អាវុធ​នុយក្លេអ៊ែរ​ជា​រតនវត្ថុ​ដ៏​មានតម្លៃ ដែល​កូរ៉េខាងជើង មិនអាច​បោះបង់​បានឡើយ​

, , Leave a comment

​ក្រុង​ព្យុងយ៉ាង ៖ នៅ​ទីបំផុត​មេដឹកនាំ​កូរ៉េខាងជើង បា​ន​ទា​ម​ទា​រ​​ឱ្យ​​មា​ន​កា​រ​​ទ​ទួ​ល​ស្គា​ល់​ថា ខ្លួន​ជា​ប្រទេស​ដែលមាន អាវុធ​នុយក្លេអ៊ែរ​មួយ ដោយ​រំលោភ​ទៅលើ​លក្ខខណ្ឌ

ដែល​បាន​ព្រមព្រៀង​ជាមួយ​អាមេរិក​ក្នុងការ បោះបង់​កម្មវិធី​អាវុធ​នុយក្លេអ៊ែរ មុនពេល​ដំណើរ​ការចរចា​ចាប់ផ្ដើម ពោលគឺ​កូរ៉េខាងជើង​នៅតែមាន​ចេតនា គំរាមកំហែង​ប្រើប្រាស់​អាវុធ​នុយក្លេអ៊ែរ ដើម្បី​យក​ប្រៀប​សម្រាប់​ការចរចា​ដដែល ។


​សារព័ត៌មាន​របស់​កូរ៉េខាងជើង​បាន​ផ្សព្វផ្សាយ​ថា ជា​រឿង​គ្មាន​ហេតុផល​និង​មិនអាច​ទទួលយក​បានឡើយ ចំពោះ​លក្ខខណ្ឌ​របស់​អាមេរិក និង​កូរ៉េខាងត្បូង​ដែលថា ឱ្យ​កូរ៉េខាងជើង​យល់ព្រម​បញ្ឈប់​កម្មវិធី នុយក្លេអ៊ែរ និង​សកម្មភាព​បាញ់​សាកល្បង​កាំជ្រួច​នាពេលខាងមុខ​ជា​បន្ដទៀត នោះ​។ មានការ​អត្ថាធិប្បាយ​ថា  “ ប្រសិនបើ​ភាគី​សាធារណរដ្ឋ​ប្រជាជន​ប្រជាធិបតេយ្យ​កូរ៉េ ស្ថិតនៅក្នុង​តុ​ចរចា​ជាមួយ​អាមេរិក​នោះ ខ្លួន​នឹង ពិភាក្សា​ស្ដីអំពី​រដ្ឋ​ដែលមាន​អាវុធ​នុយក្លេអ៊ែរ មិនមែន​ភាគី​មួយ​បង្ខំ​ឱ្យ​ភាគី មួយទៀត​បោះបង់​អាវុធ​នុយក្លេអ៊ែរ​នោះឡើយ ” ។


​មុននេះ​តែ​បន្តិច អាមេរិក និង​កូរ៉េខាងត្បូង​បាន​អំពាវនាវ​ឲ្យ កូរ៉េខាងជើង បង្ហាញ​អំពី​ការបោះបង់​មហិច្ឆតា​អាវុធ​នុយក្លេអ៊ែរ ដើម្បី​ការពិភាក្សា មួយ​ទទួលបាន​ផ្លែផ្កា ព្រោះ​កូរ៉េខាងជើង​នៅ​ឆ្នាំ​២០០៥ ធ្លាប់បាន​ចុះហត្ថលេខា​លើ​សន្ធិសញ្ញា មិន​រីក​សាយភាយ​អាវុធ​នុយក្លេអ៊ែរ​ជា​ថ្នូរ​នឹង​ការផ្ដល់​ជំនួយ ។ ប៉ុន្ដែ​បច្ចុប្បន្ននេះ កូរ៉េខាងជើង​ចាត់ទុកថា អាវុធ​នុយក្លេអ៊ែរ​ជា​រតនវត្ថុ​ដ៏​មាន តម្លៃ​ដែល​ខ្លួន​មិនអាច​បោះបង់​ឡើយ ហើយ​នៅ​ខែកុម្ភៈ​កន្លងមកនេះ កូរ៉េ​ខាង​បាន​ជើងបាន​បាញ់​សាកល្បង​កាំជ្រួច​មី​ស៊ី​ល លើក​ទី​៣​របស់ខ្លួន​ប្រកបដោយ​ជោគជ័យ​ថែមទៀត​ផង ។


​ភាព​ក្រអឺតក្រទម​បែបនេះ ធ្វើឱ្យមាន​ការដាក់ទណ្ឌកម្ម​ពី​អង្គការ​សហ ប្រជាជាតិ​ទៅលើ​កូរ៉េខាងជើង ហើយ​ជា​ដើមចម​នាំឱ្យ​មានការ​គំរាមកំហែង​បន្ថែម ទៀត​ពី​កូរ៉េខាងជើង​ថា នឹង​បើក​ការ​វាយ ប្រហារ​ដោយ​អាវុធ​នុយក្លេអ៊ែរ​ប្រឆាំង ទៅលើ​កូរ៉េខាងត្បូង និង​អាមេរិក ។ យ៉ាងណាក៏ដោយ កូរ៉េខាងជើង បានដាក់​លក្ខខណ្ឌ​មួយចំនួន​ឱ្យ​អាមេរិក និង​កូរ៉េខាងត្បូង មុនពេល​បើក​កិច្ចចរចា​គ្នា ត្រូវ​លុបចោល ការដាក់ទណ្ឌកម្ម​រប​ស់​អង្គការសហប្រជាជាតិ​ផងដែរ ។ ប៉ុន្តែ​អាមេរិក​នៅតែ​រង់ចាំ​សញ្ញា​ច្បាស់លាស់ ដែល​កូរ៉េខាងជើង​បញ្ឈប់​សកម្មភាព​អាវុធ នុយក្លេអ៊ែរ​របស់ខ្លួន ៕

25-April6

 

Leave a Reply

(*) Required, Your email will not be published