យុ​វ​ជន​ពីរ​នាក់​រង​របួស​ធ្ងន់ធ្ងរ​ខ​ណៈ​ជិះ​ម៉ូ​តូ​ត្រូវ​រថ​យន្ត​មិន​ស្គាល់​ម៉ា​ក​បើក​បុក​

, , Leave a comment

រាជធានីភ្នំពេញ​ ​៖ គ្រោះ​ថ្នាក់​ចរាចរណ៍​មួយ​បង្ក​ដោយ​ ​រថ​យន្ត​មិន​ស្គាល់​ម៉ា​ក​មួយ​គ្រឿង​បើក​បរ​ក្នុង​ល្បឿន​យ៉ាង​លឿន​ ​បាន​ជ្រុល​ទៅ​បុក​ម៉ូ​តូ​ហុង​ដា​ ​សេ​១២៥ មួយ​គ្រឿង​ ​ដែល​ជិះ​ឌុ​ប​គ្នាបី​នាក់​ ​ប​ណ្តា​ល​ឲ្យ​យុ​វ​ជន​ ​ពីរ​នាក់​រង​របួស​ធ្ងន់​ ​នឹង​ ​ម្នាក់​រង​របួស​ស្រាល​ ​កាល​ពី​វេលា​ម៉ោង​១២និង​៤០នាទី​រំលង​អធ្រាត្រ​ឈាន​ចូល​ថ្ងៃ​ទី​៤ ខែ​មិ​ថុ​នា​ ​ឆ្នាំ​២០១៣ នៅ​តាម​បណ្តោយ​ផ្លូវ​ព្រះ​មុនី​វង្ស​ ​ ​ក្នុង​សង្កាត់​បឹង​កេងកង​ទី​៣ ខណ្ឌ​ចំ​ការ​មន​ ​។

 

ប្រភព​ពី​នគរបាល​ចរាចរណ៍​បាន​ឲ្យ​ដឹង​ថា​ ​មុន​ពេល​កើត​ហេតុ​យុ​វ​ជន​បី​នាក់​ ​បាន​ជិះ​ម៉ូ​តូ​មួយ​គ្រឿង​ម៉ា​ក​ហុង​ដា​ ​សេ​១២៥ ស៊េ​រី​ឆ្នាំ​២០១២ ពណ៌​ខ្មៅ​ ​ពាក់​ស្លាក​លេខ​ ​ភ្នំពេញ​ ​1BN-8765 ហើយ​ត្រូវ​រថ​យន្ត​មិន​ស្គាល់​ម៉ា​ក​មួយ​គ្រឿង​បើក​បុក​ពី​ក្រោយ​យ៉ាង​ពេញ​ទំហឹង​ ​ប​ណ្តា​ល​ឲ្យ​ម៉ូ​តូ​ដួល​បោក​ចិញ្ចើម​ផ្លូវ​ ​ប​ណ្តា​ល​ឲ្យ​រង​ការ​ខូច​ខាត​យ៉ាង​ដំណំ​ ​យុ​វ​ជន​ពីរ​នាក់​ដែល​ជិះ​ពី​ក្រោយ​រង​របួស​ធ្ងន់​ ​នឹង​ ​ម្នាក់​រង​របួស​ស្រា​ល​។​ ​រី​ឯ​រថ​យន្ត​បង្ក​បាន​បើក​គេច​ខ្លួន​បាត់​ស្រ​មោ​ល​។​

 

ក្រោយ​កើត​ហេតុ​ជន​រង​គ្រោះ​ត្រូវ​បាន​រថ​យន្ត​ស​ង្គ្រោះ​ដឹក​ទៅ​កាន់​មន្ទីរ​ពេទ្យ​ភ្លា​មៗ​ ​ចំណែក​ម៉ូ​តូ​ត្រូវ​បាន​សមត្ថ​កិច្ច​អូស​យក​ទៅ​រក្សា​ទុក​នៅ​ទី​ស្នា​ក់​ការ​នគរបាល​ប៉ុស្តិ៍​បឹង​កេងកង​ទី​៣ ប​ណ្តោះ​អាសន្ន​ ​ដើម្បី​រង់​ចាំ​ក្រុម​គ្រួសារ​ឲ្យ​មក​ទទួល​យក​ទៅ​វិញ​ ​៕

01

 

Leave a Reply

(*) Required, Your email will not be published