កសិករ​គួរ​បង្កើន​ការដាំដុះ​ម្រេច​ខណៈ​តម្លៃនឹង​តម្រូវការ​ទីផ្សារ​កើនឡើង​កាន់តែ​ខ្ពស់​

, , Leave a comment

​ខេត្តកំពង់ចាម ៖ បច្ចុប្បន្ននេះ​ដំណាំ​ម្រេច​គឺជា​ដំណាំ​មាន​ទីផ្សារ​ល្អ​ក្នុង​និង​ក្រៅប្រទេស​ជាពិសេស​គឺ​ការនាំ​ចេញទៅ​ក្រៅប្រទេស​ដូចជា​សហរដ្ឋ​អា​មេ​រិច អាល្លឺម៉ង់ សហភាព​អារ៉ាប់​និង​សាំង​ហ្គា​ពួរ​។​ល​។​ហេតុដូចនេះ កសិករ​ដាំ​ម្រេច​នៅក្នុង​ស្រុក​មេមត់​ខេត្តកំពង់ចាម​បាន​ពង្រីក​ដី​ដាំ ម្រេច បន្ទាប់ពី​តម្លៃ​បាន​ឡើងថ្លៃ​ទ្វេដង ដោយសារតែ​តម្រូវការ​ខ្ពស់​ពី​ទីផ្សារ​ក្រៅប្រទេស​។ លោក
​មន្ត្រី នៃ​ការិយាល័យ​កសិកម្ម​ស្រុក​មេមត់​អោយដឹងថា កាលពី​ឆ្នាំមុន​នៅ​ស្រុក​មេមត់​មាន​ផ្ទៃដី​ដាំ​ម្រេច​តែ​ជាង​៤០០​ហិកតា ប៉ុណ្ណោះ តែ​ឆ្នាំនេះ​ឡើងដល់​ជាង​៧០០​ហិកតា​។

26 (1)

លោក លិញ វណ្ណា នៅ​ចំការ​ម្រេច​ឃុំ​ដា ស្រុក​មេមត់ ខេត្តកំពង់ចាម​

ដោយឡែក​តំណាង សមាគម​លើកកម្ពស់​គុណភាព​ម្រេច​ខេត្តកំពត​បាន​ឲ្យ​ដឹងថា ឆ្នាំនេះ​ដោយសារតែ​ដំណាំ​ម្រេច​នៅតាម​ប្រទេស​មួយចំនួន ដូចជា វៀតណាម ឥណ្ឌា ខូចខាត ដោយសារ​ទឹកជំនន់ និង​ទឹកភ្លៀង បានធ្វើអោយ​ទីផ្សារ​បរទេស កំពុង​សម្រុក​មក​ទិញ​ពី​កម្ពុជា និង​ជំរុញ​ឲ្យ​កសិករ​បង្កើន​ការដាំដុះ​ច្រើន​ហើយ​បាន​ពង្រីក​តាម​បណ្តារ ខេត្ត​ផ្សេងៗ​ផង​ទៀត​។​
 

​លោក​បញ្ជាក់ថា «​តម្រូវការ​ម្រេច​ទាំង​ក្នុងស្រុក និង​ក្រៅ​ស្រុក​មាន​ច្រើនណាស់​។ ទិន្នផល​ម្រេច​កម្ពុជា​រាល់ថ្ងៃនេះ​មិនអាច​ឆ្លើយតប​តម្រូវកា​រ ទីផ្សារ​គ្រប់​ទេ​»​។ កាលពី​ថ្ងៃទី​០២ ខែមេសា ឆ្នាំ​២០១០ ក្រសួងពាណិជ្ជកម្ម​បាន​បញ្ចូល​ម្រេច​កំពត​ទៅជា​ដំណាំ​សម្គាល់ ភូមិសាស្ត្រ ពោល​គឺជា​ម្រេច​ដែលមាន​គុណភាព​ខ្ពស់​។

 

​លោក  បាន​ឲ្យ​ដឹងថា ក្នុង​មួយឆ្នាំៗ​កសិករ​ក្នុង​ខេត្តកំពត​អាច​ដាំ​ម្រេច​បាន​ប្រមាណ​ជិត ២០​តោន ហើយ​កសិករ​នៅ​ខេត្តកំពង់ចាម អាច​ដាំ​ម្រេច​បាន​ប្រមាណ​២០០​តោន ព្រោះ​ខេត្តកំពង់ចាម មាន​ផ្ទៃ​ធំ​ជាង​ខេត្តកំពត ប៉ុន្តែ​ម្រេច​ខេត្តកំពត​ថ្លៃ​ជាង ដោយសារ​វា​មាន​គុណភាព​ខ្ពស់​ត្រូវ​តាម​ស្ដង់ដារ ដែលមាន​តម្លៃ​ជាង​៤​ម៉ឺន​រៀល មួយ​គីឡូក្រាម​។ ពុំមាន​តួលេខ​ពី​តម្រូវការ​ម្រេច​នៅក្នុង​ស្រុក នឹង​ការនាំ​ចេញទៅ​ក្រៅប្រទេស​នោះឡើយ​។
 

លោក ខាន់ សំបាន ប្រធាន​នាយកដ្ឋាន​ដំណាំ​ឧស្សាហកម្ម​របស់​ក្រសួងកសិកម្ម​និយាយថា ដោយសារតែ​ដំណាំ​មួយ​ប្រភេទៗ ស្ថិតនៅ​ជា​លក្ខណៈ​គ្រួសារ​នៅឡើយ​ក្រសួងកសិកម្ម​មិនមាន​តួលេខ ច្បាស់លាស់​ពី​បរិមាណ​នោះទេ «​យើង​មិនដឹងថា នៅ​ស្រុក​ខ្មែរ​យើង​មាន​តម្រូវការ​ម្រេច​ចំនួន​ប៉ុន្មាន​តោន​ក្នុង​មួយ ឆ្នាំ​ទេ ប៉ុន្តែ​នៅក្រៅ​ប្រទេស​គេ​ត្រូវការ​ម្រេច​ពី​កម្ពុជា​ច្រើន ដូចជា​បារាំង អាមេរិក ជប៉ុន ជាដើម​»​។
 26 (2)

តម្លៃ​ម្រេច​នៅ​មេមត់ បាន​កើនឡើង​ពី​ជាង​១៧០០០​រៀល កាលពី​ឆ្នាំមុន ទៅដល់ ជាង​២០០០០​រៀល ក្នុង​មួយ​គីឡូក្រាម​នៅ​ឆ្នាំនេះ​។ កសិករ ណាន សាម៉ុន ដែល​ប្រក​បរបរ​ដាំ​ម្រេច​តាំងពី​ឆ្នាំ​២០០០​បាន​និយាយថា ពួកគេ​រីករាយ​នឹង​តម្លៃ​បច្ចុប្បន្ន «​ពេលនេះ​ឈ្មួញ​ហ៊ាន​ឲ្យ​តម្លៃ​យើង​ខ្ពស់​ដល់​មួយ​គីឡូក្រាម​ថ្លៃ​២០០០០ រៀល  ដែល​កាលពី​ឆ្នាំមុនៗ​គេ​ទិញ​យើង​តែ​ក្នុងតម្លៃ ១៧ ០០០​រៀល​ប៉ុណ្ណោះ​។ កសិករ ណាន សាម៉ុន​ឲ្យ​ដឹងថា ឆ្នាំនេះ​គាត់​បាន​ពង្រីក​ផ្ទៃដី​ដាំ​ម្រេច​ពី​១២០០​ជន្លង់​ដល់​២០០០ ជន្លង់​។ ប៉ុន្តែ​តាម​លោក ងួន ឡាយ បាន​ឲ្យ​ដឹងថា ក្នុង​មួយឆ្នាំៗ​ម្រេច​កំពត​នាំ​ចេញទៅ​ក្រៅប្រទេស​ប្រមាណ​១០​តោន​។ ដោយសារ របរ​ដំណាំ​ម្រេច​ងាយ​ទទួលផល​ហើយ​បាន កំរៃ​ខ្ពស់ជាង​ដំណាំ​ផ្សេងៗ​នោះបាន​ទាក់ទាញ​អ្នក​ភ្នំពេញ​និង​អ្នកផ្សារ ផ្សេងទៀត​ងាក​មក​ដាំ​ដំណាំ​ម្រេច​យ៉ាងច្រើន​។ ជួប​ជាមួយ​អ្នកយក​ព័​ត៍​មាន​លោក​លិញ វណ្ណា​ជា​ប្រធាន​សមាគម​គ្រី​ស្ទ​បរិស័ទ​ខេត្តកំពង់ចាម​បានអោយដឹងថា​ដោយសារ​ដំណាំ​ម្រេច​បច្ចុប្បន្ន​មាន​ទីផ្សារ​ល្អ​ហើយ​តម្រូវការ​ទីផ្សារ​កើនឡើង​កាន់តែ​ខ្ពស់​នោះ​ឆ្នាំនេះ​លោក​បានសម្រេច​បង្កើន​ការដាំដុះ​ម្រេច​បន្ថែម​ប្រាំ​ពាន់​ជន្លង់​ថែមទៀត​។​ហើយ​ក៏បាន​ជំរុញ​បងប្អូន​នៅ​ខេត្តស្ទឹងត្រែង​ដាំ​បាន​ច្រើន​ពាន់​ជន្លង់​ផងដែរ​។​សំណួរ​សួរថា​តើ​ពិត​ទេ​ដែល​គេ​អះអាងថា​នៅ​ស្រុក​មេមត់​មាន​សកម្មជន​គ​ណះ​បក្ស​មួយ​ជា​អ្នក​បំផុស​អោយ​ប្រជា​ពលរ​ដ្ថ​ដាំ​ម្រេច​ហើយ​ប្រជា​ពលរ​ដ្ធ​នៅ​ទីនោះ​ដាំ​ម្រេច​តាម​ហើយ​ក្រោយមក​ប្រជា​ពលរ​ដ្ថ​ទទួលផល​ពី​ម្រេច​និង​មាន​ជីវភាព​ធូរធារ​នោះ​?​

26 (3)

លោក​លិញ វណ្ណា បកស្រាយ​ថា​សម័យនេះ​ប្រជា​ពលរ​ដ្ធ​លោក​មានការ​យល់ដឹង​ច្រើន​ជាពិសេស​ស្រុក​មេមត់​ជាប់​ប្រទេស​វៀតណាម​ហើយ​ម្រេច ជា​ដំណាំ​ដែល​លេចធ្លោរ​ជាងគេ នៅ​វៀតណាម ក្នុងចំណោម មុខ​ដំណាំ​ដែលមាន ក្នុង​តារាងបញ្ជី​នៃ​វិស័យ​កសិកម្ម ដែល​នាំ ចេញ​ទទួលបាន​ប្រាក់ ចំណូល​ខ្ពស់ ។​ហើយ​អ្វី​ដែលជា​ការអះអាង​នោះ​គឺ​វា​ជាការ​កុហក​អោយ​សមតែ​ប៉​ណ្ណោះ​។​ជាក់ស្តែង​ទីភ្នាក់ងារ​ព័ត៌មាន​ចិន​ស៊ិន​ហួ ចុះផ្សាយ​នៅ​ថ្ងៃទី​២៥ ខែមេសា ឆ្នាំ ២០១៣​នេះ​ថា ប្រទេស​វៀតណាម នៅតែ​ជា​ប្រទេស ដែល​បាន​នាំចេញ ម្រេច​ដ៏​ច្រើន ជាងគេ​នៅ​ទូទាំង​ពិភពលោក ។​ដោយបាន​នាំចេញ​ប្រមាណ​៣៨,៣៧៤​តោន គិត​ក្នុង​ត្រីមាស​ទី​១​ឆ្នាំ​២០១៣​នេះ និង​ទទួល បាន​ប្រាក់ចំណូល​ពី​ការនាំចេញ​នេះ គិត​ជា​ទឹកប្រាក់​ស្មើនឹង ២៥៤,១​លាន​ដុល្លារ​សហរដ្ឋអាមេរិក ។​ទីផ្សារ​ម្រេច ដែល​នាំចេញ​ដោយ​វៀតណាម រួមមាន​៖ សហរដ្ឋអាមេរិក ប្រមាណ​២១,១៣​ភាគរយ អាល្លឺម៉ង់​១១,៦​ភាគរយ សហភាព​អារ៉ាប់​៧,៣៩ ភាគរយ និង​សាំង​ហ្គា​ពួរ​ចំនួន​៦,៧៧​ភាគរយ ៕

 

Leave a Reply

(*) Required, Your email will not be published