មន្ត្រី​គយ​បើករថយន្ត​ឆ្លាម​ទៅបុក ឡាន​ដឹកអុស​ប្រេងខ្យល់​ពីក្រោយ ជុង​ឈើ​ស្លាប់​ជិត​ជ្រោះ​យាយ​ម៉ៅ​

, , Comment closed

         ​ខេត្តកំពង់ស្ពឺ ៖ មន្ត្រី​គយ​ម្នាក់​បាន​បើករថយន្ត​ឆ្លាម​ទៅបុក​រថយន្ត​ដឹក អុស​ដើម​ប្រេងខ្យល់ ពីក្រោយ​ពេញទំហឹង កាលពី​វេលា​៧​យប់​ថ្ងៃទី​០៩ ខែមីនា ឆ្នាំ​២០ ១៣ តាម​បណ្តោយ​ផ្លូវជាតិ​លេខ​៤ ជិត​ជ្រោះ​យាយ​ម៉ៅ ក្នុង​ឃុំ​ ត្រែងត្រយឹង ស្រុក​ភ្នំស្រួច ខេត្តកំពង់ស្ពឺ បណ្តាល​ឲ្យ​ស្លាប់បាត់​បង់ជីវិត ភ្លាមៗ នៅ​និង​កន្លែងកើតហេតុ ។​

         ​ជនរងគ្រោះ ដែល​ស្លាប់បាត់​បង់ជីវិត​នេះ មានឈ្មោះ ខាំ លី​ចំរើន ជា​មន្ត្រី​គយ ហើយ​នៅមុន​កើតហេតុ មាន​ភ្លៀង​ស្រិចៗ ផង​នោះ ជនរងគ្រោះ​បាន​បើ​រថយន្ត​កាមរី​ឆ្លាម ពណ៌​ទឹកប្រាក់ ពាក់​ស្លាក​លេខ ភ្នំពេញ 2L-0756 ក្នុងទិសដៅ​ពី​លិចទៅ​កើត ធ្វើដំណើរ​ចូលមក​រាជធានី​ភ្នំពេញ ។ មកដល់​ចំណុច​កើត​ហេ​ត​ដែល​មេឃងងឹត​ខ្លាំង​និង​បើករថយន្ត​លឿន​ផង​នោះ បាន​ជ្រុល​ទៅបុក​រថយន្ត​ដឺ​ក​ឈើ​មួយគ្រឿង ពាក់​ស្លាក់​លេខ តាកែវ 3A-0284 ពីក្រោយ​ពេញទំហឹង បណ្តាល​ឲ្យ​ឈើបុក​ធ្លាយ​កញ្ចក់ ហើយ​ជ្រុល​មក​ជុង​ជនរងគ្រោះ​ជាប់​នៅក្នុង​រថយន្ត និង​បណ្តាល​ឲ្យ​ស្លាប់​ភ្លាមៗ តែម្តង​។​

         ​សមត្ថកិច្ច​បានបញ្ជាក់​ថា តាម​ស្ថានភាព​នៅ​កន្លែងកើតហេតុ រថយន្ត​ដែល​ដឹកអុស​ដើម​ប្រេងខ្យល់ ធ្វើដំណើរ​យឺតៗ ត្រង់ចំណុច​ឡើង​ទួល​យាយ​ម៉ៅ តែ​ដោយសារតែ​រថយន្ត​ឆ្លាម​មាន​ល្បឿន​លឿន​និង​ខ្វះ​ការប្រុងប្រយ័ត្ន​ផង​នោះ ទើប​ជ្រុល​ទៅបុក​និង​រថយន្ត​ដឹកអុស​ពេញទំហឹង​តែម្តង​។ ទោះជា​យ៉ាងណា អ្នកបើកបរ​រថយន្ត​ដឹកអុស​ដើម​ប្រេងខ្យល់ បាន​គេចខ្លួនបាត់​ហើយ​។ មួយ​រយះ​ចុង​ក្រោយនេះ មាន​ករណី​គ្រោះថ្នាក់ ចរាចរ​កើតឡើង​គួរ​ឲ្យ​ព្រួយបារម្ភ​នៅលើ​កំណាត់​ផ្លូវជាតិ​លេខ​៤៕

10-m