ក្រុម​ ភេរវកម្ម​ដែល​គ្រោង​បំផ្ទុះ​គ្រាប់បែក នៅ​ស្ថានទូត​មី​យ៉ាន់​ម៉ា ប្រចាំ​ទីក្រុង​ហ្សា​ការ​តា​ត្រូវ​កម្លាំង​ពិសេស បាញ់​ស្លាប់​និង​របួស ១១​នាក់​

, , Leave a comment

​ក្រុង​ចា​កាតា ៖ នៅ​ថ្ងៃ​ព្រហស្បតិ៍ ទី​៩ ខែឧសភា ឆ្នាំ​២០១៣ សារព័ត៌មាន​ធំៗ​បាន​រាយការណ៍​ថា កម្លាំង​ពិសេស​ឈុតខ្មៅ​របស់​ឥណ្ឌូនេស៊ី បាន​សម្រុកចូល​ចាប់ខ្លួន ក្រុម​ភេរវកម្ម​​ដែ​ល​មា​ន​​គម្រោងបំផ្ទុះ​គ្រាប់បែក​នៅ​ស្ថានទូត មី​យ៉ាន់​ម៉ា ហើយ​ក្រុម​ជនល្មើស​បាន​បាញ់ស្រោច​ទៅលើ​សមត្ថកិច្ច ក៏ត្រូវ​កម្លាំង​ពិសេស​ឈុតខ្មៅ បាញ់​តបត​បណ្តាល​ឲ្យ ស្លាប់​៧​នាក់ និង របួស ៦​នាក់​។​


​សារព័ត៌មាន វ៉ាស៊ីនតោន​ប៉ុស្តិ៍ បាន​ឲ្យ​ដឹងថា ក្រុម​ប៉ូលីស​ប្រឆាំង​ភេរវកម្ម ឥណ្ឌូនេស៊ី បាន​សម្រុកចូល​ចាប់ខ្លួន ក្រុម​ភេរវកម្ម​មួយក្រុម​ក្នុងភូមិ​គ្រឹះ​មួយកន្លែង ស្ថិតនៅ​បរិវេណ​កោះ​ជ្វា ដែល​ក្រុម​នេះ​ត្រូវបាន​សមត្ថកិច្ច​ឥណ្ឌូនេស៊ី សង្ស័យថា បាន​រៀប​គម្រោង​បំផ្ទុះ​គ្រាប់បែក នៅ​ស្ថានទូត​មី​យ៉ាន់​ម៉ា ប្រចាំ​ទីក្រុង​ហ្សា​ការ​តា ប្រទេស​ឥណ្ឌូនេស៊ី កាលពី​ថ្ងៃទី​៣ ខែឧសភា កន្លងទៅនេះ​។


​ខណៈដែល​ប៉ូលីស​ឈុតខ្មៅ​ឥណ្ឌូនេស៊ី ធ្វើការ​បង្ក្រាប​ក្រុម​ជនល្មើស មានការ​ប៉ះទង្គិច​គ្នា​ដោយ​អាវុធ ជាមួយ​សមត្ថកិច្ច បណ្តាល​ឲ្យ​ក្រុម​ជនល្មើស​ស្លាប់​ចំនួន​៧ នាក់ និង​របួស​ចំ​នួ ៦​នាក់​។ អាជ្ញាធរ​បាន​សន្និដ្ឋាន​ថា ក្រុម​ភេរវកម្ម​ទាំងនេះ ជា​សមាជិក​របស់​ក្រុម​បះបោរ ក្នុងប្រទេស​ឥណ្ឌូនេស៊ី ដែល​ធ្លាប់​ដើរ​ក្បួន ប្រឆាំងនឹង​ជម្លោះសាសនា រវាង​អ្នក​កាន់​ព្រះពុទ្ធសាសនា និង អ្នក​កាន់សាសនា​អ៊ីស្លាម ដែលជា​ហេតុ​បង្ក​ឲ្យ​កើត ជា​អំពើហិង្សា​ច្រើនលើកច្រើនសារ​រួចមកហើយ ៕

10-May (1) 10-May (2)

 

Leave a Reply

(*) Required, Your email will not be published