ស្លាប់​និង​របួស​ជិត ៣០០ នាក់​ក្នុង​ថ្ងៃ​បោះឆ្នោត​នៅ​ប៉ា​គី​ស្ថាន​

, , Leave a comment

​ប៉ា​គី​ស្ថាន ៖ យ៉ាងហោចណាស់​មនុស្ស ៣២ នាក់​បាន​បាត់​បង់ជីវិត និង​២២៤​នាក់​រង របួស​នៅក្នុង​អំពើហិង្សា ក្នុង​ថ្ងៃ​បោះ​ឆ្នោ​ត​​ជ្រើ​ស​រើ​ស​​តំ​ណា​ង​រា​ស្ដ្រ​​ប៉ា​គី​ស្ថាន​ថ្ងៃទី​១២ ខែឧសភា ហើយ​អំពើហិង្សា​នេះ បង្កឡើង​ដោយ​ការ​បំផ្ទុះ​គ្រាប់បែក បាញ់ប្រហារ​ដោយ​គ្រាប់​រ៉ុក្កែត​នៅ​ទូទាំង​ប៉ា​គី​ស្ថាន​នៅ​អំឡុងពេល​បោះឆ្នោត​រយៈពេល។​


​បណ្ដាញ​ទូរទស្សន៍​Urdu TV​បាន​រាយការណ៍​ថា នៅ​ទីក្រុង​កំពង់ផែ​កា​រ៉ា​ជី ខេត្ដ Sindh ភាគខាងត្បូង​ប៉ា​គី​ស្ថាន​តែមួយ​ប៉ុណ្ណោះ អំពើហិង្សា​បានកើត​ឡើង​១៧​ករណី​ក្នុង រូបភាព​ខុសៗ​គ្នា​ដោយ​សម្លាប់​មនុស្ស ១៥​នាក់ និង​រងរបួស​១៣៥​នាក់​។ រីឯ​នៅ ជិត​ស្ថានីយបោះឆ្នោត​ក្នុង​តំបន់ Quai dabad  កា​រ៉ា​ជី​នោះ​ផងដែរ មានការ បំផ្ទុះ​គ្រាប់បែក​បណ្ដាលឱ្យ​ស្លាប់​១១​នាក់ និង​របួស​៣៦​នាក់ ។ ចំណែក​នៅឯ​ខេត្ដ Balochistan ភាគខាងត្បូង​ឯណោះ​វិញ មាន​សេចក្ដីរាយការណ៍​ថា អំពើហិង្សា កើតឡើង​១០​ករណី​សម្លាប់​មនុស្ស​១០ នាក់ និង​៣៤​នាក់​ទៀត​រងរបួស ។ នៅឯ ខេត្ដ​ភាគ​ខាងកើត​ដែលជា​តំបន់​មាន   ប្រជាប្រិយ​បំផុត​របស់​ប៉ា​គី​ស្ថាន​នោះ​ផង ដែរ ក៏មាន​សេចក្ដី​រាយ​ណ៍​ថា មាន​អំពើ ហិង្សា​កើតឡើង​៨​ករណី​បណ្ដាល​ឱ្យស្លាប់ ៦​នាក់ និង​របួស​២៣​នាក់ ខណៈដែល​៣២ នាក់​រងរបួស​ក្នុង​ហេតុការណ៍​ហិង្សា​កើត ឡើង​នៅ Khyber Pakhtunkhawa ។


​បើទោះជា​រដ្ឋាភិបាល​បានប្រកាស​ប្ដេជ្ញា​ថា ការពារ​សន្ដិសុខ និង​សុវត្ថិភាព ជូន​ពលរដ្ឋ​ដែល​ទៅ​បោះឆ្នោត ក៏​ដូច​ការពារ​នៅតាម​ការិយាល័យ​បោះឆ្នោត​ក៏ ដោយ ក៏​នៅតែមាន​ការវាយប្រហារ​កើត ឡើង​ដោយ​សំដៅ​ទៅលើ​ពលរដ្ឋ​ដែល ប្រមូលគ្នា​ទៅ​បោះឆ្នោត​នោះ​ដដែល ។ ប៉ុន្ដែ​បើទោះជា​បែបនេះ​ក្ដី ក៏​នៅក្នុង​ម៉ោង បោះឆ្នោត​អំពើហិង្សា​ហាក់​បាន​ស្ងប់ ស្ងាត់​វិញ​ផងដែរ ។


​អគ្គលេខាធិការ​គណៈកម្មាធិកា​រ​រៀបចំ​បោះឆ្នោត​ប៉ា​គី​ស្ថាន លោក Ishtiaq Ahmad Khan បាន​ថ្លែង​ក្នុង​សន្និសីទ កាសែត​ថា ការបោះឆ្នោត​នេះ​ប្រ​ព្រឹ​ត្ដ ទៅដោយ​សន្ដិភាព​និង​ស្ងប់ស្ងាត់ បើ​ទោះ  ជាមាន​ការគំរាមកំហែង​វាយប្រហារ ជា ពិសេស​នៅ​ទីក្រុង​កំពង់ផែ​កា​រ៉ា​ជី​ភាគ ខាងជើង​ប្រទេស​នោះ​ក៏ដោយ​។​
​ម៉ោង​បោះឆ្នោត​ចាប់ផ្ដើម​ពី​ម៉ោង ៨​ព្រឹក​រហូតដល់​ម៉ោង​៥​ល្ងាច ម៉ោង​នៅ ក្នុង​តំបន់ ហើយ​បាន​បន្ថែម​រយៈពេល​១ ម៉ោង​ទៀត​ដើម្បី​ផ្ដល់ឱកាស​គ្រប់គ្រាន់ ដល់​ពលរដ្ឋ​ក្នុងការ​ទៅ​គូស​សន្លឹកឆ្នោត​។​


​បើតាម​គណៈកម្មការ​បោះ​ឆ្នោត​បាន បញ្ជាក់ថា ពលរដ្ឋ​ដែល​ចុះឈ្មោះ​បោះ ឆ្នោត​សរុប​មាន​៨៦,១​លាន​នាក់ ក្នុង នោះ​បុរស​៤៨,៦​លាន​នាក់ និង​ស្ដ្រី​៣៧,៥ លាន​នាក់ ។ នៅក្នុង​ការបោះឆ្នោត​នេះ ប៉ូលិស​៧៥.០០០​នាក់​ត្រូវ​ដាក់ពង្រាយ នៅតាម​ស្ថានីយបោះឆ្នោត​នានា​ដើម្បី ការពារ​សន្ដិសុខ ប៉ុន្ដែ​នៅតែ​មិនអាច បញ្ចៀស​មិនឱ្យ​អំពើហិង្សា​កើតឡើង រហូត​ធ្វើឱ្យ​ជនរងគ្រោះ​ស្លាប់​និង​រងរបួស ជិត​៣០០​នាក់​នេះ​ដដែល ៕

14 (1) 14 (2)

 

Leave a Reply

(*) Required, Your email will not be published