អ្នក​លក់​ជ្រូក​​ខ្វៃ​ ត្រូវ​ក្រុម​​ចោរ​​បាញ់​ ៣ គ្រាប់ ប្លន់​យក​ម៉ូតូ និង​ទ្រព្យ​សម្បត្តិ​មួយ​ចំនួន

, , Leave a comment

ខេត្ដ​ព្រះ​សីហ​នុ​ ៖​ បុរស​អ្នកមាន​​មុខ​របរ​ជាអ្នក​លក់​សាច់​ជ្រូក​ខ្វៃ​ត្រូវ​បាន​​ក្រុង​ចោរប្លន់​បាញ់​សម្លាប់​យក​ម៉ូតូ​ និង​ទ្រព្យសម្បត្ដិ​ បាន​​ដេក​ស្លាប់​ក្នុង​ថ្លុក​ ឈាម​យ៉ាង​អាណោច​អាធ័ម​​កាលពី​វេលា​ម៉ោង​៨​និង​១៥​នាទី​ យប់​ ថ្ងៃ​ទី​២៣​ ខែសីហា​ ឆ្នាំ​២០១៣​ នៅ​ចម្ងាយ​ប្រមាណ​ជាង​ ២០ ​ម៉ែត្រ​មុខ​ផ្ទះ​របស់​ជន​រង​គ្រោះ​ដែល​មាន​ទីតាំង​ស្ថិត​ នៅ​ខាងក្រោយ​អតីត​សណ្ឋាគារ​ភ្នំ​មាស​ក្នុង​ក្រុម​ទី​៨​ ភូមិ​២​ សង្កាត់​លេខ​៤​ ក្រុង​-​ ខេត្ដ​ព្រះ​សីហ​នុ​ ។​

 

យោង​តាម​ប្រភព​ព័ត៌មាន​ពី​​មន្ត្រី​សមត្ថកិច្ច​បានឱ្យ​ដឹង​ថា​ ជន​រង​គ្រោះ​មានឈ្មោះ​ លី​ សុខ​ម៉េ​ង​ ភេទ​ប្រុស​ អាយុ​ ៤៩ ​ឆ្នាំ​ មានមុខរ​បរជា​លក់​សាច់​ ជ្រូក​ខ្វៃ​ ត្រូវ​ចោរ​បាញ់​ចំ​ក្បាល​ចំនួន​ ៣​ គ្រាប់​ ដោយ​កាំភ្លើង​មិន​ស្គាល់​ម៉ាក​ស្លាប់​ភ្លាមៗ​នៅ​កន្លែង​កើតហេតុ​ ខណៈ​ដែល​ជន​រង​គ្រោះ​កំពុង​ធ្វើ​ដំណើរ​មាន​ចម្ងាយ​ តែ​ជាង​២០​ម៉ែត្រ​ពីមុខ​ផ្ទះ​របស់​ខ្លួន​ ។​

 

សមត្ថកិច្ច​បាន​បន្ដ​ថា​ ក្រុម​ចោរប្លន់​ បាន​យក​ម៉ូតូ​មួយ​គ្រឿង​ និង​ខ្សែ​ក​មាស​ មួយ​ខ្សែ​ទម្ងន់​ ៣ ​តំឡឹង​ ៨ ​ជី​ គេចខ្លួន​ដោយ​សុវត្ថិភាព​ ។​ សមត្ថកិច្ច​កំពុង​តែ​ធ្វើការ​ស្រាវជ្រាវ​ចំពោះ​ករណី​ប្លន់​ប្រដាប់​អាវុធ​ ដែល​តែងតែ​កើត​មាន​ជា​បន្ដបន្ទាប់​ នៅ​ក្រុងព្រះសីហនុ​ ហើយ​ក៏​បង្ហាញ​ពី​ភាព​ភ័យ​ខ្លាច​របស់​ប្រជា​ពល​រដ្ឋ​ផង​ដែរ​។​

 

សូម​បញ្ជាក់​ថា​ នៅ​ក្រុងព្រះសីហនុ​គ្រាន់​ តែ​ពាក់កណ្ដាល​ខែសីហា​ ឆ្នាំ​២០១៣​ មាន​ករណី​ប្លន់​ប្រដាប់​អាវុធ​បាន​កើត​ ឡើង​ចំនួន​២​លើក​ ហើយ​ការ​ប្លន់​នៅ​ផ្សារ​ លើ​ចាត់​ទុក​ថា​ សំណាងល្អ​មួយ​ពាន់​គ្រោះ​ ថ្នាក់​ទៅ​លើ​ជន​រង​គ្រោះ​ ពេល​ដែល​ក្រុម​ ចោរ​ប្រើប្រាស់​កាំភ្លើងខ្លី​ ហើយ​បាញ់​ មិន​ចេញ​ ក្លាយទៅជា​ការ​ប្រតាយប្រតប់​ រហូត​ដល់​ប្រជាពលរដ្ឋ​ឃាត់​ចាប់ចោរ​ ប្លន់​ម្នាក់​បញ្ជូន​ឱ្យ​សមត្ថកិច្ច​ចាត់ការ​ តាម​នីតិវិធី​ ។​ ​ជន​រង​គ្រោះ​ដែល​ត្រូវ​បាន​ចោរប្លន់​ បាញ់​សម្លាប់​ខាងលើ​ បន្ទាប់​ពី​សមត្ថកិច្ច​ ធ្វើ​កោសល្យវិច័យ​ក៏​ប្រគល់​ក្រុម​គ្រួសារ​ យក​ទៅ​ធ្វើបុណ្យ​តាម​ប្រពៃណី​ ៕

2-2136

 

Leave a Reply

(*) Required, Your email will not be published