​ទីតាំង​កងរាជអាវុធហត្ថ​ក្រុង​សែន​មនោ​រម្យ ព្រះរាជអាជ្ញារង​ចុះ​ឆែកឆេរ​តែ​មិនអាច​ចូល​រួច​ព្រោះ​ប៉េអឹម​ជាច្រើន​នាក់​បាន​ឈរ​រារាំង​

, , Leave a comment

ខេត្ត​​មណ្ឌលគិរី ៖ កម្លាំង​សមត្ថកិច្ច​ចម្រុះ ជាច្រើន​នាក់ ដែល​ចុះទៅ​ឡោមព័ទ្ធ ទីបញ្ជាការ​អាវុធហត្ថ ក្រុង​សែន​មនោ​រម្យ កាលពី​វេលា​ម៉ោង​៥​ជាង​ល្ងាច ថ្ងៃទី​១៧ ខែឧសភា ឆ្នាំ​២០១៣ ដោយ​សង្ស័យថា មាន​លាក់ទុក​ឈើ​គ្រញូង តែ​បាន ដកថយ​ទៅវិញ​អស់ហើយមិនបាន​ចូ​លទៅ​ឆែកឆេ​នោះទេ​។​ការចុះ​ឆែកឆេរ​ដឹកនាំ​ដោយ ព្រះរាជអាជ្ញារង​និង​មន្ត្រី​ពាក់ព័ន្ធ​ជាច្រើន​ទៀត មាន​សមត្ថកិច្ច​ប៉ូលិស និង​រដ្ឋបាល​ព្រៃឈើ បានចេញ​ប្រតិបត្តិការ​មួយឈុត​ក្នុង​គោលបំណង​ឆែកឆេរ​ទីតាំង​មូលដ្ឋាន​របស់​ទីបញ្ជាការ​កងរាជអាវុធហត្ថ​ក្រុង​សែន​មនោ​រម្យ​ដោយ​សង្ស័យថា ទីតាំង​នោះ​មាន​លាក់ទុក​ឈើ​ប្រណីត​មាន​ក្រញូង បេង និង​ធ្នង់​ដោយ​ខុសច្បាប់​។ ប៉ុន្តែ​បេសកកម្ម​នោះ​មិនបាន​ជោគជ័យ​នោះទេ ដោយសារតែ​កម្លាំង​កង​រាជ​អាវុធហត្ថ​ក្រុង​បានដាក់​ប៉ា​រ៉ា​ស់ និង​មាន​កម្លាំង​ប៉េអឹម​ជាច្រើន​នាក់​បាន​ឈរ​រារាំង​ជា​ខែល​ជុំជិត​បរិវេណ​នោះ​។​


​សេចក្ដីរាយការណ៍​ឲ្យ​ដឹងថា នៅ​ម៉ោង​៥​និង​៣៥ នាទី​រសៀល​ថ្ងៃទី​១៧ ខែឧសភា​នេះ មន្ត្រី​តុលាការ​ខេត្តមណ្ឌលគិរី ដឹកនាំ​ដោយ​លោក​សោ វុទ្ធី ព្រះរាជអាជ្ញារង​អម​សាលាដំបូង​ខេត្តមណ្ឌលគិរី បាន​ដឹកនាំ​កម្លាំង​ប៉ូលិស​សេដ្ឋកិច្ច​ខេត្ត និង​មន្ត្រីរដ្ឋបាល​ព្រៃឈើ​ជាច្រើន​នាក់​ផង​នោះ ចុះទៅ​ឆែកឆេរ​ទីតាំង​មូលដ្ឋាន​ទីបញ្ជាការ​កង​រាជ​អាវុធហត្ថ​ក្រុង​សែន​មនោ​រម្យ ដោយ​សង្ស័យ​ទីតាំង​នោះ​មាន​លួចលាក់​ស្ដុក​ឈើ​ប្រណីត​ខុសច្បាប់​។​


​ប្រភព​បន្តថា ទោះជា​លោក​ព្រះរាជអាជ្ញារង​ខំព្យាយាម​សម្របសម្រួល​ជាមួយ​អ្នកទទួលខុសត្រូវ​នៅ​ស្នាក់ការ​កងរាជអាវុធហត្ថ​នោះ​យ៉ាងណាក៏ដោយ ក៏​មិនត្រូវ​បានអនុញ្ញាត​ឲ្យ​ចូលទៅ​ឆែកឆេរ ក្នុង​បរិវេណ​ខាងក្នុង​នោះដែរ នៅ​ទីបំផុត​រហូតដល់​ម៉ោង​៦​រសៀល​ថ្ងៃ​ដដែល​នេះ មន្ត្រី​តុលាការ និង​ក្រុមការងារ​ប្រតិបត្តិការ​បាន​ដកថយ​ត្រឡប់​ទៅវិញ​ដោយ​មិនបាន​ភស្តុតាង​អ្វី​នោះទេ​ ។ ប្រភពព័ត៌មាន​ពី​សមត្ថកិច្ច​នៅ​ក្រុង​សែន​មនោ​រម្យ បាន​ឲ្យ​ដឹងថា មូល​ហេតុដែល​សមត្ថកិច្ច បាននាំគ្នា​ដកថយ ទៅវិញ​នោះ ប្រហែល​មកពី​ហួស​ម៉ោង​រដ្ឋបាល ៕​

 

 

Leave a Reply

(*) Required, Your email will not be published