បើក​ម៉ូតូ​វ៉ា​រថយន្ត ហើយ​ជ្រុល​ទៅបុក​ម៉ូតូ​មួយគ្រឿង​ទៀត បណ្តាល​ឲ្យ​របួសធ្ងន់​ទាំងសងខាង​

, , Leave a comment

​រាជធានី​ភ្នំពេញ​៖ បុរស​២​នាក់​រងរបួស​ធ្ងន់ ដោយសារ​បើក​ម៉ូតូ​ជែង​គ្នា ហើយ​ជ្រុស​ទៅបុក​ម៉ូតូ​មួយគ្រឿង​ទៀត ដែល​ជិះ​ច្រាស​គ្នា កាលពី​ម៉ោង​២១​និង​៥០​នាទី​យប់ ថ្ងៃទី​១៧ ខែមិថុនា ឆ្នាំ​២០១៣ នៅលើ​កំណាត់​ផ្លូវ​លេខ​២៧១ មុខ​វិទ្យាល័យ​សាមគ្គី ស្ថិតក្នុង​សង្កាត់​បឹង​ស្រឡាង ខណ្ឌទួលគោក​។​
 
​ព័ត៌មាន​ពីសា​ក្សី​ដែល​ឃើញ​ហេតុការណ៍​បាន​ឲ្យ​ដឹងថា មុនពេល​កើតហេតុ​គេ​ឃើញ​ម៉ូតូ​សង់ ពណ៌​ខ្មៅ ពាក់​ស្លាក​លេខ ភ្នំពេញ​1BW-3659 បើក​ដោយ​បុសរ​ម្នាក់ វ័យ​ប្រហែល​២០​ឆ្នាំ បាន​បើក​វ៉ា​រថយន្ត​លុច​ស្សីស​RX300​យ៉ាង​លឿន ហើយ​ជ្រុល​ចង្កូត​ទៅបុក​នឹង​ម៉ូតូ វ៉េវ​អេស ពណ៌​ក្រហម ពាក់​ស្លាក​លេខ ប​.​មានជ័យ​1C-1516 ជិះ​ដោយ​បុរស​ម្នាក់​វ័យ​ប្រហែល​៣០​ឆ្នាំ ដែល​បើក​ក្នុងទិសដៅ​ច្រាស​គ្នា បណ្តាល​ឲ្យ​រងរបួស​ធ្ងន់​ទាំងសងខាង​។​
 
​ក្រោយពេល​កើតហេតុ សមត្ថកិច្ច​បាន​បញ្ជូន​ជនរងគ្រោះ​ទៅ​ព្យាបាល​នៅ​មន្ទីរពេទ្យ ។ ចំណែក​ម៉ូតូ​ទាំង​២​គ្រឿង ត្រូវបាន​យកទៅ​រក្សាទុក​នៅ​អធិការដ្ឋាន​ខណ្ឌទួលគោក ដើម្បី​ធ្វើការ​ដោះស្រាយ៕

19-5

 

 

Leave a Reply

(*) Required, Your email will not be published