លោក ផិ​ក សុភា​ភក្តី មេ​ជញ្ជីង​ថ្លឹង​រថយន្ត​នៅ​អូ​រពង មាន់​​សប្បាយ​ដេក កើប​លុយ​មិន​រវល់​ផ្លូវ​ខូច​

, , Leave a comment

​លោក    ផិ​ក សុភា​ភក្តី  មិន​ស្តាប់​អនុសាសន៍​ប្រមុខ​រាជរដ្ឋាភិបាល ហ៊ុន សែន ដែល​បានប្រកាស​ឲ្យ​គ្រប់​ស្ថានីយ​ថ្លឹង​រថយន្ត​ទាំងអស់​នៅតាម​ដងផ្លូវ ក្នុងប្រទេស​កម្ពុជា ចាត់វិធានការ​គ្រប់​ម្ចាស់រថយន្ត​ទាំងឡាយណា ដែល​ផ្ទុកទំនិញ​លើស​ទម្ងន់​ដែល​ច្បាប់​បានកំណត់ ដោយ​រើចេញ​។​


ខេត្ត​​ស្ទឹងត្រែង ​៖​ ជញ្ជីង​ថ្លឹង​រថយន្ត​នៅ​អូរ​ពងមាន់​ដែលមាន​លោក​ផិ​ក សុភា​ភក្តី ប្អូន​លោក​ផឹក​សុបិន ចៅហ្វាយក្រុង​ស្ទឹងត្រែង​ជា​ប្រធាន​កំពុង​តែមាន​ភាព​ធូររលង់ និង​មិនមាន​វិធានការ​ដើម្បី​ថ្លឹង​រថយន្ត​ឲ្យ​បាន​ត្រឹមត្រូវ និង​ទប់ស្កាត់​នូវ​រថយន្ត​ដែល​ផ្ទុក​លើស​ទម្ងន់​នោះឡើយ​។


​បើសិនជា​លោក​មេ​ជញ្ជីង ដែល​ប្រចាំការ​នៅ​ទីនោះ​មិនបាន​អនុវត្តន៍​តាមច្បាប់​នោះទេ ព្រោះ​អនុញ្ញាតិ​ឲ្យ​រថយន្ត​ដឹក​លើស​ទម្ងន់​កំណត់ ឆ្លងកាត់​ដោយ​សេរី គ្រាន់តែ​ចូល​បង់លុយ​ ​ឲ្យ​អ្នកគ្រប់គ្រង​ស្ថានីយ​ជាការ​ស្រេច សូម្បីតែ​បង្កាន់ដៃ​ក៏​មិន​ចេញ​ឲ្យ​ផង​។​


មាន​រថយន្ត​ជាច្រើន មិន​ថា​រថយន្ត​ដឹកទំនិញ​លើស​កំណត់ ឬ​រថយន្ត​របស់​ក្រុមហ៊ុន ដែល​តែងតែ​យកឈ្មោះ​ក្រុមហ៊ុន​មក​ប្រើ​ដោយ​យក​រថយន្ត​ធន់​យក្ស​របស់​ក្រុម ហ៊ុន មក​លួច​បង្កប់​ដឹកឈើ​ប្រណិត​យ៉ាង​សំបើម​ដៃ ដោយ​មិន​ខ្វល់​ពី​ការប៉ះពាល់ និង​ខូចខាត​ផ្លូវថ្នល់ ដែលជា​សម្បត្តិ​រដ្ឋ ឬក៏​សម្បត្តិ​សាធារណៈ​ផងដែរ​។ អ្នកបើកបរ​រថយន្ត​ដឹកទំនិញ​ជាច្រើន​នាក់​បាន​ប្រាប់​ភ្នាក់ងារ​កាសែត កំណើត​ថ្មី ឲ្យ​ដឹងថា ការដែល​ពួកគាត់​ដឹក​លើស​ទម្ងន់​ដែល​ច្បាប់​បាន​ហាមឃាត់​នោះ ដោយសារ​បញ្ហា​ប្រេង​មានតម្លៃ​ខ្ពស់ ហើយ​ខាង​មន្ត្រី​ជំនាញ​តាម​បណ្តា​ស្ថានីយ​ថ្លឹង​រថយន្ត​យកលុយ​ក្នុង មួយគ្រឿង​ពី​១០​ម៉ឺន រៀល ទៅ​១៦​ម៉ឺន​រៀល បើ​ដាក់​ត្រឹមត្រូវ​តាមច្បាប់​កំណត់​ក៏​ខាង​មន្ត្រី​ថ្លឹង​រថយន្ត​និង សមត្ថកិច្ច​ជជុះ​នៅ​ទីនោះ​ដែលជា​មន្ត្រី​ពុករលួយ  ដុះ​ស្លែ​នៅតែ​យកលុយ​ដដែល​។ ម្ល៉ោះហើយ ត្រូវតែ​បង្ខំចិត្ត​ផ្ទុក​លើស​ដូច​គេ​ដូច​ឯង​ដែរ​។​


នេះ​គឺជា​គំនិត​មួយ​របស់លោក​មេ​ជញ្ជីង ដែល​គិតតែ​ពី​ប្រយោជន៍​ផ្ទាល់ខ្លួន​ដេក​កើប​លុយ​ដាក់​ហោប៉ៅ យកទៅ​ផឹកស៊ី​មិន​ខ្ចី​ខ្វល់​ពី​អ្នកណា​ទាំងអស់​។ លោក ផិ​ក សុភា​ភក្តី ប្រធាន​ស្នាក់ការ​ជញ្ជីង​ថ្លឹង​រថយន្ត​អូរ​ពងមាន់ បាន​រៀបរាប់​យ៉ាង​ឡូយ​ថា​៖ ការ​ថ្លឹង​រថយន្ត គឺ​មិនអាច​ថ្លឹង​គ្រប់​តែ​រថយន្ត​នោះទេ ពីព្រោះ​រាល់​រថយន្ត ដែល​បាន​ដឹកទំនិញ​ឯកជន ឬ​រថយន្ត​ដឹកឈើ​របស់​ក្រុមហ៊ុន ដែល​បាន​ឆ្លងកាត់​ស្នាក់ការ​ជញ្ជីង អាច​ថ្លឹង​បានត្រឹមតែ​ពីរ ឬ​បី​រថយន្ត​តែប៉ុណ្ណោះ បើ​ឲ្យ​ថ្លឹង​ទាំងអស់​គ្រប់​តែ​រថយន្ត គឺ​វា​អាចធ្វើ​ឲ្យ​ជញ្ជីង​ឆាប់​ខូច  ម្យ៉ាង​រាល់​រថយន្ត​ដែល​ដឹកឈើ​របស់​ក្រុមហ៊ុន គឺ​គេ​មាន​លិខិតអនុញ្ញាត​ច្បាប់​ត្រឹមត្រូវ​របស់គេ អញ្ចឹង​ហើយ​មិនចាំបាច់​ថ្លឹង​គ្រប់​តែ​រថយន្ត​នោះទេ​។

 

រីឯ​បញ្ហា​ថា រថយន្ត​ដឹកទំនិញ​ធម្មតា​ដែលថា​ផ្ទុក​លើស​ទម្ងន់​ឆ្លងកាត់​ជញ្ជីង​នោះ បើសិន​ជាមាន​ដឹក​លើស​ទម្ងន់​មែន​នោះ គឺ​គាត់​តែងតែបាន​ឃាត់ទុក និង​ធ្វើការ​ផាកពិន័យ​ទៅតាម​ច្បាប់ និង​មិនមាន​ការលើកលែង​នោះឡើយ​។ អ្នករកស៊ី​ដឹកជញ្ជូន​ទំនិញ​បាន​បង្ហើប​ឲ្យ​ដឹងថា នៅតាម​បណ្តា​ស្ថានីយ​ថ្លឹង​រថយន្ត​ដូចជា​នៅ​ចំណុច​ស្ថានីយ​អូរ​ពងមាន់ របស់លោក ផិ​ក សុភា​ភក្តី​គឺ​គេ​កំណត់​ឲ្យ​បង់លុយ​ក្នុង​មួយគ្រឿង​ចាប់ពី​១០​ម៉ឺន​ទៅ​២២​ម៉ឺន​រៀល​នេះ​សម្រាប់តែ​រថយន្ត​ដឹកជញ្ជូន​លើស​ទម្ងន់​បន្តិចបន្តួច​ប៉ុណ្ណោះ​។​ក្នុងករណី​ដឹក​លើស​ទម្ងន់​ច្រើន​លើសលប់​ហើយ​មិនមាន​ការទំនាក់ទំនង​ជាមួយ​លោក ផិ​ក សុភា​ភក្តី​ដោយផ្ទាល់​ទេនោះ ត្រូវគេ​ចាប់​
​ថ្លឹង​រថយន្ត​ហើយ​ធ្វើការ​ផាកពិន័យ​ដោយ​អួតអាង​ពី​ការអនុវត្ត ច្បាប់​ដែល​ក្នុង​រថយន្ត​ខ្លះ​ត្រូវ​បង់ប្រាក់​ដល់​ទៅ​១​ពាន់​ឬ​៣​ពាន់ ដុល្លារ​អាមេរិក​ក៏មាន ហើយ​គេ​មិន​ច្បាស់​ទេ​ថា តើ​ប្រាក់​ពិន័យ​បែបនេះ​ត្រូវ​បង់​ចូល​ជា​ថវិកាជាតិ ឬក៏​យ៉ាងណា​នោះទេ ព្រោះ​ពេល​បង់លុយ​នោះ​មានតែ​កិច្ចសន្យា​មួយ​ស្តីពី​ការឈប់​ដឹក​លើស​ទម្ងន់ តទៅទៀត​។​
 

 5-May (1)
​លោក ត្រាំ អ៊ីវតឹក រ​ដ្ធ​មន្ត្រី​ក្រសួង​សា​ធា​រណះ​ការ​និង​ដឹកជញ្ជូន​
OLYMPUS DIGITAL CAMERA

 ​លោក កុល សំអុល អភិបាលខេត្ត​ស្ទឹងត្រែង​ទើប​ឡើង​ថ្មី​

 

Leave a Reply

(*) Required, Your email will not be published