តែ​កុង​ឡាន​ទំនើង​របស់​ក្រុមហ៊ុន រិ​ទ្ធ​មុនី បាន​វាយ​អ្នករត់​រ៉ឺម៉ក​កង់​បី​បែកក្បាល​ព្រោះតែ​ទំនាស់​ពាក្យសំដី​បន្តិចបន្តួច​

, , Leave a comment

រាជធានី​ភ្នំពេញ ៖ បុរស​ជា​អ្នករត់​រ៉ឺម៉ក​កង់​បី​ម្នាក់ បាន​រងរបួស​ក្បាល​ធ្ងន់ធ្ងរ​ហូរឈាម​ស្រោច​ឈាម​ពេញ​ខ្លួនប្រាណ ដោយសារតែ​ត្រូវ​បុរស​ម្នាក់​ដែលជា​អ្នកបើកបរ​រថយន្តរ​បស់​ក្រុមហ៊ុន ដឹកជញ្ជូន រិ​ទ្ធ​មុនី វាយ​យ៉ាង​ចាស់​ដៃ​ដោយសារតែ ​រឿង​ទំនាស់​ពាក្យ​សំដី​បន្តិច​បន្តួច​។ ហេតុ​កា​រ​ណ៍​​នេះ​បាន​កើតឡើង​កាលពី​ម៉ោង ៥​និង​២០​នាទី​រសៀល​ថ្ងៃទី​១៣ ខែមិថុនា ឆ្នាំ​២០១៣ នៅ​ចំណត​រថយន្តក្រុង របស់​ក្រុមហ៊ុន រិ​ទ្ធ​​មុនី នៅ​ខាងក្រោយ​សាលាខណ្ឌ​ដូនពេញ ក្នុង​សង្កាត់​វត្តភ្នំ ខណ្ឌដូនពេញ​។​

 

បើ​តាម​ប្រភពព័ត៌មាន​ពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ គេ​បានឃើញ​បុរស​ជា​អ្នក​រត់​ម៉ូតូ​កង់​បី បាន​ឌុប​ភ្ញៀវ​ម្នាក់ មក​កាន់​​ចំណតរថយន្ត​ក្រុង​រប​ស់​ក្រុមហ៊ុន រិ​ទ្ធ​មុនី នៅ​ខាងក្រោយ​សាលាខណ្ឌ​ដូនពេញ ហើយ​ពេលធ្វើ​ដំណើរ​មកដល់ អ្នក​រត់​​ម៉ូតូ​កង់​បី រូបនេះ​បាន​ទារលុយ​ពី​អ្នកភ្ញៀវ​​ចំនួន​៤​ម៉ឺន​រៀល​។ នៅពេលនោះ​ជនបង្ក​នោះបាន​សួរថា ហេតុអ្វី​ថ្លៃ​​អ្វី​ម្ល៉េះ​?​ពេលនោះ​ក៏មាន​កា​រត​ពាក្យ​ត​សំដី បង្ក​ឲ្យ​មានទំនាស់​បន្តិចបន្តួច ធ្វើ​ឲ្យ​ជនបង្ក​ខឹង បាន​ស្ទុះ​ទៅ​វាយ​បណ្តាល​ឲ្យ​បែកក្បាល ហូរឈាម​ជោក​ខ្លួនប្រាណ ។​

 

បន្ទាប់ពី​កើតហេតុ​ជនរងគ្រោះ​ត្រូវបាន​គេ​ដឹក​យកទៅ​សង្គ្រោះបន្ទាន់​នៅ​ មន្ទីរពេទ្យ​ព្រះ​កេតុមាលា ចំណែក​ជនបង្ក​បន្ទាប់​ពី​កើត​ហេតុ​បាន​រត់គេចខ្លួន​បាត់ស្រមោល​៕​

 

Leave a Reply

(*) Required, Your email will not be published