តាម​ស្រឡាញ់​នាង​យូរហើយ តណ្ហា​ពុះកញ្ជ្រោល​ទ្រាំ​មិនបាន ចាប់រំលោភ​ក្នុង​បន្ទប់ទឹក​

, , Leave a comment

​ខេត្ដ​ស្វាយរៀង ៖ បុរស​ជា​សន្ដិសុខ​យាម​រោងចក្រ​ម្នាក់ បាន​ឆ្លៀតឱកាស​ចាប់រំលោភ​នាង​ក្រមុំ ពេលដែល​នាង​ចូលទៅ​បន្ទប់ទឹក ហើយ​ត្រូវ​កម្មករ​ម្នាក់ទៀត​មក​ទាន់

នាំគ្នា​ឆោឡោ​ចាប់ខ្លួន​ប្រគល់ឱ្យ​សមត្ថកិច្ច​នគរបាល​ក្រុង​បាវិតកាលពី ​វេលា​ម៉ោង​៨ ព្រឹក ថ្ងៃទី​២២ ខែមេសា ឆ្នាំ​២០១៣ នៅ ចំណុច​រោងចក្រ​ឡុង​ប្រាយ ស្ថិតក្នុង​ភូមិ​ថ្នា​ញ សង្កាត់​បាទី ក្រុង​បាវិត ខេត្ដ​ស្វាយរៀង ។


​ជនសង្ស័យ​មានឈ្មោះ ប៉ែន ធី អាយុ​៣៦​ឆ្នាំ ជា​បុគ្គលិក​សន្ដិសុខ​ក្រុមហ៊ុន​សា​រ៉ា​បូព៌ា មាន​ទីលំនៅ​ភូមិ​ស្វាយ ឃុំ​សំឡី ស្រុក​កំពង់រោទិ៍ បច្ចុប្បន្ន​ជាស​ន្ដិ សុខ​នៅ​រោងចក្រ​ឡុង​ប្រាយ ។ ចំណែក​នារី​រងគ្រោះ​មានឈ្មោះ យ​.​ស​.​វ​.​ណ អាយុ ១៥​ឆ្នាំ បម្រើ ការងារ​នៅ​រោងចក្រ​ឡុង​ប្រាយ មាន​ទីលំនៅ​ក្នុងភូមិ​ពោធិ៍ ឃុំ​មេស​ថ្ង​ក ស្រុក​ចន្ទ្រា ។ មុនពេល​កើតហេតុ​ក្មេងស្រី​រងគ្រោះ​បាន​ដើរចូល ទៅក្នុង​បន្ទប់ទឹក​ក្នុង​បរិវេណ​រោងចក្រ ឡុង​ប្រាយ ហើយ​ពេលនោះ​ឈ្មោះ ប៉ែន ធី ក៏​ដើរ ចូល​តាម​ពីក្រោយ​រួច​ធ្វើ​សកម្មភាព​ចាប់​នាង​រំលោភ​តែម្ដង ។


​នៅ​គ្រានោះ​មាន កម្មករ​ម្នាក់​ដើរ​ទៅរក​បត់ជើងតូច ចៃដន្យ​ក៏​ឮ​សម្រែក​នារី​រងគ្រោះ​ឱ្យជួយ​ទើប មានការ​ភ្ញាក់ផ្អើល ក៏​ស្រែក​ឆោឡោ រួច​ព័ទ្ធចាប់​ជនសង្ស័យ​ប្រគល់ឱ្យ​នគរបាល ប៉ុស្ដិ៍​តែម្ដង ។ ជនសង្ស័យ​ជា​មនុ​ស្សមាន​ប្រពន្ធ​កូន ហើយ​កន្លងមក ជនសង្ស័យ​បាន​ព្យាយាម​តាម ស្រឡាញ់​នារី​រងគ្រោះ​ទើប​ជម្រុញ​ឱ្យ​ជនសង្ស័យ​ទ្រាំលែងបាន ទើប​ធ្វើ​សកម្មភាព​ខុសច្បាប់​បែបនេះ​៕
 ​

26-April

ប្រភព វត្តភ្នំ

 

Leave a Reply

(*) Required, Your email will not be published