ថៅកែ​រកស៊ី​ឈើ​ប្រណីត​ដ៏​ល្បីឈ្មោះ​ម្នាក់​​ចាញ់ល្បែង បញ្ជល់មាន់​នៅកាស៊ី​ណូ GMG ត្រូវគេ​បិទទ្វារ មិនឱ្យ​ចេញ​

, , Leave a comment

​ខេត្តកំពង់ចាម  ៖ ថៅកែ​រកស៊ី​ឈើ​ប្រណីត​ម្នាក់​ដ៏​ល្បីឈ្មោះ​នៅ​ខេត្ដ​កំពង់ចាម​លោក លី ឈុន​អ៊ូ ដែល​ត្រូវបាន​គេ​ដឹងថា បាន​ចាញ់ល្បែង​បញ្ជល់មាន់​ដោយ​ភាគី​ម្ខាង​ទៀត បិទទ្វារ​មិនឱ្យ​ចេញពី​កាស៊ីណូGMG ស្ថិតនៅ​ច្រក​ត្រពាំង​ថ្លុ​ង ដែល​ក្នុងស្រុក​ពញាក្រែក ខេត្ដ​កំពង់ចាម ដោយសារតែ លេងល្បែង​ជល់​មាន់​ចាញ់​លុយ​ខ្ទង់​ម៉ឺន​ដុល្លារ រួចហើយ​អត់​មាន​លុយ​ឱ្យ​ភាគី​ម្ខាង​ទៀត ។ ប៉ុន្ដែ​ករណី​អត់​មាន​លុយ​ឱ្យគេ ត្រូវគេ​បិទទ្វារ​មិន​ឱ្យចេញ​ខាងលើនេះ ត្រូវបាន​លោក លី ឈុន​អ៊ូ ទូរស័ព្ទ​ចូល​វិទ្យុ​ក្នុងស្រុក​មួយ​ដោយ​ភូត​កុហកថា ជា​ករណី​ចាប់​ជម្រិត​ទៅវិញ ធ្វើឱ្យ​ភ្ញាក់ផ្អើល​ដល់​សមត្ថកិច្ច​គ្រ​ប់​ជាន់ថ្នាក់ នៅ​ខេត្ដ​កំពង់ចាម​ចុះទៅ​ជួយ​អន្ដរាគមន៍ ប៉ុន្ដែ​ធាតុពិត​ជាការ​លេងល្បែង​បញ្ជល់មាន់​ចាញ់​លុយ​អស់ពី​ខ្លួន​ហើយ​អត់​មាន​លុយ​ឱ្យគេ​។​

 

​មេបញ្ជាការ​អាវុធហត្ថ​ស្រុក​ពញាក្រែក លោក មៀ​ច មិនបាន​ឱ្យដឹងថា ករណី​ខាងលើនេះ​មិនមែនជា​ករណី​ចាប់​ជម្រិត​ឡើយ ពោល​ជាការ​លេង​ចាញ់ល្បែង​ជល់​មាន់​អស់​លុយ​ឱ្យ​ភាគី​ម្ខាង​ទៀត ទើប​គេ​ចាក់សោ​ទ្វារ​មិន​ឱ្យចេញ​បន្ទាប់ពី​លោក លី ឈុន​អ៊ូ ចង់​ចេញ​នោះ​។ នៅ​រសៀល​ថ្ងៃទី​១៧ ខែឧសភា ឆ្នាំ​២០១៣ លោក លី ឈុន​អ៊ូ បាន​ចូលទៅ​លេងល្បែង​ជល់​មាន់ ដោយ​ភ្នាល់​ដាក់​លុយ​ចន្លោះ​ពី ២​ម៉ឺន ទៅ ៥​ម៉ឺន​ដុល្លារ ប៉ុន្ដែ​ពេលនោះ​លោក លី ឈុន​អ៊ូ ចាញ់​អស់​លុយ ហើយ​គ្មាន​លុយ​ឱ្យគេ​រួច​ប្រុង​ចេញពី​កាស៊ីណូ ទើប​ភាគី​ម្ខាង​ទៀត​បិទទ្វារ​មិនឱ្យ​ចេញ តែ​បែរជា​បំភ្លៃ​ព័ត៌មាន​ថា​ជា​ករណី​ចាប់ជំរិត​ទៅវិញ​។ អធិការនគរបាល​ស្រុក​ពញាក្រែក​លោក ប្រាក់ ប៊ុន​ណុន បានឱ្យដឹង​ផងដែរ​ថា ចំពោះ​បញ្ហា​នេះ ត្រូវបាន​ភាគី​ទាំងពីរ ធ្វើការ​សម្របសម្រួល​គ្នា​នៅ​កន្លែងកើតហេតុ​នោះ​។


​បញ្ហា​ដែល​កើតឡើង​នៅកាស៊ី​ណូ​ខាងលើនេះ ជនជាតិខ្មែរ​មិនត្រូវ​បានអនុញ្ញាត ឱ្យចូល​លេងល្បែង​នោះឡើយ ប៉ុន្ដែ​ធាតុពិត​ជនជាតិខ្មែរ​ជាច្រើន​នាក់ ជាពិសេស​ថៅកែ​រកស៊ី​ឈើ​ប្រណីត​នៅ​ខេត្ដ​កំពង់ចាម ជាច្រើន​នាក់​បាន​ចូល​លេង ហើយ​ល្បែង​បញ្ជល់មាន់ សុទ្ធតែ​ជនជាតិខ្មែរ ចូល​លេង​តែម្ដង​។ ​សូមបញ្ជាក់ថា សង្វៀន​បញ្ជល់មាន់​ខាង​លើ​នេះ មិនមែន​ស្ថិតនៅក្នុង​បរិវេណ​នៃ​កាស៊ីណូ​នោះទេ គឺ​ស្ថិតនៅ​ខាងក្រោយ កាស៊ីណូ​តែម្តង ដោយ​ម្ចាស់​សង្វៀន បាន​ជួល​ដី​ពី​កាស៊ីណូ​សម្រាប់​ការបើក​លេង​៕

19

 

Leave a Reply

(*) Required, Your email will not be published