ឪពុក​បង្កើត​រំលោភ​កូន​នៅ​ទឹកដី​ថៃ​មិន​ស្កប់​តាម​រហូត​ដល់​មក​ស្រុក​កំណើត​ទើប​បែកធ្លាយ

, , Leave a comment

ខេត្តបាត់ដំបង​ ៖  បុរស​ម្នាក់​ត្រូវបាន​ចាប់ខ្លួន​កាលពី​ព្រឹក​ថ្ងៃទី​០៦​សីហា ២០១៣​នៅ​ភូមិ​អន្លង់​តា​ម៉ុក ឃុំ​របស់​មង្គល ស្រុក​មោង​ប្ញ​ស្សី ពីបទ​សង្ស័យថា​បាន​ចាប់រំលោភ​កូ​ន​ស្រី​​​បង្កើត​អាយុ​១៣​ឆ្នាំ​របស់ខ្លួន​ជាច្រើន​ដង ។ សមត្ថកិច្ច​ស្រុក​មោង​ប្ញ​ស្សី​ឲ្យ​ដឹងថា ជនសង្ស័យ​ឈ្មោះ ខុន ខេន អាយុ​៣១​ឆ្នាំ  ត្រូវបាន​ភរិយា ឈ្មោះ ឆេ​ម ឈុត អាយុ​៣៥​ឆ្នាំ ប្ដឹង​ចោទថា បាន​បង្ខំ​ចាប់រំលោភ​កូនស្រី​ខ្លួន​ឈ្មោះ​ ខ​.​ច​.​រ  អា យុ​១៣​ឆ្នាំ​ស្ទើរ​រាប់​ភ្លេច​នៅ​ប្រទេស​ថៃ និង​ចុងក្រោយ​នៅ​រសៀល​ថ្ងៃទី​០១ សីហា ក្បែរ​មាត់បឹង​ខាងក្រោយ​ផ្ទះ​ក្នុងភូមិ​ឃុំ​ខាងលើ ។​

 

ប្រភព​ដដែល​បាន​បន្តថា ក្រោយពី​ទ​ទូល​ពាក្យបណ្ដឹង​សមត្ថកិច្ច​ជំនាញ បាន​ចុះទៅ​នាំខ្លួន​ជន​រូបនោះ​ភ្លាមៗ​យកមក​សួរនាំ​។​ ​ជុំវិញ​ករណីនេះ​អ្នកស្រី ឆេ​ម ឈុត ដែលជា​ភរិយា​បាន​ប្រាប់​សមត្ថកិច្ច​ថា អ្នកស្រី ប្ដី និង​កូនស្រី​ច្បង​ខាងលើនេះ ភាគច្រើន​ទៅធ្វើ​កម្មករ​នៅ​ប្រទេស​ថៃ ហើយ​បាននាំគ្នា​ត្រ​ឡប់​មក​ស្រុក​វិញ​មុន​ថ្ងៃ​បោះឆ្នោត​។ អ្នកស្រី​បញ្ជាក់ថា កូនស្រី​មិនដែល​ប្រាប់​រឿងរ៉ាវ អាស្រូវ​នេះ​ឲ្យ​ដឹង​ទេ  តែ​អ្នកស្រី​បានដឹង​នៅពេល​កូនស្រី​ទម្លាយ​អំពី​រឿងនេះ ខណៈ​គា​ត់​​និង​ស្វាមី​ត្រៀម​បំរុង​ចេញទៅ​ធ្វើ​កម្មករ​នៅ​ប្រទេស​ថៃ​ជាថ្មីទៀត  ក៏​ដាក់ពាក្យ​ប្ដឹង​តែម្ដងទៅ​។

 

កុមារី​រងគ្រោះ​បាន​រៀបរាប់​នៅក្នុង​កំណត់ហេតុ​របស់​សមត្ថ​កិច្ច​ថា ឪពុក​នាង​តែង​ចាប់រំលោភ​នាង​គ្មាន​ប្រណី ពេល​បាំង​ភ្នែក​ពី​ម្ដាយ ។ រឿងនេះ​នាង​មិនដែល​បង្ហើប​ឲ្យ​ម្ដាយ​ដឹង​ទេ ព្រោះ​ខ្លាច​ឪពុក​ធ្វើបាប​។ នាង​បន្ថែមថា ពេល​ត្រឡប់មក​ដល់ផ្ទះ​នៅ​ស្រុក​ខ្មែរ​វិញ មុន​បោះឆ្នោត និង​បោះឆ្នោត​រួច រូបនាង​ត្រូវបាន​ឪពុក​ចាប់រំលោភ​បាន​២​ដង​ទៀត  ។​ នៅ​ចំពោះមុខ​សមត្ថកិច្ច​ជនសង្ស័យ​ឈ្មោះ ខុន ខេន បាន​សារភាពថា ខ្លួន​ពិតជា​បាន​ប្រ​ព្រិ​ត្ត អំពើ​មិន​គាប់​បី​ទៅលើ​កូនស្រី ដូច​ការចោទប្រកាន់រ​បស់​ភរិយា និង​កូនស្រី​មែន​។ អធិការនគរបាល​ស្រុក​មោង​ប្ញ​ស្សី​លោក គិត ហៀ​ង បាន​ឲ្យ​ដឹងថា លោកស្នងការ​ខេត្ត​បាន​បញ្ជា​ឲ្យ​រៀបចំ​កសាង​សំណុំរឿង ដើម្បី​បញ្ជូន​ជនសង្ស័យ​រូបនេះ​ទៅកាន់​តុ​លា​ការ​​ហើយ ដើម្បី​ចាត់ការ​តាម​នីតិវិធី ៕

060820131591

 

Leave a Reply

(*) Required, Your email will not be published