មន្ដ្រី​សុរិយោដី​ខណ្ឌឫស្សីកែវ​ម្នាក់ បើករថយន្ត​គេច​ពី​រ៉ឺម៉ក​ជ្រុល​ទៅបុក​កុង​តឹ​ន័​រ

, , Comment closed

​រាជធានី​ភ្នំពេញ ៖ មន្ដ្រី​សុរិយោដី​ខណ្ឌឫស្សីកែវ​ម្នាក់​បាន​គាប​ស្លាប់​ក្នុង​រថយន្ដ កាលពី​វេលា​ម៉ោង​០០​និង​៤៥​នាទី​រំលងអធ្រាត្រ​ឈានចូល​ថ្ងៃទី​១៩ ខែមីនា ឆ្នាំ​២០១៣ នៅលើ​កំណាត់​ ផ្លូវជាតិ​លេខ​១ ជិត​វត្ដ​ចំប៉ា ក្នុងភូមិ​ជ្រោយ​អំពិល សង្កាត់​ក្បាលកោះ ខណ្ឌមានជ័យ ក្នុង​ហេតុការណ៍​គ្រោះថ្នាក់​ចរាចរ​ដ៏​រន្ធត់​មួយ​រវាង​រថយន្ដ​កុងតឺន័រ​របស់​ក្រុមហ៊ុន SK និង​រថយន្ដ​ម៉ាក​ឡិច​ស៊ី​ស​។​
​ជនរងគ្រោះ​មានឈ្មោះ លឹម វណ្ណឌី ភេទ​ប្រុស អាយុ​៣១​ឆ្នាំ ជាម​ន្ដ្រី​សុរិយោដី​ខណ្ឌឫស្សីកែវ បើករថយន្ដ​ម៉ាក​ឡិច​ស៊ី​ស RX330 ពណ៌​ទឹកប្រាក់ និង​រថយន្ដ​ម្ខាង​ទៀត​ប្រភេទ​កុងតឺន័រ របស់​ក្រុមហ៊ុន​SK ។ មុនពេល​កើតហេតុ រថយន្ដ​ឡិច​ស៊ី​សបាន​បើក​ពី​ភ្នំពេញ​ទៅ​កៀនស្វាយ តាម បណ្ដោយ​ផ្លូវជាតិ​លេខ​១​។​
​លុះ​មកដល់​ចំណុចកើតហេតុ​ក៏បាន​ជ្រុល​បុក​នឹង​រ៉ឺម៉ក​ម៉ូតូ​ដែល​កំពុង បើក​ស្រប​ទិស​គ្នា ហើយ​រថយន្ដ​ក៏​រេ​ចង្កូត​ទៅខាង​ឆ្វេង​ដៃ​ទៅបុក​ជាមួយ​រថយន្ដ​កុងតឺន័រ​ដែល​បើក​បញ្ច្រាស​ទិស​គ្នា​ពេញទំហឹង បណ្ដាលឱ្យ រថយន្ដ​ឡិច​ស៊ី​ស​ក្រ​ពិត គាប​អ្នកបើកបរ​ស្លាប់​នៅក្នុង​រថយន្ដ​តែម្ដង អ្នកបើកបរ​រថយន្ដ​កុងតឺន័រ​រត់គេចខ្លួន​បាត់ ចំណែក អ្នកជិះ​លើ​រ៉ឺម៉ក​ចំនួន​៩​នាក់​ក៏​រងរបួស​ផងដែរ ៕

20-m