ចាប់​ជនសង្ស័យ​បាន​៣​នាក់ ពាក់ព័ន្ធ​ករណី​ចាប់​នារី​ចងដៃ​ចងជើង​បិទមុខ​រំលោភ​រហូតដល់​សន្លប់

, , Comment closed

         ​រាជធានី​ភ្នំពេញ ៖ ករណី​ចាប់​នារី​ម្នាក់​ចងដៃ​ចងជើង​រួច​បិទមុខ​យកទៅ រំលោភ​នៅក្នុង​ព្រៃត្រែង កាលពី​ថ្ងៃទី​២ ខែមីនា ឆ្នាំ​២០១៣ ឋិត​នៅក្នុង​សង្កាត់​កោះដាច់ ខណ្ឌឫស្សីកែវ កម្លាំង​កង​អាវុធហត្ថ​ខណ្ឌឫស្សីកែវ​បានស្រាវជ្រាវ​ចាប់ខ្លួន​ជនសង្ស័យ​ចំនួន​៣​នាក់ នៅវេលា​ម៉ោង​៩​និង​៣០​នាទី​ព្រឹក ថ្ងៃទី​៣ ខែមីនា ឆ្នាំ​២០១៣ ឋិត​នៅក្នុង​ឃុំ​កោះ​ឧកញ៉ា​តី ស្រុក​ខ្សាច់កណ្ដាល ខេត្ដ​កណ្ដាល​។​

         ​ជនសង្ស័យ​ដែល​ត្រូវ​ចាប់ខ្លួន មានឈ្មោះ ១-​លឹម លី ភេទ​ប្រុស អាយុ​២១​ឆ្នាំ​, ២-​ម៉ៅ សុភា អាយុ​២៣​ឆ្នាំ និង​៣-​លាភ ស៊ីណា ហៅ​ម៉ាត់ អាយុ​១៩​ឆ្នាំ ត្រូវជា​សង្សារ​នារី​រង​គ្រោះ អ្នក​ទាំង​មាន​ទីលំនៅ​ឃុំ​កោះ​ឧកញ៉ា​តី ស្រុក​ខ្សាច់កណ្ដាល ខេត្ដ​កណ្ដាល ។  ក្នុងចំណោម​ជនសង្ស័យ​ទាំង​៣​នាក់ នារី​រងគ្រោះ​បាន​ចង្អុល​ឈ្មោះ លឹម លី  បាន​ចូលរួម​ធ្វើ​សកម្មភាព​រំលោភ​នាង ។ ប៉ុន្ដែ​ឈ្មោះ លឹម លី បាន​បដិសេធ ហើយ ជនសង្ស័យ​៣​នាក់​នេះ​ត្រូវបាន​បញ្ជូនទៅ កាន់​ទីបញ្ជាការដ្ឋាន​ក​ង​រាជ​អាវុធហត្ថ​រាជធានី​ភ្នំពេញ ដើម្បី​ចាត់ការ​បន្ដ​។​

         ​សូម​រំលឹកថា នារី​វ័យក្មេង​ម្នាក់​ត្រូវ​ក្រុមយុវជន​ញៀន​ថ្នាំ​ចំនួន​៥​នាក់​នាំគ្នា ចាប់​អូស ចូលក្នុង​ព្រៃត្រែង ក្បែរ​កំពង់​.​ដ​កោះដាច់​ចាប់រំលោភ​សេពសន្ថវៈ​ម្នាក់​ម្តងៗ រហូត​បាន​ម្រេច និង​បណ្តាលឱ្យ​នាង​សន្លប់​ហើយ​ចាប់ចង​ដៃជើង និង​ចង​មុខ​ទុកចោល​រួច​គេចខ្លួនបាត់​ធ្វើឱ្យមាន​ការភ្ញាក់ផ្អើល កាលពី​វេលា​ម៉ោង​៩​ព្រឹក​ថ្ងៃទី​២ កុម្ភៈ ២០១៣​នៅ​ចំណុច​កំពង់ដ​កោះដាច់​ស្ថិតក្នុង​ភូមិ​រនះ សង្កាត់​កោះដាច់ ខណ្ឌឫស្សីកែវ​។

         ​នារី​ដែល ត្រូវបាន​រំលោភបំពាន​ផ្លូវភេទ​អាយុ​២០​ឆ្នាំ មាន​លំនៅ​ស្រុក​បាធាយ ខេត្តកំពង់ចាម ត្រូវបាន​លោក​ចៅសង្កាត់​កោះដាច់ រួមទាំង​ប៉ូលិស​បញ្ជូន​ទៅកាន់​មន្ទីរពេទ្យបង្អែក​រាជធានី​ភ្នំពេញ​។ សមត្ថកិច្ច​មូលដ្ឋាន​បានឱ្យដឹងថា នៅវេលា​ព្រឹក​ថ្ងៃទី​២ កុម្ភៈ ២០១៣ ប្រជាពលរដ្ឋ​ដែល​ធ្វើដំណើរ​បាន​ចូលទៅ​បត់ជើងតូច​ក្នុង​គុម្ពោត​ព្រៃត្រែង ស្រាប់តែ​ប្រទះឃើញ​ស្ត្រី​រូបនោះ​ត្រូវបាន​គេ​ចាប់ចង​ជើងដៃ និង​ចង​មុខ​ដោយនៅ​ដង្ហើម​ក៏បាន​រាយការណ៍​ប្រាប់​ប៉ូលិស និង​អាជ្ញាធរ​មូលដ្ឋាន​ដើម្បី​ជួយសង្គ្រោះ​៕

04-m