បើក​ម៉ូតូ​ជែង​ក្នុង​ទីប្រជុំជន​​ មិន​គោរព​ច្បាប់​ចរាចរណ៍​ បុក​គ្នា​រង​របួស​ទាំង​សង្ខាង​

, , Leave a comment

​ខេត្ដ​ព្រះ​សីហ​នុ​ ៖​ ក្មេង​ប្រុស​ស្រី​ ២​ នាក់​បាន​បើក​ម៉ូតូ​ជែង​គ្នា​នៅ​ក្នុង​ទីប្រជុំជន​ ខណៈ​សិស្សសាលា​តូចៗ​កំពុង​ចេញពី​រៀន​ បណ្ដាល​ឱ្យ​ប៉ះ​គ្នា​ដួល​ចូល​ក្រោម​រថយន្ដ​ ឡិច​ស៊ី​ស​ចត​ស្ងៀមបង្ក​ឱ្យ​ពួក​គេ​ទាំង​២​រង​ របួស​ ហើយ​រថយន្ដ​ក៏​រង​ការ​ខូចខាត​ ។​ ​ករណី​ក្មេង​ស្ទាវ​ប្រុស​ស្រី​បើក​ម៉ូតូ​ ជែង​ប្រណាំង​គ្នា​នេះ​បាន​កើតឡើង​នៅ​ វេលា​ម៉ោង​៥​និង​១៥​នាទី​ល្ងាច​ថ្ងៃ​ទី​១១​ ខែកក្កដា​ ឆ្នាំ​២០១៣​ នៅ​តាម​បណ្ដោយ​ ផ្លូវ​មុខ​សាលា​រៀប​បឋម​សិក្សា​ផ្សា​រលើ​ ស្ថិត​ក្នុងភូមិ​លេខ​២​ សង្កាត់​លេខ​៤​ ក្រុង​-​ ខេត្ដ​ព្រះ​សីហ​នុ​ ។​

 

 

​ប្រភព​នៅ​កន្លែង​កើត​ហេតុ​បាន​និយាយ​ថា​ មុន​ពេល​កើតហេតុ​ខណៈ​សិស្ស​តូចៗ​កំពុង​ ចេញពី​សាលារៀន​ក្មេង​ស្រី​និង​ក្មេង​ប្រុស​ ២​នាក់​បាន​បើក​ម៉ូតូ​ប្រដេញ​ក្នុង​ទិស​ដៅ​ ស្របគ្នា​ពី​លិច​សំដៅ​ទៅ​ផ្សា​រលើ​ ។​ លុះ​ បើក​មក​ដល់​ចំណុច​កើតហេតុ​ខាងលើ​ សង្ស័យ​ពួក​គេ​បើក​វ៉ា​គ្នា​ ក៏​បាន​ប៉ះ​ដៃ​ ចង្កូត​បណ្ដាល​ឱ្យ​ដួល​ចូល​ក្រោម​រថយន្ដ​ ឡិច​ស៊ី​សទាំង​២​គ្រឿង​តែ​ម្ដង​ ។​ ម៉ូតូ​បង្កហេតុ​ទី​១​ម៉ាក​ហុងដា​ C-125​ ស៊េរី​ឆ្នាំ​២០០៥​ ពាក់​ស្លាក​លេខ​ក្រុង​ ព្រះ​សីហ​នុ​ 1B-1291​ បើកបរ​ដោយ​យុវ​ ជន​ឈ្មោះ​សួរ​ សុខ​ហេង​ អាយុ​១៦​ឆ្នាំ​ រស់​ នៅ​ក្នុង​សង្កាត់​លេខ​២​ ក្រុង​-​ខេត្ដ​ព្រះ​ សីហ​នុ​ មានមុខរ​បរជា​ជាងសំណង់​រង​ របួសស្រាល​ ។​ រីឯ​ម៉ូតូ​មួយ​គ្រឿង​ទៀត​ ម៉ាក​ហុងដា​ C-125​ ស៊េរី​ឆ្នាំ​២០១០​ ពាក់​ស្លាក​លេខ​ព្រះ​សីហ​នុ​ 1C-7799​ បើកបរ​ដោយ​ក្មេង​ស្រី​ឈ្មោះ​ចាន់​ សុខ​ឡេ​ង​ អាយុ​១៨​ឆ្នាំ​ រស់នៅ​ក្រុម​ទី​៥​ ភូមិ​លេខ​១​ សង្កាត់​លេខ​២​ ក្រុង​-​ខេត្ដ​ព្រះ​សីហ​នុ​ រង​ របួសស្រាល​ដូច​គ្នា​ ។​

 

 

​នគរបាល​ក្រុង​បានឱ្យ​ដឹង​ទៀត​ថា​ ម៉ូតូ​ អ្នក​ទាំង​២​រង​ការ​ខូចខាត​ផ្នែក​ខាង​មុខ​ យ៉ាងដំណំ​ និង​បាន​កៀប​ជាប់​រថយន្ដ​ឡិច​ ស៊ី​ស​ស៊េរី​ RX300​ ពាក់​ស្លាក​លេខ​ភ្នំពេញ​  2D-6571​ ជា​កម្មសិទ្ធិ​របស់​ឈ្មោះ​ឈាង​ សុវណ្ណ​ ភេទ​ប្រុស​ អាយុ​៣៨​ឆ្នាំ​ រស់នៅ​ក្រុម​ទី​៦​ ភូមិ​លេខ​១​ សង្កាត់​លេខ​២​ ក្រុង​-​ ខេត្ដ​ព្រះ​សីហ​នុ​ ។​ រថយន្ដ​ឡិច​ស៊ី​ស​នេះ​ បាន​រង​ការ​ខូចខាត​ផ្នែក​គូទ​មួយ​ចំនួន​ ហើយ​ត្រូវ​បាន​ម្ចាស់​តម្រូវ​ឱ្យ​ក្មេង​ប្រុស​ និង​ក្មេង​ស្រី​ចេញថ្លៃ​ជួសជុល​ ។​ ​ជុំវិញ​ករណី​គ្រោះ​ចរាចរ​នេះ​ មន្ដ្រី​នគរ​ បាល​ចរាចរ​បាន​បញ្ជាក់​ថា​ បើ​តាម​ ច្បាប់​ចរាចរណ៍​ ទាំង​ម្ចាស់​រថយន្ដ​និង​ អ្នក​បើក​ម៉ូតូ​ទាំង​២​គ្រឿង​ អ្នក​ទាំង​៣​ មិន​មាន​នរណា​ម្នាក់​ត្រឹមត្រូវ​នោះ​ទេ​ គឺ​សុទ្ធតែ​ខុស​ទាំងអស់​ ដោយ​អ្នក​បើក​ ម៉ូតូ​បើក​លឿន​ហួសការ​កំណត់​នៅ​ទីប្រជុំ​ ជន​ ។​ រីឯ​ម្ចាស់​រថយន្ដ​បាន​ចត​រថយន្ដ​ រំលោភ​បំពាន​លើ​ផ្លូវខុស​ទៅ​នឹង​ច្បាប់​ចរាចរណ៍​ ៕

20130711_165142_resized

 

Leave a Reply

(*) Required, Your email will not be published