រថយន្តបុកម៉ូតូ​បាក់ជើង​ពីរ​នាក់ បើក​រត់បាត់​ស្រមោល​ បន្សល់​ទុក​តែ​ស្លាកលេខ​

, , Leave a comment

រាជធានី​ភ្នំពេញ​ ៖ យុវជន​ពីរ​នាក់បាន​បាក់ជើង​ម្នាក់​ម្ខាងនៅក្នុង​ហេតុ​ការគ្រោះថ្នាក់​ចរាចរ​ណ៏​មួយរវាង​រថយន្ត​មិន​ស្គាល់​ម៉ាក និង​ម៉ូតូ​ស្មាស​រី​វ៉ូ កាលពី​វេលា​ម៉ោង​ ១១ និង ​៣​០ ​​​នាទី​យប់​ថ្ងៃទី​ ៣០ ខែ កក្កដា ឆ្នាំ ២០១៣ តាម​បណ្ដោយ​មហាវិថីសេនាប្រមុខ គឹម អ៊ី​ស៊ុ​ង ក្នុង​សង្កាត់​បឹងកក់​២ ខណ្ឌទួលគោក រាជធានីភ្នំពេញ​។ មុនពេល​កើតហេតុគេ​ឃើញ​រថយន្តមិន​ចាំ​ម៉ាក ពណ៌​ត្រី​ឆ្លូញ បាន​បើក​ក្នុងទិសដៅ​ពី​លិចទៅ​កើត មកដល់​ចំណុច​ខាងមុខ​យាន្ត​ដ្ឋា​ន​ជួ​ស​ជុល​រថយន្ត​ចំប៉ាស ដែលមាន​ទីតាំង​នៅជាប់​រង្វង់​មូល​ទួលគោក បួង​ចង្កូត​បត់​ឆ្វេង ក៏​ទៅបុក​ម៉ូតូ​ស្មាស​រ៉េ​វ៉ូ ពណ៌​ខ្មៅ ពាក់​ស្លាក​លេខ​កំពត 1C-2072 ដែល​ជិះ​គ្នា​ ២ ​នាក់តាម​ប​ណ្ដា​ល​​ឲ្យ​អ្នកជិះ​ម៉ូតូ​រងរបួស​ធ្ងន់ បាក់ជើង​ម្នាក់​មួយ​ចំហៀង ។​

 

រថយន្ត​បង្ក​ភ្លាមៗ​បាន​បើក​គេចខ្លួនបាត់​ស្រ​មោលដោយ​បន្សល់ទុក​តែ​ស្លាក​លេខ និង​កាង​មួយ​កំណាត់​នៅ​កន្លែងកើតហេតុតែ​ប៉ុណ្ណោះ​ ។ ស្លាកលេខ​ដែល​បន្សល់ទុក​នោះ​មាន​លេខភ្នំពេញ 2​S​-4606  ។​រីឯ​ជនរងគ្រោះ​ទាំង​ពីរ​​នាក់​មានឈ្មោះ ១. យ៉ាន តាន់​ប៊ុណ្ណា​រ័ត្ន អាយុ​ ២៤ ​ឆ្នាំ មុខ​បរជាក​ម្មករ​រោងចក្រ​កាត់ដេរស្នាក់នៅ​ផ្ទះជួល​ក្នុង​សង្កាត់​ទឹកថ្លា ខណ្ឌ​សែន​សុខ ២. ឈ្មោះ សា​ក់​ អាយុ ២៤​ ឆ្នាំ ជា​កម្មករសំណង់ ។ ក្រោយពេល​កើតហេតុ ជនរងគ្រោះ​ទាំង​២ ត្រូវបាន​រថយន្ត​សាមុយ​ដឹក​ទៅកាន់​គ្លីនិក​ឯកជន​គឹម​សុង ។

 

ក្រោយពេល​កើតហេតុ​ឪពុកមា​ជនរងគ្រោះ​មក​ទទួលយក​ម៉ូតូ​ទៅផ្ទះ​វិញ ដោយ​មិនបាន​ប្ដឹងផ្ដល់​ទេ ដោយ​សំអាងថា រថយន្តបុក​ហើយ​រត់​បាត់​ពុំមាន​ភស្តុតាង​សំអាង ។ ប៉ុន្តែ​ដោយ​សមត្ថកិច្ច​ប្រាប់ថា រថយន្ត​បង្ក​មាន​ស្លាក​លេខ​នៅសល់ ទើប​គាត់​ថា​នឹង​ទៅ​ដាក់​ពាក្យបណ្ដឹង នៅ​អធិការដ្ឋាន​ខណ្ឌទួលគោក នា​ព្រឹក​ថ្ងៃទី ៣១​កក្កដា នេះដើម្បីចាត់​វិធានការ​បន្ត​ ៕

ri1

 

Leave a Reply

(*) Required, Your email will not be published