ស្ត្រី​ខ្មែរ​​ម្នាក់ និង​ស្រ្តី​ថៃ​ម្នាក់​ ត្រូវ​ឃុំខ្លួន​ពាក់​ព័ន្ធ​គ្រឿង​ញៀន​ទម្ងន់​ជិត​ ៥ គីឡូក្រាម​

, , Leave a comment

រាជធានី​ភ្នំពេញ ​៖ អយ្យការ​អម​សាលាដំបូង​រាជ​ធា​នៅ​ភ្នំពេញ​កាលពី​រសៀល​ថ្ងៃទី​៣១​កក្កដា  បានសម្រេច​ឃុំខ្លួន​ស្ត្រី​ខ្មែរ​ម្នាក់ និង​ថៃ​ម្នាក់ ពាក់ព័ន្ធ​សំណុំរឿង​គ្រឿងញៀន​ប្រ​ភេ​ទ​ម៉ា​ទឹកកក​ជិត​៥​គីឡូក្រាម ដែល​នាំ​ឆ្លងដែន​ចូល​កម្ពុជា តាម​ព្រលានយន្តហោះ​អន្តរជាតិ​ភ្នំពេញ​។​

 

​ស្ត្រី​ជនជាតិ​ថៃ​ឈ្មោះ WILAWAN CHINGPANG អាយុ​២៩​ឆ្នាំ កាន់​លិខិតឆ្លងដែន​លេខ AA1 360692 និង​ស្ត្រី​ខ្មែរ​ឈ្មោះ កែវ ដា​រី ហៅ វៀន អាយុ​៤៤​ឆ្នាំ ត្រូវបាន​សមត្ថកិច្ច​នគ​របាល​មន្ទីរ​ប្រឆាំង​គ្រឿងញៀន​ក្រសួងមហាផ្ទៃ ឃាត់ខ្លួន​ជា​បន្តបន្ទាប់​កាលពី​ថ្ងៃទី​២៩ ខែកក្កដា ឆ្នាំ​២០១៣ នៅ​ចំណុច ព្រលានយន្តហោះ​អន្តរជាតិ​ភ្នំពេញ ស្ថិតក្នុង​ស​ង្កា​ត់​កា​កាប ខណ្ឌ​ពោធិ៍​សែន​ជ័យ​។​

 

​ប្រភពពី​នគរបាល​ឱ្យដឹងថា មាន​បុរស​ជនជាតិ​អាហ្វ្រិក​ម្នាក់​បានឱ្យ​ស្ត្រី​ថៃ ធ្វើដំណើរ​ពី​ប្រទេស​ថៃ ទៅ​ប្រទេស​ឥណ្ឌា ដើម្បី​ជួប​ជាមួយ​មនុស្ស​ម្នាក់ ហើយនឹង​នាំ​គ្រឿងញៀន​ប្រ​ភេទ​មេ​តំ​ហ្វេ​តា​មីន (​ម៉ា​ទឹកកក​) ទម្ងន់​៤៩១១,៤​ក្រាម ត្រឡប់មក​ប្រទេស​កម្ពុជា​វិញ​។​

 

​ក្នុងពេលដែល​ស្ត្រី​ថៃ​បានទទួល​គ្រឿងញៀន​រួចរាល់​ហើយ នាង​ក៏បាន​ធ្វើដំណើរ​តាម​ជើងយន្តហោះ​សាំង​ហ្គា​ពួរ​-​កម្ពុជា ដើម្បី​ចុះចត​នៅ​ព្រលានយន្តហោះ​អន្តរជាតិ​ភ្នំពេញ​។ ខណៈដែល​ស្ត្រី​ថៃ​បានយូរ​វ៉ា​លី​មួយ ដើរ​ឆ្លងកាត់​កន្លែង​ត្រួតពិនិត្យ បានធ្វើឱ្យ​សមត្ថកិច្ច​មានការ​សង្ស័យ ក៍​ឃាត់ខ្លួន​នាង ឆែកឆេរ​វ៉ា​លី ហើយក៏​រកឃើញ​គ្រឿងញៀន​ដែ​ល​​លាក់ទុក​ក្នុង​វ៉ា​លី​តែម្ដង​។​

 

​យោងតាម​ចម្លើយសារភាព​របស់​ស្ត្រី​ជនជាតិ​ថៃ សមត្ថកិច្ច​ក៏បាន​បន្តទៅ​ឃាត់ខ្លួន​ស្ត្រី​ខ្មែរ​ម្នាក់ទៀត​ឈ្មោះ កែវ ដា​រី ដែលជា​អ្នក​ចាំ​ទទួល​គ្រឿងញៀន​បន្ត​ពី​ស្ត្រី​ថៃ​។​ ​ក្រោយ​ការសាកសួរ​រួចហើយ នៅ​រសៀល​ថ្ងៃទី​៣១ ខែកក្កដា ឆ្នាំ​២០១៣ សមត្ថកិច្ច​បាន​កសាង​សំណុំរឿង និង​បញ្ជូន​ស្ត្រី​ទាំង​២​នាក់​នេះ​មក​តុលាការ ។ ក្រោយមក​តំណាង​អ​យ្យការ​បានសម្រេច​ឃុំខ្លួន​ស្ត្រី​ទាំង​២​នាក់ ដើម្បី​បន្ដ​ចាត់ការ​តាម​នីតិវិធី ៕

phoeto photoc

 

Leave a Reply

(*) Required, Your email will not be published