ចា​ប់ខ្លួន​កូនស្រី​លោក​ស្នងការរង​ខេត្តកំពង់ឆ្នាំង​ពាក់ព័ន្ធ​ករណី​ជួញដូរ​គ្រឿងញៀន​

, , Leave a comment

ខេត្តកំពង់ឆ្នាំង ៖ កម្លាំង​សមត្ថកិច្ច​បានធ្វើ​ការឃាត់​ខ្លួន​ស្ត្រី​ម្នាក់ ដែល​ត្រូវជា​កូនស្រី​សំណព្វ​ចិត្ត​របស់លោក​ស្នងកា​រ​រង​ខេត្តកំពង់ឆ្នាំង កាលពី​វេលា​ម៉ោង​៩និង​៣០​នាទី​ព្រឹក​ ថ្ងៃទី​២១ ខែសីហាឆ្នាំ​២០១៣   នៅលើ​កំណាត់​ផ្លូវជាតិ​លេខ​៥ ម្តុំ​ទីប្រជុំជន​ផ្សារ​ត្រាច  ក្នុងស្រុក​កំពង់ត្រឡាច ដោយ​ការចាប់ខ្លួន​នេះ គឺ​យោងតាម​ដីកា​ចាប់​ខ្លួន​​របស់​តុលាការសាលា​ដំបូង​ខេត្ត​ ដោយ​សង្ស័យ​ជនល្មើស​ខាង​លើ​នេះ​ មាន​ជាប់​ពាក់ព័ន្ធ​នឹង​ករណី​ជួញដូរ​ថ្នាំញៀន​។​

 

​បើតាម​ប្រភពព័ត៌មាន​ពី​សមត្ថកិច្ច​បាន​ឲ្យ​ដឹងថា ជនសង្ស័យ​ដែល​ត្រូវបាន​ចាប់​ឃាត់ខ្លួន​ខាងលើនេះ​មានឈ្មោះ យឹម ឌី​ណា មាន​ទី​លំនៅ​ក្នុង​ក្រុង​កំពង់ឆ្នាំង ត្រូវជា​កូនស្រី​សំណព្វចិត្ត​របស់លោក​ស្នងកា​រ​រង​ខេត្តកំពង់ឆ្នាំង​។ ប្រភព​ដដែល​បាន​បន្ត​ឲ្យ​ដឹង​ទៀតថា ជន​សង្ស័យ​ខាងលើនេះ គឺជា​មុខសញ្ញា​ជួញដូរ​ថ្នាំញៀន​ដ៏​សកម្ម​នៅក្នុង​ខេត្តកំពង់ឆ្នាំង​។ លុះដល់​វេលា​កើតហេតុ ​សមត្ថកិច្ច​ស៊ើប​ដឹង​ថា ជនសង្ស័យ កំពុងតែ​ជិះ​រថយន្តធ្វើ​ដំណើ​រ​ឆ្ពោះទៅកាន់​រាជធានី​ភ្នំពេញ ទើបត្រូវ​សមត្ថកិច្ច​​ដែល​យាម​ល្បាត​នៅ​តាម​ដង​ផ្លូវ​ធ្វើ​ការ​ស្ទាក់​​ចាប់បាន​តែម្តង​។​

 

​បន្ទាប់ពី​ធ្វើការ​ឃាត់ខ្លួន​បាន​ភ្លាមៗ ជនសង្ស័យ​ខាងលើ ត្រូវបាន​សមត្ថកិច្ច​ប​ញ្ជូ​ន​ទៅកាន់​ពន្ធនាគារ​ខេត្តកំពង់ឆ្នាំង ដើម្បី​រង់ចាំ​ធ្វើការ​ស៊ើប​សួរ​ជា​បន្តទៀត​។ ជុំ​វិញ​ករណី​ខាង​លើនេះ ប្រជា​ពលរដ្ឋ​កំពុង​តែ​រង់​ចាំ​មើល​ចំ​ណាត់​ការ​របស់​តុ​លា​ការ លើ​ករណី​កូន​អ្នក​មាន​អំ​ណាច​បុណ្យ​ស័ក្តិ​ ដែល​ប្រ​ព្រឹត្ត​ខុស​បែបនេះ តើ​នឹង​ត្រូវ​មាន​ជោគ​វាសនាជាប់​ក្នុង​ពន្ធ​នា​គារ​បាន​យូរ​ប៉ុន​ណា?​

g1(5)

 

Leave a Reply

(*) Required, Your email will not be published