ឡើង​ជួសជុល​ម៉ាស៊ីនត្រជាក់ ចៃដន្យ​ត្រូវ​បាក់​រន្ទា​ធ្លាក់ រងរបួស​ធ្ងន់​៥​នាក់​

, , Leave a comment

​រាជធានី​ភ្នំពេញ ៖ កម្មករសំណង់​និង​ម៉ាស៊ីនត្រជាក់​៥​នាក់​បាន​រងរបួស​ធ្ងន់​ធ្ង​រ​ត្រូវ បាន​គេ​ដឹក​ទៅកាន់​មន្ទីរពេទ្យ​ដើម្បី​សង្គ្រោះ​ភ្លាមៗ​ខណៈដែល​កម្ម ករទាំង​៥​នាក់​នេះ អង្គុយ​លើ​រន្ទា​ដើម្បីជួសជុល​ម៉ាស៊ីនត្រជាក់ ប៉ុន្ដែ​ចៃដន្យ​ត្រូវ​បាក់​រន្ទា​ធ្លាក់​ដល់​ដី​ក្នុង​កម្ពស់​ជាង ៥​ម៉ែត្រ ។


​ហេតុការណ៍​ខាងលើ នេះ​បាន​កើតឡើង នៅ​ម៉ោង​៣​និង​២០​នាទី​រសៀល​ថ្ងៃទី​១៩ ខែឧសភា ឆ្នាំ​២០១៣​នៅ​ការដ្ឋាន​សំណង់ របស់​ក្រុមហ៊ុន​សូ​ទូ​ស្សលក់​រថយន្ដ​ម៉ា​ស្ដារ ឋិត​នៅតាម​បណ្ដោយ​ផ្លូវ​សហព័ន្ធរុស្ស៊ី ភូមិ​ប៉ប្រក​ខាងជើង សង្កាត់​កា​កាប ខណ្ឌ​ពោធិ៍​សែន​ជ័យ ។​


​មន្ដ្រីនគរបាល ខណ្ឌ​ពោធិ៍​សែន​ជ័យ​បាន ឱ្យដឹងថា កម្មករ​ទាំង​៥​នាក់​ដែល​រងរបួស  ដោយ​បាក់​រន្ទា​ធ្លាក់​ដល់​ដី​មានឈ្មោះ​១- ថឹ​ម ធឿន ភេទ​ប្រុស អាយុ​៣២​ឆ្នាំ មុខ របរ​កម្មករសំណង់ ស្នាក់​នៅក្នុង​ការដ្ឋាន ខាងលើ​,២-​រុណ ពិសិដ្ឋ ភេទ​ប្រុស អាយុ ២៤​ឆ្នាំ ស្នាក់នៅ​ភូម​ត្រញំង​ល្វា សង្កាត់ កា​កាប ខណ្ឌ​ពោធិ៍​សែន​ជ័យ​,៣-​កឹម សេន ភេទ​ប្រុស អាយុ​៣២​ឆ្នាំ មុខរបរ​កម្មករសំណង់ ស្នាក់នៅ​ការដ្ឋាន​ខាងលើ​,៤-  ផល្លី ភេទ​ប្រុស អាយុ​២៦​ឆ្នាំ មុខរបរ ជាង​ម៉ាស៊ីនត្រជាក់ ស្នាក់នៅ​ភូមិ​-​សង្កាត់​ទឹកថ្លា ខណ្ឌ​សែន​សុខ និង​៥​ឈ្មោះ ប៊ុន​ថោ​ន ភេទ​ប្រុស អាយុ​២៦​ឆ្នាំ មុខ របរ​ជាង​ម៉ាស៊ីនត្រជាក់ មាន​ទីលំនៅ ភូមិ​-​សង្កាត់​ទឹក​ថា ខណ្ឌ​សែន​សុខ ។ បន្ទាប់ពី​រងរបួស​ធ្ងន់​ធ្ង​រកម្ម​ករទាំង​៥​នាក់ នេះ​ត្រូវបាន​គេ​ដឹក​យកទៅ​សង្គ្រោះ​នៅ មន្ទីរពេទ្យ​ព្រះកុសុមៈ​និង​មន្ទីរពេទ្យ កាល់ម៉ែត ។​


​មន្ដ្រីនគរបាល ដដែល​បានឱ្យដឹង​ទៀតថា យោងតាម​សេចក្ដីរាយការណ៍​ពី​កម្ម ករ​ធ្វើ​សំណង់​នៅ​ការដ្ឋាន​ខាងលើ​បានឱ្យ ដឹងថា នៅ​មុនពេល​កើតហេតុ​កម្មករ ទាំង​៥​នាក់​ខាងលើនេះ​បានធ្វើ​សំណង់​ផង និង​ធ្វើ​ប្រព័ន្ធ​ខ្សែ​ម៉ាស៊ីនត្រជាក់​ផង​ហើយ នៅពេល​រំកិល​រន្ទា​ចុះឡើងៗ ធ្វើឱ្យ​រន្ទា នោះ​បាក់​ស្រ៊ុប​ធ្លាក់​កម្មករ​នោះមក​ដី បណ្ដាលឱ្យ​រងរបួស​ធ្ងន់​ធ្ង​រ​តែម្ដង ។


​បច្ចុប្បន្ន​កម្មករទាំង​៥​នាក់​កំពុង​ត្រូវ បាន​សង្គ្រោះ​នៅក្នុង​មន្ទីរពេទ្យ​ព្រះកុសុមៈ និង​មន្ទីរពេទ្យ​កាល់ម៉ែត ដែល​មកដល់ ពេលនេះ​គ្រូពេទ្យ​បាន​ប្រាប់ថា​ពួកគេ​បាន រួច​ផុតពី​ការស្លាប់​ហើយ​គ្រាន់តែ​រង   របួស​បាក់ដៃ​បាក់ជើង​គ្រេច​ចង្កេះ​ខ្លះៗ  តែប៉ុណ្ណោះ ៕

15-21

 

Leave a Reply

(*) Required, Your email will not be published