បញ្ជូន​នារី​វ័យក្មេង​ម្នាក់ ពាក់ព័ន្ធ​បទល្មើស​វាយ​ប្លន់​ម៉ូតូ ទៅ​សាលាដំបូង​រាជធានី​

, , Leave a comment

​រាជធានី​ភ្នំពេញ ៖ ​កាលពី​វេលា​ម៉ោង ៨ ព្រឹក​ថ្ងៃទី​៨ កញ្ញា ២០១៣ នេះ នគរបាល​ការិយាល័យ​ព្រហ្មទណ្ឌ​កម្រិតធ្ងន់ រាជធានី​ភ្នំពេញ​បាន​បញ្ជូន​នារី​វ័យក្មេង​ម្នាក់ ទៅ​សាលាដំបូង​រាជធានីពាក់ព័ន្ធ​បទល្មើស លួច​មាន​ស្ថាន​ទម្ងន់ទោស (​វាយ​ប្លន់​ម៉ូតូ​)​។ នារី​សង្ស័យ​ដែល​ត្រូវបញ្ជូន​នោះ​មានឈ្មោះ ទូច ដា​លី​ស អាយុ ២២ ឆ្នាំ ស្នាក់​នៅផ្ទះ​លេខ​២៤៥ ផ្លូវ​១៦៥ សង្កាត់​ទឹកល្អក់​៣ ខណ្ឌទួលគោក ជា​បុគ្គលិក​កាស៊ីណូ​ណាហ្គា ចំណែក​ជនរងគ្រោះ​ជាដើម​បណ្តឹង​ឈ្មោះ ចឹ​ង ទុង​ទូ​អៀង ភេទ​ស្រី អាយុ ២០ ឆ្នាំ ជា​ជនជាតិ​វៀតណាម ស្នាក់​នៅផ្ទះ​លេខ​១៦ ផ្លូវ​៧៧ សង្កាត់​ស្រះចក ខណ្ឌដូនពេញ​។​

 

​ប្រភព​បានឱ្យដឹង​ទៀតថា កាលពី​វេលា​ម៉ោង ១ រំលង​អ​ធ្រា​ត ឈានចូល​ថ្ងៃទី​៥ ខែ កញ្ញា ឆ្នាំ​២០១៣ នារី​រងគ្រោះ​បាន​ជិះ​ម៉ូតូ​ម៉ាក​ស៊ុយ​ហ្ស៊ុ​យ​គី​និ​ច ពណ៌​ស ១ គ្រឿង​ស៊េរី ២០១៣ ពាក់​ស្លាក​លេខ​ភ្នំពេញ​1BK-5540 ដើរលេង​ជុំវិញ​កោះ​ពេជ្រ លុះដល់​ចំណុចកើតហេតុ​ម្តុំ​លូទឹកស្អុយ​ក្រោយ​វិទ្យាល័យ​ព្រះ​យុគន្ធរ ស្ថិតក្នុង​សង្កាត់​បឹង​កេងកង​២ ខណ្ឌចំការមន ស្រាប់​តែមាន​ជនសង្ស័យ ៣ នាក់​ជិះ​ម៉ូតូ ២ គ្រឿង​មកដល់ ក្នុងនោះ​បក្ខ​ពួកគេ​ម្នាក់​បាន​ស្ទុះ​ទៅ​ឃាត់​ម៉ូតូ​នារី​រងគ្រោះ​ឱ្យ​ឈប់​រួច​ធ្វើជា​ឈ្លោះ​គ្នា ហើយ​វាយ​នារី​រងគ្រោះ​ទាញយក​ម៉ូតូ​ជិះ​ចេញទៅ​បាត់​ដោយ​សុវត្ថិភាព​។​

 

​ប្រភព​បន្តថា លុះ​ព្រឹក​ឡើង​ថ្ងៃទី​៥ កញ្ញា ដដែល​នេះ​ជនសង្ស័យ បាន​ជិះ​ម៉ូតូ​ដែល​ខ្លួន​វាយ​ប្លន់​យក​ពី​នារី​រង គ្រោះ​មក​ឈប់​នៅ​មន្ទីរពេទ្យ​លោកសង្ឃ​ដើម្បី​ចូលទៅ​សួរសុខទុក្ខ​បងប្អូន ដោយ​ឱ្យ​នារី​ម្នាក់​ឈ្មោះ ដា​លី​ស នៅចាំ​ម៉ូតូ​ខណៈនោះ​សមត្ថកិច្ច​បាន​ទៅដល់​ឃើញ​ភិនភាគ​ម៉ូតូ​ដូច​ម៉ូតូ​ដែល​នារី​រងគ្រោះ​ដាក់ពាក្យ​ប្តឹង​ក៏បាន​ឃាត់ខ្លួន​មក​សាកសួរ​ទើប​ដឹងថា ជា​ម៉ូតូ​ដែល​បក្ស​ពួកគេ​វាយ​ប្លន់​ពី​នារី​រងគ្រោះ​កាលពី​រំលង​អ​ធ្រា​ត ។​

1-4959

​បច្ចុប្បន្ន​នគរបាល​កំ​ពុង​ធ្វើការ​ស្រាវជ្រាវ​ស្វែងរក​ចាប់ខ្លួន​បក្សពួក​២​នាក់​ទៀត​៕

 

Leave a Reply

(*) Required, Your email will not be published