ដោយ​សារ​ជំងឺ​ Progeria ធ្វើ​ឲ្យ​​ក្មេង​ប្រុស​ម្នាក់ មាន​មុខ​មាត់​ដូច​មនុស្ស​ចាស់​

, , Leave a comment

ប្រទេស​​ឥណ្ឌា ៖ ​ក្មេងប្រុស Ali នៅ​ឥណ្ឌា​បាន​មើលឃើញ​បងប្អូន​ប្រុស​ស្រី​ ៥ ​នាក់ បាត់បង់​ជីវិត​ជា​បន្តបន្ទាប់​ក៏ដោយ​សារ​ជំងឺ​ដូចគ្នា​ដែលមាន​ឈ្មោះថា Progeria បច្ចុប្បន្ន​នៅលើ​ពិភពលោក​មានតែ​៨០​ករណី ។​ Progeria ជា​ជំងឺ​ដ៏​កម្រ​និង​ពុំ​សូវ​មាន​ឯកសារ ហេតុនេះ​មាន​វេជ្ជបណ្ឌិត​តិចតួច​ដែល​ស្គាល់ ។ ជំងឺ​នេះ​ធ្វើ​ឲ្យ​វ័យ​កន្លងទៅ​យ៉ាង​រហ័ស ហើយ​អ្នក​កើត​ជំងឺ​ងាយ​ត្រូវ​រលាក​សន្លាក់ បញ្ហា​អំពី​ភ្នែក សរសៃឈាម និង​ជំងឺ​ទំពែក ។ អ្នកជំងឺ​ក៏មាន​លទ្ធភាព​តិចតួច​នៅរស់​ហួស​អាយុ​១៤​ឆ្នាំ ។ ប៉ុន្តែ​ដោយ​មិន​រវល់​ដល់​ការវិនិច្ឆ័យ​ទាំងឡាយ Ali នៅតែ​មិន​បោះបង់ចោល​ក្តីសង្ឃឹម ។​

article-2402049-1B77AA49000005DC-372_634x666

​ក្មេងប្រុស Ali ឲ្យ​ដឹងថា "​ខ្ញុំ​ចង់​រស់​ណាស់ ហើយ​ខ្ញុំ​សង្ឃឹម​នៅទីណា​នោះ​នឹងមាន​ថ្នាំ​ព្យាបាល​ជា​ជំងឺ​នេះ ។ ខ្ញុំ​មិន​ខ្លាច​ការស្លាប់​ឡើយ​តែ​ឪពុកម្តាយ​ខ្ញុំ​ត្រូវ​ទ្រាំទ្រ​យ៉ាងច្រើន ។ ខ្ញុំ​ចង់​នៅរស់​យូរ​ជាង​ពួកគាត់ ។ ខ្ញុំ​មិន​ចង់​ក្លាយជា​អ​ម្រែ​ក​ធ្ងន់​សម្រាប់​ឪពុកម្តាយ​ជាមួយនឹង​ការឈឺចាប់​បន្ថែម​ទៀតឡើយ​" ។​

 

​ឪពុកម្តាយ​របស់ Ali លោក Nabi Hassain Khan អាយុ​៥០​ឆ្នាំ និង​អ្នកស្រី Razia អាយុ​៤៦​ឆ្នាំ ជា​បងប្អូន​ជីដូនមួយ ។ ពួកគេ​ជា​ផលិតផល​របស់​អាពាហ៍ពិពាហ៍​រៀបចំ​ដោយ​គ្រួសារ​ទាំង​២ និង​បានរស់នៅ​ជាមួយគ្នា​អស់​រយៈពេល​៣២​ឆ្នាំ​កន្លងទៅ ។ ឪពុកម្តាយ Ali មានកូន​ទាំងអស់ ៨​នាក់ ។ ក្នុងនោះ​កូន​ដំបូង​ទាំង​៤ សុទ្ធតែ​ស្លាប់​អស់​ដោយសារ​ជំងឺ Progeria ក្នុង​វ័យ​ពី​១២ ដល់​២៤​ឆ្នាំ។ កូន​ទី​៥ ស្លាប់​ក្នុងអំឡុង​២៤​ម៉ោង​ក្រោយពេល​កើត ហើយក៏​ត្រូវបាន​វិនិច្ឆ័យ​កើត​ជំងឺ​ដូចគ្នា ។ ចំណែក​កូនស្រី​២​នាក់ ដែលមាន​សុខភាព​ល្អ​គឺ Sanjeeda អាយុ​២០​ឆ្នាំ បាន​រៀបការ​និង​កូនស្រី​ពៅ Chanda អាយុ​១០​ឆ្នាំ មិនកើត​ជំងឺ​សាហាវ​នេះ ។​

article-2402049-1B77AA4E000005DC-618_634x778

​ក្រោយពេល​សម្រាលកូន​ដំបូង​២​នាក់ មាន​រោគសញ្ញា​ចម្លែក ពួកគេ​បាន​នាំ​កូន​ទៅកាន់​មន្ទីរពេទ្យ​តែ​វេជ្ជបណ្ឌិត​សុទ្ធតែ​ទ័ល​កម្រិត ដោយសារ​ពុំទាន់​ធ្លាប់​ជួប​ករណី​ណា​ដូចនេះ ។ លោក Nabi និយាយថា "​ប្រសិន​មាន​វេជ្ជបណ្ឌិត​ណា​នោះ ឲ្យ​ខ្ញុំ​ដឹងថា កូន​ខ្ញុំ​កើត​ជំងឺ​ដំណពូជ នោះ​ប្រហែល​យើង​មិនបង្កើត​ទៀត ។ តែ​ពុំមាន​នរណា​និយាយ​អ្វី​ទាំងអស់​" ។ ទាំង​២​នាក់​បន្ត​បង្កើតកូន​បន្ថែម​ជាមួយនឹង​ក្តីសង្ឃឹម​មានកូន​មាន​សុខ​ភាពល្អ ។ បំណង​របស់​ពួកគេ​ត្រូវបាន​តប​មកវិញ​ពេល​កើត​បាន​កូនស្រី Sanjeeda ។​

ឆ្នាំ ១៩៩៥ ក្រោយ​ច្រើន​ឆ្នាំទៅ​ជួប​វេជ្ជបណ្ឌិត​ផ្សេងៗ​គ្នា​ជាច្រើន អ្នក​ប្រឹក្សា​មួយរូប​នៅ Kolkata ឥណ្ឌា ចុងក្រោយ​បាន​វិនិច្ឆ័យ​ថា កូន​ទាំង​៤​របស់លោក Nabi កើត​ជំងឺ Progeria និង​អះអាងថា ជំងឺ​នេះ​ពុំ​អាច​ព្យាបាល​ជា ។ ជីវិត​របស់​កុមារ​ភ័ព្វ​ទាំង​៥​កាន់តែ​បន្ថែម​ការលំបាក​ពេល​ត្រូវ​មិត្ត​ភ​កិ្ត​ពេបជ្រាយ​និង​ដាក់ឈ្មោះ​ដូចជា "​កុមារ​ភ្នែក​ធំ​" ឬ "Patlu" (​ក្រេះ​) ។ លទ្ធផល​គឺ​ពួកគេ​បង្ខំចិត្ត​ត្រូវ​ឈប់រៀន ។​

article-2402049-1B77AA3A000005DC-551_634x821

Ali មាន​ទម្ងន់​ត្រឹមតែ ១០kg និយាយថា "​បងប្អូន​ខ្ញុំ​សុទ្ធតែ​ពុំមាន​កុមារភាព ពួកយើង​សុទ្ធតែ​បង្ខាំង​ខ្លួនឯង នៅក្នុង​ផ្ទះ​និង​លេង​ជាមួយគ្នា ។ យើងខ្ញុំ​ពុំមាន​ជីវិត ។ ពេល​ពួកយើង​ទៅ​រៀន​នោះ​ត្រូវ​ពិន័យ និង​ពេបជ្រាយ​ដាក់ឈ្មោះ​ពិសេស និង​មាន​អ្នកខ្លះ​ចង់​ធ្វើបាប​ពួកយើង​ទៀត ។ ពួកយើង​មិនធំ​ធាត់ សួត​ក៏​តូច ដកដង្ហើម​លំបាក​បំផុត​" ។​ "​ខ្ញុំ​ចង់​ធ្វើជា​មនុស្ស​ធម្មតា​អាច​លេង ទៅ​រៀន ចូលរួម​លេង​កីឡា​ណាមួយ​នោះ ផ្សងគ្រោះថ្នាក់​បន្តិច​…." ។​

article-2402049-1B77AA5A000005DC-351_634x418

Ali បច្ចុប្បន្ន​ជាម​នុស្ស​កើត​ជំងឺ Progeria នៅរស់​រាន​តែ​ម្នាក់​គត់​ក្នុង​គ្រួសារ ។ ពេល​បងប្រុស Ali គឺ Ikramul ជា​មិត្ត​ជិតស្និទ្ធ​បំផុត​របស់ខ្ញុំ ខ្ញុំ​នៅ​តូច​ណាស់​ពេល​បងៗ​ចាកចោល​ខ្ញុំ​ទៅ ដូច្នេះ​មានតែ Ikamul និង​ខ្ញុំ​គឺ​នៅរស់​យូរ​ជាង ។ បងប្រុស​ខ្ញុំ​មាន​សុខ​ភាពល្អ​ណាស់ និង​មិន​ចាប់អារម្មណ៍​ដល់​អ្នកធ្វើ​បាប ។ ពេល​គាត់​ស្លាប់ ខ្ញុំ​បាន​យំ​រាប់​សប្តាហ៍ និង​មិនអាច​ទទួលទាន​អ្វី​ឡើយ ។ តែ​បន្ទាប់មក​ខ្ញុំ​យល់ថា នឹង​យុត្តិធម៌​សម្រាប់ Ikramul ប្រសិន​ពេលនេះ​ខ្ញុំ ដួលរលំ ។ ឥឡូវ​ខ្ញុំ​គ្មាន​នរណា​ធ្វើ​មិត្តភក្តិ​ទៀត​ទេ តែ​ខ្ញុំ​ត្រូវតែ​ខ្លាំងក្លា​" ។​

article-2402049-1B77AA64000005DC-443_634x561

​បច្ចុប្បន្ន Ali និង​ឪពុកម្តាយ​ត្រូវបាន​មូលនិធិ​សប្បុរសធម៌ SB Devi Kolkata ឧបត្ថម្ភ ។ វេជ្ជបណ្ឌិត Chandan Chattopahyay នៅ Kolkata បាន​ឧទ្ទេសនាម​គ្រួសារ Ali ឲ្យ​អង្គការ​នេះ ហើយ​គេ​បាន​ជួយ Ali សង​ថ្លៃ​ចំណាយ​សុខាភិបាល ៕

   article-2402049-1B77AA52000005DC-205_634x489 

 

Leave a Reply

(*) Required, Your email will not be published