រថយន្ត​ទួរីស​ដាច់កង់ ​ក្រឡាប់​​ចេញឈើគ្រញូង​ជាង​ ២០ ដុំ

, , Leave a comment

ខេត្តកំពង់ឆ្នាំង​ ៖ ឈើ​ប្រណីត​ប្រភេទ​គ្រញូង​ទម្ងន់​ប្រមាណ​ជាង​១​តោន ដែល​ដឹក​តាម​រថយន្ត​ទូ​រី​បាន​ក្អែ​ធ្លាក់​ចេញមកក្រៅ  គ្រា​ដែល​រថយន្ត​នោះ​ដាច់​កង់​ក្រឡាប់​ធ្លាក់ចូល​ស្រែ ។ ភ្លាមៗ​ឈ្មូ​ញ​ម្ចាស់​ឈើ​បាន​ព្យាយាម​ប្រមូល​ឈើ​ទាំងនោះដើម្បី​សាង​ឡាន​បន្ត តែ​ត្រូវ​សមត្ថកិច្ច​ចាប់​ជាប់ ។​ ហេតុ​ការ​ណ៏​នេះ​បាន​កើតឡើង​កាលពី​វេលា​ម៉ោង​ប្រមាណ​១ រំលង​អា​ធ្រា​ត្រ​ឈានចូល​ថ្ងៃទី​៣០ ខែកក្កដា ឆ្នាំ​២០១៣ នៅតាម​បណ្តោយ​ផ្លូវជាតិ​លេខ​៥ ត្រង់ចំណុច​គ​ល់​ស្ពាន​​អូរសណ្តាន់ ស្ថិត​ក្នុងភូមិ​អូរសណ្តាន់ ឃុំ​ទឹក​ហូត ស្រុក រលាប្អៀរ  ។​

 

សាក្សី​បាន​និយាយថា នា​ម៉ោង​កើតហេតុ​ខាងលើ គេ​ឃើញ​រថយន្ត​ទូ​រី​ស ម៉ាក​សាំ​យ៉ុង ពណ៌​សំបក​ឪឡឹក គ្មាន​ស្លាក​លេខ មួយគ្រឿង បើកបរ ដោយ​ជន​ពុំ​ស្គាល់ឈ្មោះ បា​ន​ធ្វើ​​ដំណើរ​តាម​បណ្តោយ​ថ្នល់ជាតិ  លុះ​មកដល់​ចំណុច​គល់ស្ពាន​អូរសណ្តាន់ រថយន្ត​បាន​ធ្លាក់​ជង្ហុក អុក​យ៉ាងខ្លាំង​ព្រោះតែ​ដឹក​ធ្ងន់ បណ្តាល​ឲ្យ​ដាច់​កង់​មុខ​ខាងឆ្វេង រួច​ធ្លា​ក់​មក​ខាងស្តាំ​ដៃ​ក្រឡាប់​ចូល​ស្រែ ក្អែ​ឈើ​គ្រញូង​ចេញ​តែម្តង ។

 

​ប្រភព​ដដែល​បាន​បន្តថា ក្រោយ​កើតហេតុ ឈ្មួញ​ឈើ បាន​ជួល​ប្រជាពលរដ្ឋ​នៅ​ជិត​នោះ​ជញ្ជូន​ឈើ​ចេញពី​រថយន្ត​ទៅ​ដាក់​លាក់​នៅ​ឆ្ងាយ បំណង​ដឹក​ចេញ តែ​ត្រូវ​ន​គរ​បាល​​ទៅ​ទាន់​ក៏​នាំគ្នា​រត់​អស់ ទុក​ឈើ និង​រថយន្ត​ចោល​នៅនឹងកន្លែង​កើតហេតុ ។​ ​លោក ជិន សុផាត នាយការិយាល័យ​នគរបាល​សេដ្ឋកិច្ច​ខេត្តកំពង់ឆ្នាំង​បាន​ឲ្យ​ដឹងថា ឈើ​ក្នុង​​រថ​យន្ត​​នោះ​មាន​ចំនួន​២៣​ដុំ  ប៉ុន្តែ​នៅ​មិនទាន់បាន​វាស់វែង និង​ថ្លឹង​ទម្ងន់​នៅឡើយ​ទេ រងចាំ​ដឹកជញ្ជូន​មកកាន់​ស្នងការដ្ឋាន​នគរបាល​ខេត្ត​សិន ទើប​វាស់វែង និង​ថ្លឹង​ជា​ក្រោយ ។​

 

​គួរ​បញ្ជាក់ថា នៅក្នុង​រថយន្ត​នោះគេ​បាន​រកឃើញ​សៀវភៅ​កត់ត្រា​ចំនួន​ជើង​ដែល​ដឹក និង​រត់ការ​ផ្លូវ គឺ​ច្រើន​ជើង​ណាស់ ចាប់ពី​ថ្ងៃទី​៧ ខែ មិថុនា​ឆ្នាំ​២០១៣ មកម្ល៉េះ​។ ដែល​នេះ​​បង្ហាញ​ឲ្យ​ថា ការដឹកជញ្ជូន​ឈើ​គ្រញូង​នេះ​មានការ​ឃុបឃិត​ពី​សមត្ថកិច្ច ។ លើសពីនេះ​ទៀត នគរបាល​ក៏បាន​សន្និដ្ឋាន​ដែរ​ថា ទាំង​អ្នកបើកបរ និង​ព្រូឡាន​សុទ្ធសឹងតែ​ជា​អ្នកប្រើប្រាស់​គ្រឿងញៀន ខណៈដែល​បាន​ឆែកឆេរ រកឃើញ​នៅក្នុង​រថយន្ត​មាន គ្រឿងញៀន​មួយ​ប្រអប់ ដែល​គេ​ដាក់​ក្នុង​បំពុង​បឺត​ជ័រ​ទុក​សម្រាប់​ជក់ និង​ប្រើប្រាស់​តាមផ្លូវ ។​ ​រថយន្ត និង​ឈើ​ក្រញូង​ទាំងនោះ​ត្រូវបាន​នគរបាល​ដឹក​យមក​រក្សាទុក នៅ​ស្នងការដ្ឋាន​ខេត្តកំពង់ឆ្នាំង​ជា​បណ្តោះអាសន្ន​ដើម្បី​រង់ចាំ​ធ្វើការ​ដោះស្រាយ​តាមច្បាប់ ៕

CIMG1613 CIMG1635 kc1

 

Leave a Reply

(*) Required, Your email will not be published