ផ្ទុះអាវុធ​១​គ្រាប់​នៅមុខ​ហាង​ចំប៉ី​កាហ្វេ​មិនដឹង​មូលហេតុ

, , Leave a comment

​រាជធានី​ភ្នំពេញ​ ៖ មនុស្ស​មួយក្រុម​មាន​ប្រុស​ស្រី ដែល​អង្គុយ​ផឹកស៊ី​រយៈពេល​យូរ នៅ​ហាង​មួយកន្លែង​ឈ្មោះ កាហ្វេ​ចំប៉ី ដែលមាន​ទីតាំងនៅ​ចំណុច​ផ្លូវ​លេខ​៣២២​កែង​ផ្លូវ​លេខ​១៥៧ ក្នុង​សង្កាត់​បឹង​កេងកង​១ ខណ្ឌចំការមន កាលពី​វេលា​ម៉ោង​៨ និង​៥០​នាទី​យប់​ថ្ងៃទី​៣០ ខែ សីហា ឆ្នាំ​២០១៣ បាន​ដក​កាំភ្លើងខ្លី​បាញ់​១​គ្រាប់​បង្ក​ភាព​ភ្ញាក់ផ្អើល​លេង រួច​ក៏​ចាកចេញ​ដោយ​សុវត្ថិភាព​។​


​សាក្សី​បាន​និយាយថា មុនពេល​ផ្ទុះ​កាំភ្លើង​គេ​ឃើញ មនុស្ស​៥​នាក់ (​ស្រី​ម្នាក់​) អង្គុយ​ផឹកស៊ី​នៅក្នុង​ហាង ចំប៉ី​ក​ហ្វេ​។​ក្រោយមក​នៅវេលា​ខាងលើ បុរស​ម្នាក់​ក្នុងចំណោម​នោះ​ក៏បាន​អា​ម៉េ​កាំភ្លើង រួច​បាញ់​១​គ្រាប់ ។​ភ្លាមៗ​ពួកគេ​ក៏បាន​ឡើង​ជិះ​រថយន្ត​និង​ម៉ូតូ​ចាកចេញ​ដោយ​សុវត្ថិភាព ។​

 

​ក្រោយពេល​ផ្ទុះ​គេ​ឃើញ​សមត្ថកិច្ច​ចុះ​ទៅដល់​កន្លែងកើតហេតុ​ដែរ តែ​ពុំ​បានឃើញ​សំបក​កា​ទុ​ស្ស​ទេ ។ ដែល​ការ​នេះ​ត្រូវបាន​គេ​អះអាងថា មកពី​ភ្លាមៗ​អ្នក​បោសសំអាត​បាន​ប្រមូលយក​សំរាម និង​កម្ទេចកម្ទី​នៅ​ទីនោះ​ទៅ​បោះចោល​ក្នុង​ធុងសំរាម ហើយ​ទំនងជា​ដោយ​សំបក​កា​ទុ​ស្ស​ទៅជា​មួយ​ដែរ ។​

 

​គួរ​បញ្ជាក់ថា បើទោះបី​ច្បាប់​របស់​ប្រទេស​កម្ពុជា​បានចែង​ពី​ការដាក់​ទណ្ឌ​ទោស​ដល់​អ្នក​បាញ់បោះ​សេរី យ៉ាងហោច​ជាប់ពន្ធនាគារ​៦​ខែ​ក្ដី ។ ប៉ុន្តែ​គេ​កម្រ​ឃើញ​សមត្ថកិច្ច​ចាត់ការ​ជន​ប្រព្រឹត្ត​តាមច្បាប់​ណាស់ ។ តួយ៉ាង​ករណី​បាញ់បោះ​មួយ​នៅខាងមុខ​ហាង​ហេង​ស្ព័ត តាម​បណ្ដោយ​ផ្លូ​ព្រះមុនីវង្ស កាលពីពេល​ថ្មីៗ​នេះ ជនបង្ក​គ្រាន់តែ​សមត្ថកិច្ច​ហៅ​មក​ធ្វើ​កំណត់ហេតុ​មួយ​ភ្លែត​តែប៉ុណ្ណោះ ក៏​ដោះលែង​ឲ្យ​មាន​សេរីភាព​ជាធម្មតា​វិញ ៕​

photo-2(49) ch11

 

Leave a Reply

(*) Required, Your email will not be published