​ស្រវឹង​ជោក បើករថយន្ត​បួង​ចង្កូត​ទៅបុក​រទេះ​លក់​ពោត​ស្ងោរ ប៉ើង​ផ្ទប់​នឹង​រថយន្ត​ហ្វ​រ៉េ​ន័​រ​

, , Leave a comment

​រាជធានី​ភ្នំពេញ ​៖ រថយន្ត​កាមរី​បា​ឡែ​ន​មួយគ្រឿង​ជិះ​គ្នា​២​នាក់ បួង​ចង្កូត​ទៅបុក​រទេះ​ពោត​ស្ងោរ ប៉ើង​ទៅបុក​រថយន្ត​ហ្វ​រ៉េ​ន័​រ​មួយគ្រឿង​ទៀត ដែល​ចត​ចោល​នៅមុខ​ផ្ទះ​។ ហេតុការណ៍​នេះកើតឡើង​កាលពី​ម៉ោង​២១​យប់ ថ្ងៃទី​៥ ខែមិថុនា ឆ្នាំ​២០១៣ ត្រង់ចំណុច​ផ្លូវ​លេខ​១៩​ប្រសព្វ​និង​មហាវិថី​ព្រះ​សុរាម្រិត ស្ថិតក្នុង​សង្កាត់​ចតុមុខ ខណ្ឌដូនពេញ​។​

 

​ប្រភពព័ត៌មាន​ពី​សមត្ថកិច្ច​បាន​ឲ្យ​ដឹងថា មុនពេល​កើតហេតុ​គេ​បានឃើញ​រថយន្ត​កាមរី​បា​ឡែ​ន​មួយគ្រឿង ពណ៌​ស ពាក់​ស្លាក​លេខ ភ្នំពេញ 2S-1013  បើកបរ​ដោយ​បុរស​ម្នាក់ និង​ម្នាក់ទៀត​រួម​ដំណើរ​ជាមួយ តាម​បណ្តោយ​មហាវិថី​ព្រះ​សុរាម្រិត ក្នុងទិសដៅ​ពី​កើ​តទៅ​ឡិច លុះ​ទៅដល់​ចំណុចកើតហេតុ ជនបង្ក​បាន​បួង​ចង្កូតរថយន្ត​បត់​ត្រឡប់ក្រោយ ក៏​បុក​រទេះ​ពោត​ស្ងោរ​បណ្តាល​ឲ្យ​ប៉ើង​ទៅបុក​ផ្ទប់​នឹង​រថយន្ត​ហ្វ​រ៉េ​ន័​រ ពណ៌​ស ពាក់​ស្លាក​លេខ ភ្នំពេញ 2F-8665​ដែ​ចត​ចោល​នៅមុខ​ផ្ទះ​។​

 

​ក្រោយពេល​កើតហេតុ ជនបង្ក​ស្រវឹង​ជោក​ចុះមក​និយាយ​ច្រងេងច្រងាង មិន​ព្រម​សង​សំណង​ទៅ​ជនរងគ្រោះ​ដែល​ខូចខាត​រទេះ​ពោត​ស្ងោរ​ទាំងស្រុង និង​រថយន្ត​ហ្វ​រេ​ន័​រ​នោះទេ ទើប​សមត្ថកិច្ច​នាំ​ភាគី​ទាំង​៣​ទៅ​ដោះស្រាយ​នៅ​ប៉ុស្តិ៍​រដ្ឋបាល​ចតុមុខ​តែម្តង ចំណែក​រថយន្ត​ទាំង​២​គ្រឿង​យកទៅ​រក្សាទុក​នៅ​ការិយាល័យ​នគរបាល​ចរ​រា​ចរណ៍​ផ្លូវគោក ដើម្បី​ដោះស្រាយ​៕​

k k1

 

Leave a Reply

(*) Required, Your email will not be published