អ្នកគ្រូ​ក្រមុំ​វ័យក្មេង ផឹកថ្នាំ​បំពុល​សត្វ​កណ្តៀរ​ធ្វើអត្តឃាត បន្ទាប់ពី​ឈ្លោះប្រកែក ជា​មួយគូ​ដណ្តឹង​

, , Leave a comment

​ខេត្តស្ទឹងត្រែង ៖ ដោយ​គ្រាន់តែ​មានទំនាស់ ពាក្យសំដី​តិចតួច ជា​មួយគូ​ដណ្តឹង អ្នកគ្រូ​ក្រមុំ​វ័យក្មេង​ម្នាក់ បានសំរេច​ចិត្ត​ផឹកថ្នាំ បំពុល​សត្វ​កណ្តៀរ​ ធ្វើអត្តឃាត សម្លាប់ខ្លួន​ កាលពី​វេលា​ម៉ោង៦​និង​៣០​នាទី​ព្រលប់ ថ្ងៃទី​០៩ ខែ សីហា ឆ្នាំ​២០១៣ នៅលើផ្ទះ​របស់​នាង ស្ថិតក្នុង​ភូមិ​ភ្លុក ឃុំ​ភ្លុក ស្រុក​សេសា​ន ខេត្តស្ទឹងត្រែង​។​

ក្រុមគ្រួសារ​នារី​រងគ្រោះ​បាន​ឲ្យ​ដឹងថា អ្នកគ្រូ​ក្រមុំ​ដែល​ធ្វើអត្តឃាត សម្លាប់ខ្លួន​នោះ​មានឈ្មោះ សា ណាវី អាយុ​១៧​ឆ្នាំ ជា​គ្រូបង្រៀន​សាលាបឋមសិក្សា​មួយកន្លែង ក្នុងស្រុក​ថា​ឡា​បរិ​វ៉ា​ត់ រស់នៅក្នុង​បន្ទុក​ឪពុកម្តាយ ស្ថិតក្នុង​ភូមិ​ភ្លុក ឃុំ​ភ្លុក ស្រុក​សេសា​ន ខេត្តស្ទឹងត្រែង​។ នៅ​ព្រលប់​ថ្ងៃកើតហេតុ​ឈ្មោះ សា ណាវី បាន​ឈ្លោះទាស់ទែង ជា​មួយគូ​ដណ្តឹង​របស់​នាង បន្តិចបន្តួច​នាង​បែរជា ផឹក​ថ្នាំពុល​ធ្វើអត្តឃាត សម្លាប់ខ្លួន​ទាំង​វ័យក្មេង ។​

 

​ពីដំបូង​ក្រុមគ្រួសារ​មិនបាន​ដឹងថា មានរឿង​អ្វី​កើតឡើង​ទេ តែ​នៅពេល​ហូបបាយ ស្រាប់​បាត់ឈ្មោះ សា ណាវី មិនឃើញ​មក​ហូបបាយ ក៏​នាំគ្នា​ដើរ​រកមើល​ក្នុង​បន្ទប់ ស្រាប់តែ​ឃើញ​នាង​បែកពពុះមាត់ និង​មាន​ដប​ថ្នាំ​កណ្តៀរ នៅ​ជិត​ខ្លួន​ទើប​ដឹងថា នាង​បាន​ផឹក ថ្នាំ​កណ្តៀរ​ដើម្បី​ធ្វើអត្តឃាត ហើយ​ក្រុមគ្រួសារ​ក៏បាន ដឹកបញ្ជូន​នារី​រងគ្រោះ​មក កាន់​មន្ទីរពេទ្យបង្អែក​ខេត្ត ដើម្បី​ធ្វើការ​សង្គ្រោះ​ជីវិត តែ​ពេលមកដល់​អ្វីៗ​បាន​ហួសពេល​អស់​ទៅហើយ៕

 

 

Leave a Reply

(*) Required, Your email will not be published