Adrian Mutu ចង់យក​ទារក​ជាប់​ក្នុង​លូ​បង្គន់​នៅ​ចិន​ទៅ​ចិញ្ចឹម

, , Leave a comment

​ព័ត៌មាន​ស្ដីពី​ទារក​ត្រូវបាន​ម្ដាយ​យក​ទម្លាក់ចោល​ក្នុង​លូ​បង្គន់ បាន​រីក​សុះសាយ​ពេញ​ពិភពលោក ក្នុងនោះ​ក៏បាន​រង្គោះរង្គើ​ដល់​កីឡាករ Adrian Mutu ផងដែរ​។ អតីត​ខ្សែប្រយុទ្ធ​ក្រុម​តោ​ខៀវ Chelsea រូបនេះ បានបញ្ជាក់​ថា​នឹង​យក​ទារក​ដែល​ត្រូវបាន​គេ​ជួយសង្គ្រោះ​ពី​លូ​បង្គន់​នេះ ទៅធ្វើជា​កូនចិញ្ចឹម។​​ទារ ក ដែល​មិនទាន់​មានឈ្មោះ​នោះ ត្រូវបាន​គេ​រកឃើញថា​បាន​ជាប់គាំង​នៅក្នុង​បំពង់​លូ​បង្គន់​នៅក្រោម បន្ទប់ទឹក​រួមមួយ​ក្នុង​អគារ​ស្នាក់នៅ​មួយកន្លែង​នៅ​ខេត្ត Jinhua ប្រទេស​ចិន កាលពី​ពុធ​កន្លងទៅ​។ បណ្ដាញ​ផ្សព្វផ្សាយ​រដ្ឋ​ក្នុងប្រទេស​ចិន បាន​បញ្ជាក់ថា ទារក​នេះ​មាន​បញ្ហា​បេះដូង​ពេល​ជួយសង្គ្រោះ​ដំបូង ប៉ុន្តែ​ពេលនេះ​ស្ថិតក្នុង​ស្ថានភាព​ល្អប្រសើ​រវិ​ញ​ហើយ​។​


​ក្រោយ កើតហេតុ​នោះ​ម្ដាយ​របស់​ទារក​រងគ្រោះ​បានចេញ​មុខមក​បញ្ជាក់​ថា​ខ្លួន ធ្វើ​ដាច់ចិត្ត​ធ្វើបែបនេះ​ដោយសារ​ជ្រុលជ្រួស​មាន​ផ្ទៃពោះ​ដោយ ចៃដន្យ​ជាមួយ​បុរស​ម្នាក់ ហើយ​នាង​មិនមាន​លទ្ធភាព​ចិញ្ចឹម​កូន​នោះ​។​ Mutu បាន​ប្រាប់​ស្ថានីយទូរទស្សន៍​របស់​រ៉ូ​ម៉ា​នីថា​៖ “​ខ្ញុំ​ចង់​ចិញ្ចឹម​ទារក​នោះ​។ ខ្ញុំ​មិនអាច​ធ្វើ​អ្វី​បានទេ សូម្បីតែ​ញ៉ាំ​អាហារ​ពេលព្រឹក ក្រោយ​ឃើញ​ព័ត៌មាន​ទារក​នោះ​តាម​ទូរទស្សន៍​។ នៅពេល​ខ្ញុំ​ឃើញ ខ្ញុំ​បាន​និយាយប្រាប់​ខ្លួនឯង​ថា​ត្រូវយក​ទារក​នោះមក​ចិញ្ចឹម ព្រោះ​គាត់​ជា​កូន​ដែល​ត្រូវបាន​ព្រះ​បញ្ជូនមក​”​។​


​កីឡាករ កូន​បី វ័យ​៣៤​ឆ្នាំ​ដែល​កំពុង​លេង​ឲ្យ​ក្លិប AC Ajaccio ក្នុងប្រទេស​បារាំង​រូបនេះ បាន​បន្ថែមទៀតថា​៖ “​ខ្ញុំ​បាន​ប្រាប់​ប្រពន្ធ​ខ្ញុំ​ថា​នឹង​ជួយ​គាត់ (​ទារក​) យើង​នឹងធ្វើ​អ្វី​តាម​ដែល​អាចធ្វើ​ទៅបាន​។ ខ្ញុំ​មិនដែល​គិតថា​ខ្ញុំ​នឹង​យក​កូនចិញ្ចឹម​នោះទេ ហើយក៏​គ្មាន​ផែនការ​ចិញ្ចឹម​នោះដែរ ប៉ុន្តែ​ខ្ញុំ​ទើបតែ​ដឹងថា​ខ្ញុំ​ត្រូវ​ជួយ​ទារក​នោះ​”​។​ Mutu បាន​ចូល​លេង​នៅ Chelsea កាលពី​ឆ្នាំ​២០០៣ ក្រោយ​ផ្ទេរ​ពី Parma ក្នុងតម្លៃ ១៥,៨​លាន​ផោន​។ លេង​នៅ Stamford Bridge បានតែ​មួយឆ្នាំ​ក៏ត្រូវ​តោ​ខៀវ​បញ្ចប់​កិច្ចសន្យា​ដោយសារ​បញ្ហា សារជាតិ​ញៀន​៕

chinese-baby

 

Leave a Reply

(*) Required, Your email will not be published