ជិះ​ម៉ូត​បុក​គេ​ ហើយប្រើ​​កាំភ្លើង​ ដោះស្រាយ​បញ្ហា ដោយ​ភ្ជង់ទាំង​ជនរងគ្រោះ និង​សមត្ថកិច្ច

, , Leave a comment

​រាជធានី​ភ្នំពេញ​ ៖ បុរស ២​ នាក់ ជិះ​ម៉ូតូ​CBR ១​គ្រឿង ពណ៌​ក្រហម​លា​យស ពាក់​ស្លាក​លេខ ភ្នំពេញ 1BA-1731 ធ្វើដំណើរ​តាម​បណ្តោយ​ផ្លូវជាតិ​លេខ​២ ក្នុងទិសដៅ​ពី​លិច​ទៅ​​កើត ខណៈ​មកដល់​ភូមិ ព្រែក​អ​ង្គុ​ញ ក៏បាន​ជ្រុល​ល្បឿន​ទៅបុក​ម៉ូតូ​ឌ្រី​ម​C125 ស៊េរី​២០០៨ ពណ៌​ខ្មៅ ១​គ្រឿង ពាក់​ស្លាក​លេខ សៀមរាប 1C-7471 ជិះ ២​នាក់ ប្តី​ប្រពន្ធ ប​ណ្តាលឱ្យ​បុរស​ជា​ប្តី​រងរបួស​ស្រាល ចំណែក​ប្រពន្ធ​របួសធ្ងន់​បាក់ជើង​ឆ្វេង បន្ទាប់មក​ជនបង្ក​បាន​ដក​កាំភ្លើងខ្លី ១​ដើម ម៉ាក CZ75 ភ្ជង់​គំរាម​ជនរងគ្រោះ និង​គំរាម​សមត្ថ​កិ​ច្ច​​នៅពេល​ចុះទៅ​អន្តរាគមន៍​ករណី​គ្រោះថ្នាក់​ចរាចរ​នេះ​ថែម​ទៀតផង ។​

ហេតុការណ៍​នេះ បាន​កើតឡើង​កាលពី​វេលា​ម៉ោង ៨ និង ៣០​នាទី យប់​ថ្ងៃទី​១៧ កក្កដា ២០១៣ ស្ថិត​ក្នុងភូមិ អ​ង្គុ​ញ ឃុំ​សៀមរាប ស្រុក កណ្តាលស្ទឹង ខេត្តកណ្តាល ។ ក្រោយ​បង្ក​គ្រោះថ្នាក់​ចរាចរណ៍ និង​ភ្ជង់​គំរាម​ជនរងគ្រោះ​ហើយ ជនបង្ក​ខាងលើ​បាន​ជិះ​ម៉ូតូ​គេចខ្លួន​រហូតដល់​ចំណុច​ផ្លូវ ២១៧ (​ផ្លូវបំបែក​ការ៉េ​៨) ស្ថិតក្នុង​ខណ្ឌ ដង្កោ ទើប​សមត្ថកិច្ច​គោលដៅ​ចាប់​ឃាត់ខ្លួន​បាន​ទាំង ២​នាក់ ។​

ជនសង្ស័យ​មានឈ្មោះ ១. ជា ធា​រិ​ទ្ធ អាយុ ២៧​ឆ្នាំ អ្នកបើកបរ (​ប្រដាប់​ដោយ​កាំភ្លើងខ្លី ១​ដើម មាន​គ្រាប់​ចំនួន ១២​គ្រាប់ និង​អាយកូម ១​គ្រឿង ជាប់​នឹង​ខ្លួន​) ស្នាក់នៅ​ផ្ទះ​ជួ​ល​​ក្នុង​សង្កាត់​គីឡូម៉ែត្រ​លេខ​៦ ខណ្ឌ ឫស្សីកែវ ស្រុកកំណើត​នៅ​ភូមិ​មានជ័យ ឃុំ គោក​បន្ទាយ ស្រុក រលាប្អៀរ ខេត្ត កំពង់ឆ្នាំង ២. ព្រឹង វុទ្ធី អាយុ ៤៣​ឆ្នាំ អ្ន​ក​រួ​ម​ដំ​ណើរ​ មុ​ខ​រប​រ​កសិករ មាន​ទីលំនៅ​ភូមិ យូ​ស ឃុំ ឫស្សី​សាញ់ ស្រុក ស៊ីធរ​កណ្តាល ខេត្តព្រៃវែង ។ ចំណែក​ជនរងគ្រោះ ១. ឈ្មោះ ឡុង ចាន់នី អាយុ ២៩​ឆ្នាំ ជា​ប្តី រងរបួស​ស្រាល ២. ឈ្មោះ អៀង ចាន់នី អាយុ ២៧​ឆ្នាំ របួស​បាក់​ជើងឆ្វេង អ្នក​ទាំង​២ ស្នាក់នៅ​ភូមិ មហារាជ ឃុំ បឹង​ច្រាំង​ខាងត្បូង ស្រុក សំរោង ខេត្ត តាកែវ ។​


​ស្ត្រី​រងគ្រោះ​ត្រូវបាន​រថយន្ត​សាមុយ​ដឹក​យកទៅ​សង្គ្រោះ​នៅ​មន្ទីរពេទ្យបង្អែក​ស្រុក កណ្តាលស្ទឹង ចំណែក​ជនសង្ស័យ​ទាំង ២​នាក់ និង​ម៉ូតូ ត្រូវបាន​សមត្ថកិច្ច​នាំ​យកទៅ​អ​ធិ​ការ​ដ្ឋាន​ខណ្ឌដង្កោ ដើម្បី​ធ្វើការ​សាកសួរ​បន្ត និង​កសាង​សំណុំរឿង​ចាត់វិធានការ​តាមផ្លូវ​ច្បាប់ ៕

cb1

 

Leave a Reply

(*) Required, Your email will not be published