មន្ត្រី​ប៉េអឹម​ ខេត្តស្ទឹងត្រែង​បើករថយន្ត​ប្រដេញ​ឡាន​ដឹកឈើ​ក្រ​ញួ​ង​ក្រឡាប់ បណ្តាលឱ្យ​រងរបួស​ធ្ងន់​បីនាក់​

, , Leave a comment

​ខេត្តស្ទឹងត្រែង ៖ យ៉ាងហោចណាស់ បុរស​បីនាក់​ដែល ដែលជា មន្ត្រី​ប៉េអឹម​ខេត្តស្ទឹងត្រែង​ ​បើករថយន្ត​ប្រដេញ​ឡាន​ដឹកឈើ​ប្រណីត​ក្រឡាប់ បណ្តាលឱ្យ​រងរបួស​ធ្ងន់​-​ស្រាល ​៣​នាក់ ក្នុង​ហេតុ​ការ​ណ៏​ក្រឡាប់ រថយន្ត​ម៉ាក​ប្រ៊ូ​ស ពណ៌​ទឹកប្រាក់​១​គ្រឿង​ដែល​គេ​ដឹងថា ជា​របស់​មន្ត្រី​ប៉េអឹម​ខេត្តស្ទឹងត្រែង​ជិះ​គ្នាច្រើន​នាក់ បាន​ព្យា យាម​បើក តាម​ប្រមាញ់​ស្ទាក់ចាប់ ឡាន​ដឹកឈើ​ប្រណីត​មួយគ្រឿង ត្រូវបាន​ជ្រុល​ទៅបុក ចូល​ផ្ទះ​របស់​ប្រជាពលរដ្ឋ រួច​ក្រឡាប់​ភ្លាមៗ​។ ហេតុ​ការ​ណ៏​ក្រឡាប់​រថយន្ត​នេះ បាន​កើតឡើង​កាលពី វេលា​ម៉ោង​១១ និង​៤០​នាទី​យប់ ថ្ងៃទី​១៥ សីហា ២០១៣ ស្ថិតនៅ​ចំណុច​ភូមិ​អូរ​ប្ញ​ស្សី​កណ្តាល ឃុំ​អូរ​កណ្តាល ស្រុក​សៀម​បូក ។

 

បណ្តាលឱ្យ​មន្ត្រី​ប៉េអឹម​៣​នាក់​ដែល​ជិះ​ក្នុង​រថយន្ត​រងរបួស​ធ្ងន់​-​ស្រាល ទោះជា​យ៉ាងណា គេ​នៅ​ពុំទាន់​កំណត់​អត្តសញ្ញាណ​ជនរងគ្រោះ​នៅឡើយ ព្រោះ​បន្ទាប់ពី​កើតហេតុ ត្រូវបាន​គេ​ជម្លៀសចេញ​បញ្ជូនទៅ​សង្គ្រោះ​នៅ​មន្ទីរពេទ្យ​នៅ​រាជធានី​ភ្នំពេញ ។ ចំណែក​រថយន្ត​ក៏ត្រូវ​បាន​គេ​ស្ទូច​យកទៅ​បាត់​ដែរ បន្សល់ទុក​តែ​កាង​រថយន្ត​នៅ​កន្លែងកើតហេតុ​តែប៉ុណ្ណោះ រីឯ​ឡាន​ដឹកឈើ​ក៏រ​ត់ទៅ​បាត់ស្រមោល​ដែរ ។​ ​ក្នុង​ហេតុការណ៍​នេះដែរ មិន​បណ្តាលឱ្យ​ម្ចាស់ផ្ទះ​រងរបួស​នោះទេ គ្រាន់តែ​បាក់​សំយាបផ្ទះ និង​បាក់​ស្លាក​ហាង​ជាច្រើន​ទៀត ។​

 

បើតាម​សាក្សី​បាន​ឲ្យ​ដឹងថា នៅវេលា​ម៉ោង កើតហេតុ​ខាងលើ រថយន្ត​ជនរងគ្រោះ​បាន​​បើក​ប្រដេញ​រថយន្ត​ដឹកឈើ​ក្រញូង​របស់​ជនល្មើស​ចំនួន​៤​គ្រឿង​ដែល​គេ​សង្ស័យថា ​ជា​របស់​ថៅកែ​ឈ្មោះ​ដួង​ដែល​ដឹក​ចេញពី​ខេត្តស្ទឹងត្រែង ​រាល់​យប់​ឆ្លងកាត់​ខេត្តក្រចេះ​ឆ្ពោះទៅ​ប្រទេស​វៀតណាម​ហើយ​មិនដឹង​រថយន្ត​ល្មើស​បើក​ខោក​ឬ​យ៉ាងណា​ក៍​ស្រាប់តែ​រថយន្ត​មន្ត្រី​ប៉េអឹម បាន​ជ្រុល​ទៅបុក ចូល​ផ្ទះ​របស់​ប្រជាពលរដ្ឋ រួច​ក្រឡាប់​ភ្លាមៗ​តែម្តង រីឯ​ឡាន​ដឹកឈើ​ក៏រ​ត់ទៅ​បាត់ស្រមោល ៕​

 

kkl (1) kkl (2)

 

Leave a Reply

(*) Required, Your email will not be published