ថ្ងៃទី​ ០៧ ខែកក្កដា ឆ្នាំ​២០១៣ គឺជា​ទិវា​រំលឹក​ខួប​លើក​ទី​៥​ឆ្នាំ​ នៃ​ការចុះបញ្ជី​​ប្រា​សាទ​ព្រះ​វិហារ​​ ជា​សម្បត្តិ​បេតិកភណ្ឌ​ពិភពលោក​

, , Leave a comment

រាជធានី​ភ្នំពេញ​៖  លោក​ឧបនាយករដ្ឋមន្ត្រី​សុខ អាន រដ្ឋមន្ត្រី​ទទួលបន្ទុក​ទីស្តីការគណៈរដ្ឋមន្ត្រី ឯកឧត្តម ប៉ា សុជាតិ​វង្ស អភិបាល​រាជ​ធានី​ភ្នំពេញ ព្រម​ទាំង​​មន្ត្រី​អ្នក​មុខ​អ្នក​ការ រួម​និ​ង​ប្រជាពល​រដ្ឋ​ជាង​១ម៉ឺន​នាក់​​​ទៀត បាន​អញ្ជើញ​ជា​គណៈអធិបតី ​ក្នុង​ពិធី​អបអរសាទរខួប​លើក​ទី​​៥​ឆ្នាំ​ នៃ​ការចុះបញ្ជី​ប្រាសាទព្រះវិហារ​ ជា​សម្បត្តិ​បេតិកភណ្ឌ​ពិភពលោក កាលពី​វេលា​ម៉ោង​៤​រសៀល ថ្ងៃទី​០៧ ខែកក្កដា ឆ្នាំ​២០១៣ នៅក្នុង​បរិវេណ​ពហុ​កីឡដ្ឋាន​ជាតិ​អូឡាំពិក ដោយមាន​អ្នកចូលរួម​ជាង​១​ម៉ឺន​នាក់​។​

 

ព្រឹត្តិការណ៍​ខួប​លើក​ទី​៥​នៃ​ការសម្រេច​របស់​អង្គការ ​យូណេស្កូ ដាក់​ប្រាសាទព្រះវិហារ ទៅក្នុង​បញ្ជី​បេតិកភណ្ឌ​ពិភពលោក ជា​សម្បត្តិ​វប្បធម៌​មាន​តម្លៃ​​ជា​សាកល​នេះ គឺ​កើតឡើង​ក្រោយពេល​៥១​ឆ្នាំ​នៃ​ការសម្រេច​របស់​ចៅក្រម​អន្តរជាតិ​៩ រូប ក្នុងចំណោម​១២​រូប កាលពី​ថ្ងៃទី​១៥ ខែមិថុនា ឆ្នាំ​១៩​៦​២ នៅ​​សវនាការ​ទីក្រុង​ឡាអេ ប្រទេស​ហូ​ល្លង់ ឱ្យ​កម្ពុជា​ឈ្នះក្តី​លើ​ប្រ​ទេស​ថៃ ដែល​បាន​ចូល​លុក​លុយ​​ឈ្លានពាន​​ប្រាសាទព្រះវិហារ​នេះ

 

គួររំលឹកថា មុន​ឆ្នាំ​១៩៥៩ ប្រាសាទព្រះវិហារ​ត្រូវបាន​សៀម​ឈ្លានពាន​ចូលកាន់​កាប់​ធ្វើជា​សម្បត្តិ របស់ខ្លួន​បើកផ្លូវ​ដល់​ទេសចរ​ប្រមូល​លុយ​ធ្វើ​មាន​ធ្វើបាន ព្រមទាំង​លួច​វត្ថុ​បុរាណ​នៅ​ទីនោះ​យ៉ាងច្រើន​ទៀតផង ។ រហូតដល់​ថ្ងៃទី​៦ ខែតុលា ឆ្នាំ​១៩៥៩ រដ្ឋាភិបាល​កម្ពុជា​បាន​ប្តឹងទៅ​តុលាការ​យុត្តិធម៌​អន្តរជាតិ​ក្រុងឡាអេ ដោយ​ភ្ជាប់​ជាមួយ​ផែនទី​សន្លឹក​ដងរែក​ជា​ឧបសម្ព័ន្ធ​១ ដើម្បី​ស្នើ​សុំឱ្យ​សម្រេច​លើ​ជម្លោះ​អំពី​អធិបតេយ្យ​ដែនដី​ក្នុង​តំបន់ ប្រា​សាទ​ព្រះ​វិហារ ហើយ​យោងតាម​សាលដីកា​ថ្ងៃទី​២៦ ខែឧសភា ឆ្នាំ​១៩៦១ តុលាការ​យុត្តិធម៌​អន្តរជាតិ​រកឃើញថា ខ្លួន​មាន​យុត្តាធិការ ដើម្បី​វិនិច្ឆ័យ​លើ​ជម្លោះ​នោះ ។

 

​នៅ​ថ្ងៃទី​១៥ ខែមិថុនា ឆ្នាំ​១៩៦២ ចៅក្រម​អន្តរជាតិ​បានសម្រេច​ប្រគល់​ប្រាសាទព្រះវិហារ​មក​ឲ្យ​ប្រទេស​កម្ពុជា ក្រោម​ការសម្រេច​ឱ្យ​ឈ្នះ​លើក​ទី​១ មាន​ចៅក្រម​អន្តរជាតិ​៩​សំឡេង ទល់នឹង​៣​សំឡេង គឺ​កំណត់ឱ្យ​ប្រាសាទព្រះវិហារ ស្ថិតក្នុង​ទឹកដី​កម្ពុជា និង​ស្ថិតក្នុង​អធិបតេយ្យភាព​កម្ពុជា។ សម្រេច​​ឱ្យ​ឈ្នះ​លើក​ទី​២ មាន​ចៅក្រម​អន្តរជាតិ​៩​សំឡេង​ទល់នឹង​៣​សំឡេង គឺកំណត់​ឱ្យ​ថៃ​មាន​កាតព្វកិច្ច​(​ត្រូវតែ​ធ្វើ​) ដក​ទង់ជាតិ​, ដក​កងទ័ព​, នគរ​បាល​, ឆ្មាំ​ការពារ​, អ្នក​បោសសំអាត​, អ្នកគ្រប់គ្រង មើលថែ ដែល​ស្ថិតក្រោម​រដ្ឋាភិបាល​ថៃ​ចេញពី​តំបន់​ជុំវិញ និង​ចេញពី​ប្រាសាទព្រះវិហារ ។ សម្រេច​ឱ្យ​ឈ្នះ​លើក​ទី​៣ មាន​ចៅក្រម​អន្តរជាតិ​៧​សំឡេង​ទល់នឹង​៥​សំឡេង គឺកំណត់​ឱ្យ​ប្រទេស​ថៃ ត្រូវតែ​ប្រគល់​មកឱ្យ​កម្ពុជា​វិញ នូវ​វត្ថុ​បុរាណ វត្ថុ​មានតម្លៃ​គ្រប់​យ៉ាង​​ដែល​ថៃ​បាន​យក​ចេញពី​ប្រាសាទព្រះវិហារ ៕

S-436

S-437

S-438

S-440

S-442

S-445

S-446

 

Leave a Reply

(*) Required, Your email will not be published