នារី​ម្នាក់ត្រូវ​បាន​ក្រុម​ចោរ​ប្រ​ដាប់​អាវុធ​បាញ់មួយគ្រាប់​ប្លន់​យក​ម៉ូតូ​ស្កូបពីទៅ​បាត់​ដោយ​សុវត្ថិភាព​

, , Leave a comment

រាជ​​ធានី​ភ្នំពេញ ៖ មាន​​ហេតុ​​ការណ៍​​ប្លន់​​ប្រ​​ដាប់​​អាវុធ​​មួយ​បា​ន​​កើត​​ឡើង កាលពី​វេ​លា​​ម៉ោង ១និង​៥០​នាទី​រំល​ង​​អធ្រាត្រ​​ ឈាន​​ចូល​​​ថ្ងៃ​ទី​​៣១ ខែ​​ឧស​ភា ឆ្នាំ​២០១៣ នៅ​​ត្រង់​​ចំ​ណុច​​ផ្លូវ​​លេខ​​៩៣ក្នុ​ងសង្កាត់​ទួល​​សង្កែ ខណ្ឌ​ឫស្សី​កែវ​ ដែល​​ក្នុង​​ ហេតុ​​ការណ៍​​នោះ​​​បាន​​បណ្តាល​​ឲ្យ​​នារី​​ម្នាក់​ដែល​ជា​​ម្ចាស់​​ម៉ូ​តូ ​​ត្រូវ​បាន​រង​​របួស​​​ធ្ងន់​​ធ្ងរ​ ដោយ​សារ​តែ​ត្រូវ​ក្រុម​ចោរ​បាញ់ត្រូវ​មួយ​គ្រាប់។

 

បើ​តាម​ការ​បញ្ជាក់​ពី​សមត្ថ​កិច្ច​បាន​ឲ្យ​ដឹង​ថា មុនពេល​កើតហេតុ គេ​បាន​ឃើញ​នារី​រងគ្រោះ​បាន​ជិះ​ម៉ូតូ​ម៉ាក ស្កូ​ប​ពី​ ពណ៌​ផ្កាឈូក ធ្វើដំណើរ​ជាមួយ​មិត្តភក្តិ​ដែល​ជានា​រី​ភេទ​ដូចគ្នា ត្រឡប់​មកពី​ដើរលេង​ក្នុង​បំណង​ទៅ​​លំនៅឋាន លុះ​មក​ដល់​ចំ​ណុ​ច​កើតហេតុ​ខាងលើ ក៏ត្រូវ​ក្រុមចោរប្លន់ ពីរ​​នាក់​ជិះ​ម៉ូ តូ​មួយគ្រឿង មិន​ចាំ​ភិនភាគ បានធ្វើ​សកម្មភាព​គៀរ​ម៉ូតូ​នារី​រងគ្រោះ​ឲ្យ​ឈប់ រួច​បាញ់ប្រហារ​មួយគ្រា​ប់​ចំ​នារី​ម្នាក់ ជា​អ្នកបើក​ម៉ូតូ បណ្តាល​ឲ្យ​រងរបួស​ធ្ងន់ ហើយ​​ចោរប្លន់​បាន​ដណ្តើមយក​សោរ​ម៉ូតូ​ជិះ​គេចខ្លួនបាត់ ដោយ​សុវត្ថិភាព។

 

បច្ចុប្បន្ន​គេ​នៅ​មិនទាន់​បាន​ស្គាល់អត្ត​សញ្ញាណ​របស់​ស្ត្រី​រ​ងគ្រោះ​នៅ​ ឡើយ​ទេ ព្រោះ​ក្រោយ​ពេល​កើត​​ហេតុ​ភ្លាមៗ​នារី​រងគ្រោះ​ត្រូវ​បាន​បញ្ជូន​ទៅ​ សង្គ្រោះ​បន្ទាន់​នៅ​មន្ទីរ​ពេទ្យ​កាល់ម៉ែត។ គួរ​រំលឹក​ផង​ដែរ មួយ​រយៈពេល​ចុង​ក្រោយ​នេះ ករណី​​ប្លន់​ប្រ​ដាប់អាវុធ​កំពុង​តែ​មាន​ប្រិយ​ភាព​យ៉ាង​ខ្លាំង ដែល​ធ្វើ​ឲ្យ​ប្រជា​ពលរដ្ឋ​ជាច្រើន​មាន​ការ​ភ័យ​ខ្លាច​រអា​ចំពោះ​សុវត្ថិ​ ភាពផ្ទាល់ខ្លួន។ ប្រ​ជា​ពលរដ្ឋជា​ច្រើន​ បាន​កំពុង​តែ​រង់​ចាំ​មើល​ថា តើ​លោក​ស្នងការ​ ជួន សុវណ្ណ នឹ​ង​មានវិធី​សាស្រ្ត​យ៉ាង​ណា ដើម្បី​បង្ការ​បង្ក្រាប​និង​ទប់​ស្កាត់​អំពើ​ប្លន់​ប្រដាប់​អាវុធ​ក្នុង​រាជ ​ធានីភ្នំពេញនេះ៕

w

ប្រភព វត្តភ្នំ

 

Leave a Reply

(*) Required, Your email will not be published