្រជាពលរដ្ឋ​មាន​ការមិន​ទុក្ខ​ចិត្ត​ខ្លាច​ប៉ូលិស​លែង​ជនសង្ស័យ​វិញ​ក៏ នាំគ្នា​ទៅតាម​ដែរ​ទើប​អស់ចិត្ត​។​

476c5c16-34a6-46e1-8449-2d078e5d2e04

​បច្ចុប្បន្ន​ប៉ូលិស​កំពុង​កសាង​សំណុំរឿង​បញ្ជូនទៅ​សាលាដំបូង​ខេត្តតាកែវ​ដើម្បី​ចាត់ការ​តាមផ្លូវ​ច្បាប់​៕

 

Leave a Reply

(*) Required, Your email will not be published