ឈិត សុជាតា រំលេច​រន្ធផ្ចិត

, , Leave a comment

រាជធានីភ្នំពេញ ៖ ក្រោម​ក្រសែភ្នែក​មនុស្ស​រាប់រយ​នាក់ ឈិត សុជាតា បាន​ធ្វើឲ្យ​មាន​ភាព​ភ្ញាក់ផ្អើល​និង​ចាប់​អារម្មណ៍​យ៉ាង​ខ្លាំង រហូត​ធ្វើឲ្យ​ភ្ញៀវ​ខ្លះ​ដក​ក​ចំហ​មាត់​ភ្លេច​ទទួលទាន​ទៀត​ផង នៅ​ពេល​ដែល​តារា​សាច់​ស​ខ្ចី សម្តី​ស្រទន់​នាង ឈិត សុជាតា បាន​រំលេច​រង្វះ​ដើមទ្រូង​ពើង​ធំ​មូលក្បំ​និង​បញ្ចេញ​ក្បាលពោះ​លេច​រន្ធផ្ចិត​នៅ​កណ្តាលវាល​គួរ​ឲ្យ​ព្រឺព្រួច​នោះ​។ ប៉ុន្តែ​យ៉ាង​ណា ពិធីការិនី​ជើងចាស់​រូប​នេះ ហាក់​ស្ថិត​នៅក្នុង​អារម្មណ៍​ធម្មតា​។

 

លេច​មុខ​នៅ​ក្នុង​ពិធី​សម្ពោធ​ផលិតផល​ថ្មី​របស់​ក្រុមហ៊ុន Angel Trading ពិធីការិនី​នាង ឈិត សុជាតា បាន​បញ្ចេញ​ស្នាមញញឹម​ជាមួយ​នឹង​ភាព​រួសរាយ​រាក់ទាក់​និង​បាន​បង្ហើរ​សំនៀង​ជាមួយ​នឹង​ការ​សួរ​សុខទុក្ខ​ដល់​មិត្តភក្តិ និង​សារព័ត៌មាន​ជាតិ និង​អន្តរជាតិ​ទៀត​ផង​។ តារា​រូប​នេះ​បាន​ឲ្យ​ដឹង​ថា ការ​លេច​មុខ​របស់​នាង​នៅ​ពេល​នេះ​ក្នុង​នាម​ជា​ភ្ញៀវ​កិត្តិយស​ផង និង​ជា​តារា​បង្ហាញម៉ូដ​ឲ្យ​ផលិតផល​របស់​ក្រុមហ៊ុន​នោះ​ផង​។

 

ជាមួយ​នឹង​ភាព​រួសរាយ​នេះ ឈិត សុជាតា បាន​ទទួល​ការ​ចាប់​អារម្មណ៍​យ៉ាង​ក្រាស់ក្រែល​ពី​សំណាក់​អ្នក​សារព័ត៌មាន និង​ភ្ញៀវ​កិត្តិយស​រាប់រយ​នាក់​នៅក្នុង​ពិធី​ពិសេស​បង​បុរស​ៗ នៅ​ពេល​ដែល​តារា​សាច់​ស​ខ្ចី​ដ៏​មាន​ប្រជាប្រិយ​រូប​នេះ​បាន​រំលេច​រន្ធផ្ចិត​របស់​ខ្លួន​នៅ​លើ​គោក ជាមួយ​នឹង​ឈុត​សម្លៀកបំពាក់​ខើច​ខ្លី​មែនទែន បិទបាំង​បន្តិចបន្តួច​គួរ​ឲ្យ​ញាក់សាច់​តែ​ម្តង​។ ភ្ញៀវ​កិត្តិយស​ខ្លះ​នៅ​ពេល​បាន​ឃើញ​ពី​សម្រស់​ពិត​របស់​តារា​រូប​នេះ​ហើយ ទប់​មាត់​មិន​ជាប់​ក៏​និយាយ​ថា ឈិត សុជាតា ពិតជា​ស្អាត​អស្ចារ្យ សាច់​ស​រលោង ដើមទ្រូង​ធំ​មូលក្បំ រាង​ស្វែល​ចង្កេះ​អង្ក្រង គួរ​ឲ្យ​ក្នាញ់​អត់​ទ្រាំ​សរសើរ​មិន​បាន​ទេ​។

 

ការ​ស្លៀកពាក់​សិចស៊ី​របស់​តារាស្រី​ម្ចាស់​ក្រុមហ៊ុន​ទេសចរណ៍ STA​រូប​នេះ​បាន​ស​បញ្ជាក់​ឲ្យ​ដឹង​ថា ទោះ​បី​ជា​នាង​វ័យ​ច្រើន​គួរសម​រវល់​ការងារ​ដ៏​មមាញឹក​ទាំង​នៅក្នុង​សិល្បៈ និង​ជំនួញ​ក៏​ដោយ​តែ​រូប​នៅ​តែ​មាន​សម្រស់​ក្មេង​ជាង​វ័យ​ដដែល​មិន​ចាញ់​ក្មេងស្រី​វ័យ​១៨-១៩​ឆ្នាំ​នោះ​ទេ​៕

130812_28a

ប្រភព ភ្នំពេញប៉ុស្តិ៍

 

Leave a Reply

(*) Required, Your email will not be published